Lûk 18:12 - Mundani

¹² Maà ntsèka kà jɨ èghɨjɨ ngò̧ tebe ane nkàb, ntsàꞋtà wê, mè ngàbtà àghɨ àgème mâ bɔ la ane èdziꞋ èghem, ŋǎ àdziꞋ yeamɔꞋ abua yê.’

Lûk 18:12 ပူးပေါင်းရင်းမြစ်များ

Matìù 5:20

Ka e ngua shua wɨ̧ nê bɨ bakà ghɨ àghɨa Mbɔ̧ɔ̧mà nàa nkɨà la, te tse bènyɨꞋtà mbɨ̧te Musì nè Bèfalèsiì, ko bɨ̀ ka li nyi a kèfɔ̧̀ Mbɔ̧ɔ̧mà à.

Matìù 6:1

“Bɨ̀ me ko mbɨ̀Ꞌɨ̀ ka bɨ me ghɨ̀ èghɨ bɨ̀a ngɨa ane èlen Mbɔ̧ɔ̧mà la a kètsìà banɔ̧̀ mbɨ̀Ꞌɨ̀ bɔɔ ye. Bɨ me ghɨ̀ ale, ko bɨ̀ ka bɔ àbȩ̀ abua tǎt wɨ̧ wu a ègwet la a.

Matìù 6:16

“Bɨ me kɨ etseke kà jɨ àghɨ mbɨ̀Ꞌɨ̀ etsàꞋte a Mbɔ̧ɔ̧mà, bɨ̀ ka màꞋà tèsȩtsə ane yɨ̧ mbɨ̀Ꞌɨ̀ bòt bu bɔ̀ɔ shua nê bɔ wu àghɨa kà wu yùà la àa ngɨ̀à la. Bɔ̀ɔ ngɨ̀ bɔ màꞋà ngɨ̧̀ɨ̧̀nè ane yɔb mbɨ̀Ꞌɨ̀ bòt aa ko nê bɔ wua ntsèka kà jɨ àghɨ. Ane nkûŋ, tsiꞋ è shua wɨ̧ nê bɔ bɔ àbȩ̀ yɔb tè ndɔ̀Ꞌ.

Matìù 6:5

“Àfɨ̀Ꞌ àgème bɨ̀a ntsàꞋta Mbɔ̧ɔ̧mà la bɨ̀ ka ngɨ̀ mbɨ̀Ꞌɨ̀ bòt bu bɔ̀ɔ shua nê bɔ wu àghɨa kà wu yùà àa ngɨ̀à la. Bɔ̀ɔ ngɨ̀ bɔ̀ me tsàꞋte a Mbɔ̧ɔ̧mà, bɔ me kɔ̀ŋkè etɨ̧ɨ̧ àtatsi a èbem lobte Mbɔ̧ɔ̧mà, mè me kɔ̀ŋkè etɨ̧ɨ̧ a tèngète balu̧ mbɨ̀Ꞌɨ̀ bòt aa me ye awɔb. Ane nkûŋ, tsiꞋ è shua wɨ̧ nê bɔ bɔ àbȩ̀ yɔb tè ndɔ̀Ꞌ.

Matìù 9:14

ÀfɨꞋa ngaa bɔkatè Jɔ̌n e kɨꞋɨ̀ mbììte a Yesò nê, “Nàa ngɨ̀ è wua àfɨ̀Ꞌ àko baa Bèfalèsiì e me tseke ka jɨ àghɨ mbɨ̀Ꞌɨ̀ etsàꞋte a Mbɔ̧ɔ̧mà, ghǎ ghɨ̀ ka bɔkatè bê è ka wua ntsèka kà jɨ àghɨ à?”

Lûk 11:42

“Aa li bɨa awɨ̧, bɨ̀a Bèfalèsiì, bɨ̀a ngɨ̀ bɨ ghàbtè èghɨ mbȩ bɨ̧ ane èdziꞋ èghem, ègha wu ka wuê ane tèfɔbtsə, ŋǎ èghab Mbɔ̧ɔ̧mà. Ka bɨ̀ ka wua nkɨ̀a nê mènəè mɨ̧ tɨ̧ɨ̧ ndɨŋndɨ̀ŋ, bɨ̀ ka mě ngua nkɔ̀ŋkà Mbɔ̧ɔ̧mà. Eyaa wu èghɨ bɨ bɔ ndɨ bɨ̀a ghɨ̀ ka waꞋa ebeko bu la.

Lûk 17:10

Eyaa ndɨ àa ane yɨ̧ la mɨ̧̂. Bɨ paatè àghɨa bɔ shu nê bɨ̀ ghɨa la, bɨ bɔ̂ ndɨ bɨ̀a shu nê, ‘Ba bê ngu wuê bɔfàꞋ. Ba ghɨ wuê àghɨa ba wu ghɨ̀ la.’ ”

Lûm 3:27

A wu anè, ko wòt nàa mě me wu̧u̧ nkùꞋ zi shua nê ghàà? Àghɨ a te ntsě. Àghɨa àa kele wòt nê tà ka me wu̧u̧ nkùꞋ zi la wu ghàà? Wu mbɨ̧ wòt nàa me shu nê yea nɔ̀ŋà la? ÀwɔꞋ, wu màndzia èntɨ̧ɨ̧ ane Yesò Klistò, ka nàa kele wòt a màngu̧a nkùꞋ zi la.

1 Kɔlìn 1:29

Tà li ngɨ̀ anè mbɨ̀Ꞌɨ̀ ka wɔ̀bȩ̂ kǒ me ŋeꞋe tèkwȩ ti a ègwet a mbì Mbɔ̧ɔ̧mà.

Gàlashìà 1:14

E ndi ngɨ̀ mènəè mbɨ̧te Bèjuê tèa nkɨà la tè ntɨ̧ a mbì nkàŋè taã ko nyaŋ àlaꞋ a ya. E ndi mbê nge màa nkùŋà mènəè bètǎt nyaꞋ ba la.

Efesɔ̀s 2:9

È ntsě ane àfàꞋa ko wòt ghɨ̀ la, ka tà ghɨ̂ bɨ pem la. Ale, betsiꞋa wòt ka me ŋeꞋe tèkwȩ ti a ègwet ane ànəa mbɔŋ.

1 Tɔ̀màtià 4:8

Wòt me nyàbtè ènyit zi, à ka bɨ, ka wòt me taŋke avi e me ghɨ̌ àfàꞋa Mbɔ̧ɔ̧mà, àyea ngaa a bɔ̀ŋ ntsè àghɨ àgème, nkàà nê betsiꞋa a tɨŋe a ŋut ane mèntsèke atò a ngɔ̀ŋ ŋaa, mè ngu etɨŋe atò taa bɔ mèmpème kàlìà.