Lûk 16:16 - Mundani

¹⁶ “Bòt e li ngua ndzəa wuê mènəè mbɨ̧te Musì nè mèngǎ̧ bèndàꞋàtɔŋ Mbɔ̧ɔ̧mà eghǎ edzəâ ane àfɨ̀Ꞌ Jɔ̌n ndzìà èdzî. E bùꞋu àfɨꞋa mbɔŋ Ntu̧ Ntsɔ̧̀ kèfɔ̧̀ Mbɔ̧ɔ̧mà wu a mètsəê bòt bɔ̀ tsɔ̀tà, tè waa waa tà zə la tsiꞋa nùà ane ètɨ̧̂ nkɨ enyi a èbem.

Lûk 16:16 ပူးပေါင်းရင်းမြစ်များ

Matìù 10:7

Bɨa me ghȩ̀ȩ̀ne, bɨ me làꞋa èngǎ̧ Mbɔ̧ɔ̧mà shua nê, ‘Kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧.’

Matìù 15:11

Àghɨa àa nyia a ètsəê wòt la aà kà tsòke atò, àghɨa àa ndzəa ètsəê wòt la, ka àa ntsòka tò la.”

Matìù 21:32

A me wu ale ngu nê Jɔ̌n ndzìà èdzî li nkɨ̀Ꞌɨ̂ nyɨ̀Ꞌte awɨ̧ alu̧ ndɨ bɨ̀a me ghɨ̀ àghɨa Mbɔ̧ɔ̧mà nàa nkɨà la, ka bɨ tu̧u̧ ebɨ̧ɨ̧ne ànəa tà li ngua shua la. Bèfetà èkab taksì, nè bèghȩ̀ȩ̀ne ghȩȩne e bɔ̂ mbɨ̧̀ɨ̧̀ne. Ka bɨ ye ale, ntsiꞋi akwèn bɨ̀ ka lem kùbte mèntɨ̧ɨ̧ mɨ̧, ebɨ̧ɨ̧ne ànəa tà shua la.”

Matìù 3:2

“Bɨ̀ waꞋa mènəè kàbɔ̀ŋ mɨ̧ nkàà nê Kèfɔ̧̀ Mbɔ̧ɔ̧mà kɨꞋɨ̀ tê ntsìꞋi a ngèt yɨ̧.”

Matìù 4:17

E bùꞋu àfɨꞋa mbɔŋ, Yesò bùꞋ me làꞋa èngǎ̧ Mbɔ̧ɔ̧mà shua nê, “Bɨ̀ waꞋa mènəè kàbɔ̀ŋ mɨ̧, Kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧.”

Matìù 4:23

Tà me ghȩȩne a èdziꞋ ègème a Galìlî nyɨ̀Ꞌta èngǎ̧ Mbɔ̧ɔ̧mà a èbem lobte Mbɔ̧ɔ̧mà, mè ntsɔ̀tà Ntu̧ Ntsɔ̧̀ kèfɔ̧̀ Mbɔ̧ɔ̧mà, mè mbəèa tèwuute èghɔ̧ tègème, nè èlɔꞋ ègème ane bòt.

Ntu̧ Ntsɔ̧̀ MAK 1:14

Àfɨ̀Ꞌ yu bɔ baãaã Jɔ̌n màꞋa a tèfȩ la, Yesò kɨ̀Ꞌɨ̂ a Galìlî me tsɔ̀te Ntu̧ Ntsɔ̧̀ Mbɔ̧ɔ̧mà,

Ntu̧ Ntsɔ̧̀ MAK 1:45

Ka mbê wu lɔꞋ a mbì Yesò ale, mbê ngà me làꞋa àdziꞋ àgème ndɨ bɔ bəa vi la, . Tà ghà ale, mbê mbùù ànəa ngaa tè Yesò kà tsi nko ngȩ̀ȩ̀nè àpfəèà nɨ̧ yu a kètsìà bòt. Tà ntsiꞋi me tseke wuê a èdziꞋi ndziꞋne, bòt e bɔ me dzəâ a èdzìꞋ ègème nkɨ̀Ꞌa abua tò.

Lûk 10:11

‘Ba yò ka wuê àbeb àpfəè àyɨ̧ a nyî ane èka ba la, dèbe kwèn ta ŋa abua yɨ̧. Ka bɨ̀ ko nê kèfɔ̧̀ Mbɔ̧ɔ̧mà ekɨꞋɨ̀ tê ntsìꞋi a ngèt yɨ̧.’

Lûk 10:9

mbəâ bòt àghɔ̧ àpfəè və, è shu abua bòt nê, ‘Kèfɔ̧̀ Mbɔ̧ɔ̧mà kɨꞋɨ̀ tê ntsìꞋi a ngèt yɨ̧’.

Lûk 16:29

“Ka Abàlàghâm nê, ‘Bɔ bɔ a Musì nè bèndàꞋàtɔŋ Mbɔ̧ɔ̧mà, bɔ̀ yute awɔb.’

Lûk 16:31

“Abàlàghâm tsɔꞋɔ èngǎ̧ tò nê, ‘Bɔ bakà bɨ̧̀ɨ̧̀ne mènəè Musì bɔ̂ bèndàꞋàtɔŋ Mbɔ̧ɔ̧mà e shu la, ko wòt màà ndɔ̀Ꞌ adzìꞋa bèmpfəà nkɨ̀Ꞌâ è shu ànəê àko abua yɔb, ko bɔ̀ ka bɨ̧ɨ̧ne a.’ ”

Lûk 9:2

Tà tsàà àwɔb nê bɔ̀ gha ntsɔ̀tè mènəè Kèfɔ̧̀ Mbɔ̧ɔ̧mà mè mbəâ bòt àghɔ̧.

Jɔ̌n 1:45

Filìb ghà ndzea Nàtanìà shu abua tò nê, “Ba ye wòt wu Musì li shɨ ànəa tò a èbem àkatè mbɨ̧tsə la, ye wu bèndàꞋàtɔŋ Mbɔ̧ɔ̧mà è lè shɨ ayɔb mɨ̧̂ la. Tà wu Yesò, waã Jòsêb, wòt Nazàlet.”

Jɔ̌n 11:48

Ba wu anè sa atò tà me ghɨa nɨa ngà wuê ne mbì ko wòt ègème naa zǐ èntɨ̧ɨ̧ vi ane tò. Ngɨ̀ ale, ko bòt Luêm aa kɨꞋɨ tsòkè lob nɨ̧ Mbɔ̧ɔ̧mà ya e mě eliime àlaꞋ aya.”

Jɔ̌n 12:19

Bèfalèsiì e ye ale nê, “Àghɨa ko bàa mèe ko ghɨ̀ la a te ntsě. Ye ndɨ àlaꞋ àgème a tsiꞋa nkuŋa wuê atò la.”

Jɔ̌n 5:4

nkàà nê, wantu̧ Mbɔ̧ɔ̧mà nàa ngɨ̀ tseke tê è chu ngɨ̀ àtɨ̀ŋ yu a bentè. À bente ale, wòt àghɔ̧ tà bɨ̌ nyi a èbem àtɨ̀ŋ a mbɔŋ la kweelè, ka è màà ngu wuê ka àghɔ̧ ane tò leꞋ.]

ÀfaꞋa 3:18

È li ngu tê afɨꞋa mbì, Mbɔ̧ɔ̧mà ghɨ̀ bèndàꞋàtɔŋ bi bàgème be tsɔ̀tè ndɨ Fɔ̧̀ wu tà li ndzɔꞋ etsàà la, nàa li ye ngoꞋ la. A li mbê mè ntè wuê mbɨ̀Ꞌɨ̀ tà li shuê la.