Lûk 18:14 - Mundani

¹⁴ Yesò nê, “TsiꞋ è shu awɨ̧ nê, wu ndàꞋa fetà èkab taksì waa tà li me laꞋnê yea ngà àpfəè, Mbɔ̧ɔ̧mà ghɨ̀ mènəè tò tɨ̧ɨ̧ ndɨŋndɨ̀ŋ a mbì li la. Aa ale nkàà nê wòt ègème tàa ŋèꞋe avi a ègwet la, Mbɔ̧ɔ̧mà naa shuke atò a si, è we tà nɨ avi a si la, Mbɔ̧ɔ̧mà ŋèꞋe atò a ègwet.”

Lûk 18:14 ပူးပေါင်းရင်းမြစ်များ

Matìù 23:12

Wòt ŋèꞋe avi a ègwet ko bɔɔ shuke tò a si, wòt tà shuke avi a si la bɔɔ ŋeꞋe tò a ègwet.

Matìù 5:3

“Ntsɔ̧̀ wu bòt bu bɔ ko nê, bɔ wu bòt mbuŋ a mbì Mbɔ̧ɔ̧mà la. Kèfɔ̧̀ Mbɔ̧ɔ̧mà wu abua yɔb.

Lûk 1:52

Tà shuktè bèfɔ̧̀ kekweelè a ègwet ètɨ̧ kèfɔ̧̀ bɔb ndɔ̀ktè bòt kà wua ŋèꞋa tèkwȩ tɔb ntsà a ègwet.

Lûk 10:29

Tà shu ale, nyɨꞋtà mbɨ̧te Musì wu me kɨ enyɨꞋte nê èngǎ̧ vi e lâ mbɔ̀ lə, ale tà mè mbììta Yesò nê, “Wanɔ̧ wu wà à?”

Lûk 14:11

Aa ale nkàà nê wòt ègème tàa ŋèꞋa tèkwȩ ti a ègwet la, Mbɔ̧ɔ̧mà naa shuke atò a si, wòt tàa nɨ̀a avi a si la, Mbɔ̧ɔ̧mà ŋèꞋe atò a ègwet.”

Lûk 16:15

Yesò shu abua yɔb nê, “Wu bɨ̀a bɨ̀a ŋèꞋa wɨ̧ a ègwet a mbì bòt nê mènəè mɨ̧ tɨ̧ɨ̧ ndɨŋndɨ̀ŋ la, ka Mbɔ̧ɔ̧mà bɔ̂ ko mèntɨ̧ɨ̧ mɨ̧. Bɨ̀ ko nê àghɨa bòt àa nɨ̀a nê wu taꞋa àghɨ la, a bakà kùꞋ àghɨ a mbì Mbɔ̧ɔ̧mà.

Lûm 3:20

Wòt kǒ Mbɔ̧ɔ̧mà nàa nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li nkàà ndɨ ŋut ghɨ̀ àghɨa mbɨ̧ nàa shua la, è ntsě, nkàà nê àghɨa mbɨ̧ nàa ngɨ̀à la wu a mànyɨꞋta wa nê baa ghɨa kàbɔ̀ŋ.

Lûm 4:5

Ka wòt bakà wua ngɨ̀à èfàꞋ nkɨà àbȩ̀, mbɔ̂ ndzì èntɨ̧ɨ̧ vi ane Mbɔ̧ɔ̧mà wu betsiꞋa tà nɨ wòt mènəè kàbɔ̀ŋ mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, ko tàa nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, nkàà èntɨ̧ɨ̧ wu ŋut zi ane tò la.

Lûm 5:1

Ndɨ̀ wu Mbɔ̧ɔ̧mà nɨ awa mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li nkàà ndɨ̀ wu baa zì mèntɨ̧ɨ̧ ma ane tò la, baa bɔ àlàŋkè nè Mbɔ̧ɔ̧mà nkàà àghɨa Yesò Klistò Lefɨ̀Ꞌ wa ghɨ ane ya la.

Lûm 8:33

Wòt wu tàa li zǐ ànəê àtsəa bòt bu Mbɔ̧ɔ̧mà làà la wu wàà? Wu Mbɔ̧ɔ̧mà zìambɔŋ ka tàa shua nê wòt tɨ̧ɨ̧ ndɨŋndɨ̀ŋ a mbì li la.

Gàlashìà 2:16

e ko nê, betsiꞋa wòt kà tɨ̧ɨ̧ ndɨŋndɨ̀ŋ a mbì Mbɔ̧ɔ̧mà nkàà wuê na tàa nkùŋà mbɨ̧te Musì la. Wu èntɨ̧ɨ̧ wu wòt zi ane Yesò Klistò la ka àa ngɨ̀à Mbɔ̧ɔ̧mà nɨ̀a ŋut mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la. Bàa mbɔŋ e bɨ̧ɨ̧nè ane Yesò Klistò. Ba ghɨ̀ ale, mbɨ̀Ꞌɨ̀ Mbɔ̧ɔ̧mà naa nɨa wa ane bòt bɔ tɨ̧ɨ̧ ndɨŋndɨ̀ŋ a mbì li nkàà èntɨ̧ɨ̧ wu ba zi ane Yesò Klistò la. E ntsě mbɨ̧te Bèjuê wòt nàa nkùŋà la ka betsiꞋa te ghɨa tò ale la, nkàà nê betsiꞋa wòt kà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà wuê ambo na tàa nkùŋà mbɨ̧tsə la.

Jimsì 4:10

Bɨ̀ ŋɔꞋne a si a mbì Mbɔ̧ɔ̧mà ko taa lɔ̀kè àwɨ̧ a ègwet.

Jimsì 4:6

Mbɔ̧ɔ̧mà bê nge tàa ngɨa a ntsɔ̧̀ la. Ale, Àkata tò a laꞋnê, “Mbɔ̧ɔ̧mà nàà shuka bòt bu bɔ̀ɔ ŋèꞋa tèkwȩ tɔb a ègwet la a si, mbɔ̂ me nyɨꞋte a ntsɔ̧̀ vi abua bòt bu bɔ̀ɔ nɨ̀a wɔb a si la.”