Lûk 15:29 - Mundani

²⁹ Tà shu abua tǎt vi nê, ‘Ye, mâ faꞋa abua yê ane mèngùꞋ maa ègème kà tu̧ àghɨa à shu nê è ngɨ̀à la. Ka à te bakà ŋa mbɔ̀ŋè wadzə maa nɨ wùꞋte am bâ bèshu̧ bɔ̧.

Lûk 15:29 ပူးပေါင်းရင်းမြစ်များ

Matìù 20:12

shua nê ‘Bòt baa bɔ tsiꞋi nɨa wɔb akwèn la e faꞋa wuê ane kètem àfɨ̀Ꞌ. Bàa wu ba yaã ŋeꞋe àfaꞋ mbùŋè àwa a èten nyèm kèkweelè mbɨ̀Ꞌɨ̀ ètsəꞋ e li ntsi la e bɔ wuê àkwȩkab yeamɔꞋ, yeamɔꞋ mɨ̧̂.’

Lûk 15:28

“Waã mbì wu bê ntso tè è ntu̧ nyi a lob. Tǎt tò dzəè àbȩ shù̧ù̧te atò nê tà nyi a lob.

Lûk 15:30

Ka waã wè waa, tà nɨ èkab wê ngà ntsòkè bɔ̂ bèghȩ̀ȩ̀nè ghȩ̀ȩ̀ne la, è kɨꞋɨ̀ à bê mbùŋè wampɔ̀ŋ wu è lu̧u̧te la abua tò.’

Lûk 15:7

Ale, kwàꞋ ane nkûŋ tsiꞋ è shu awɨ̧ nê wu wuê èlɨ mèngùꞋte nàa wu a ègwet ane wòt kàbɔ̀ŋ wemɔ̀Ꞌ tà kubte èntɨ̧ɨ̧ vi, ngwàꞋà mènəè kàbɔ̀ŋ mi la, tè ntsè me nàa ane bòt èghem yebəèꞋa ntsɔ̀b babəèꞋa bɔ̀ wu bòt ntsɔ̧̀ kà tsi mbɔ̌ ndɨ bɔ̀ɔ kubte mèntɨ̧ɨ̧ mɔb la.”

Lûk 17:10

Eyaa ndɨ àa ane yɨ̧ la mɨ̧̂. Bɨ paatè àghɨa bɔ shu nê bɨ̀ ghɨa la, bɨ bɔ̂ ndɨ bɨ̀a shu nê, ‘Ba bê ngu wuê bɔfàꞋ. Ba ghɨ wuê àghɨa ba wu ghɨ̀ la.’ ”

Lûk 18:9

Yesò lè lɔ̂Ꞌ shu èngà̧teme waa abua bòt bu bɔ tanda nê bɔ tɨ̧ɨ̧ ndɨŋndɨ̀ŋ e mbì Mbɔ̧ɔ̧mà tè ntsìꞋa ndzea bòt ko ntsia àghɨ ane yɔb la.

Lûk 19:21

E ndi ngua mbɔ̀a awê, na à wu wòt kèkweelè la. Àà nɨ̀a àghɨa kà nɔ̀ŋè, mè fùꞋà àdziꞋa kà liꞋ.’

Lûm 10:3

Ndɨ̀ wu bɔ li bɔ̀ ka ko ntsɔ̧̀ ndɨ Mbɔ̧ɔ̧mà nàa nɨa wòt mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, mè ntsiꞋi me kɨ wuê wɔb ne alu̧ la, a ghɨ̀ bɔ̀ ka bɨ̧ɨ̧nè ane we ne alu̧ Mbɔ̧ɔ̧mà wu tàa nɨa bòt mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la.

Lûm 3:20

Wòt kǒ Mbɔ̧ɔ̧mà nàa nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li nkàà ndɨ ŋut ghɨ̀ àghɨa mbɨ̧ nàa shua la, è ntsě, nkàà nê àghɨa mbɨ̧ nàa ngɨ̀à la wu a mànyɨꞋta wa nê baa ghɨa kàbɔ̀ŋ.

Lûm 3:27

A wu anè, ko wòt nàa mě me wu̧u̧ nkùꞋ zi shua nê ghàà? Àghɨ a te ntsě. Àghɨa àa kele wòt nê tà ka me wu̧u̧ nkùꞋ zi la wu ghàà? Wu mbɨ̧ wòt nàa me shu nê yea nɔ̀ŋà la? ÀwɔꞋ, wu màndzia èntɨ̧ɨ̧ ane Yesò Klistò, ka nàa kele wòt a màngu̧a nkùꞋ zi la.

Lûm 7:9

È li ngua afɨꞋa è mbaka ko àghɨa mbɨ̧ kɨa la, e ngua am ntsɔ̧̀, èntɨ̧ɨ̧ am è ka wua fèèlà am ane àghɨa ko. Ka afɨꞋa mâ ko mbɨ̧ la, e ntsiꞋi me kɨ ghɨ̌ wuê a kàbɔ̀ŋ, tè è ghɨ̀ e mpfə.

Ètsə 2:17

“ ‘Wòt bɔ ètû̧, tà yùte ànəa Fo Mbɔ̧ɔ̧mà nàa shua abua bèchɔsì bu la. Wòt kùùla èntɨ̧ɨ̧ vi nùà tè ntsèà, ko maa ŋa àbəꞋa èghɨjɨ ndò̧ Mbɔ̧ɔ̧mà abua tò, e mě ŋa atò èti kèfə, bɔ shɨ èlen fi adù̧, kà wòt tsa ko lùà, kà wu wòt wu mâ ŋa èlen mbɔŋ abua tò la.

Ètsə 3:17

Bɨà shua nê bɨ wu bòt èsi ntsɔ̧̀, mbɔ àghɨ àgème, tè bɨ ka tsi ngua mbùa àghɨ. Ka bɨà shua ale bɨ̀ ka lem nko nê bɨ bakà bɔ àghɨ, ngu mbɨ̀Ꞌɨ̀ bòt bòt aa me ku tèsȩ tɨ̧ la, ngȩ̀ȩ̀nà mbɨ̀Ꞌɨ̀ bòt ntseb kà kwaãaã ndǐtsə, mè ngu mbɨ̀Ꞌɨ̀ bòt àghɨ àleme.