Lûk 15:8 - Mundani

⁸ Yesò mè nê, “Tè àvi ko bɔ èkwȩkab bi èghem, yeamɔꞋ a nyɔ̂, ko tàa ghɨ̌ naà? Ko taa tô̧ èkaꞋà, etuꞋu silob ègème elɨ̀ŋke èdziꞋ ègème te e ghɨ̌ eye ka tseke a si.

Lûk 15:8 ပူးပေါင်းရင်းမြစ်များ

Matìù 5:15

Wòt nàà kà tò̧ èkaꞋà nkàba nè èpfəêꞋ. Tàa ngɨ̀ tà tsia nè ègwet èkɔꞋ mbɨ̀Ꞌɨ̀ aa me beꞋe abua wòt ègème a lob.

Lûk 15:7

Ale, kwàꞋ ane nkûŋ tsiꞋ è shu awɨ̧ nê wu wuê èlɨ mèngùꞋte nàa wu a ègwet ane wòt kàbɔ̀ŋ wemɔ̀Ꞌ tà kubte èntɨ̧ɨ̧ vi, ngwàꞋà mènəè kàbɔ̀ŋ mi la, tè ntsè me nàa ane bòt èghem yebəèꞋa ntsɔ̀b babəèꞋa bɔ̀ wu bòt ntsɔ̧̀ kà tsi mbɔ̌ ndɨ bɔ̀ɔ kubte mèntɨ̧ɨ̧ mɔb la.”

Lûk 15:9

Me ghɨ̀ ale, tè ndzea ko taa tɔ bèshu̧ bi nè bòt bu àpfəè yeamɔꞋ nè tò la, e shu abua yɔb nê, ‘Ndè ba, e ngu kwàꞋ ane mèngùꞋte ngu ndɨ mâ ye àkwȩkab am a ghɨ̂ nyɔ̂ la. Bɨ̀ kɨꞋɨ bà nɨ̧ ba ebù̧ù̧ta nu ndɔŋ ngùꞋtè àwa.’ ”

Lûk 19:10

Aa ale nkàà nê, Waã Wòt kɨꞋa ekɨ bòt bu bɔ nyɔ la, etsì àwɔb a èbem kàbɔ̀ŋ wɔb.”

Jɔ̌n 10:16

Mâ bɔ njɨ̀te ko kà zìꞋ ngu a èbem àlaã yàa. Mâ bɔ ndɨ màa fete tùà mɨ̧̂ la. Tea zə àtɔŋ am ekɨꞋɨ, àlaã njɨ̀ yu aa tsiꞋi yeamɔꞋ e mě bɔ a mbaabà wemɔ̀Ꞌ.

Jɔ̌n 11:52

Ka tà kà lem ngua nga epfə wuê àtsəa bòt àlaꞋ a mbɔŋ. Tà wua nga epfə mbɨ̀Ꞌɨ̀ efete bɔ̧ Mbɔ̧ɔ̧mà bu bɔ taatè me tseke a èdziꞋ èdzìꞋ la, bɔɔ tsiꞋi mbɨ̀Ꞌɨ̀ wòt wemɔ̀Ꞌ.

ÀfaꞋa 19:19

ÀbəꞋa nyaŋ a wua ndùta tèkaŋtsə la, a fetè èkatè adzìꞋ yeamɔꞋ nkɨ̀Ꞌɨ̂ ntò̧ a kètsìà waa waa. Bɔ̀ lɔꞋ nkwàꞋtè ètsəê èkatè bu bɔ tò̧ la, e dzəè èkwȩkab mbɔ̀ŋè bètɔsì èghem yetà̧â̧. bòt Aflikà la.

Efesɔ̀s 2:17

Tà li nkɨ̀Ꞌɨ̂ ndàꞋà Ntu̧ Ntsɔ̧̀ yu nàa ngɨ̀à bòt e wu ane àlàŋkè la, abua yɨ̧ bɨ̀a bòt kà wu Bèjuê bu bɨ li ngu a endɨ̌ ane Mbɔ̧ɔ̧mà la. Tà li ndàꞋ fɔ̀ɔ̀le abua Bèjuê bu bɔ li ngu nè Mbɔ̧ɔ̧mà la.