Lûk 14:21 - Mundani

²¹ “WafàꞋ wu kua akwèn ngà è shu a tǎt vi. A saa tǎt tò wu, tà shu abua tò nê, ‘Luula ngà a balu̧ nè bɔbɔlu̧ a èbem àpfəè, ntɔ bòt ntseb, bòt bɔ̀ɔ ŋɔ̧̀ɔ̧̀mà la, bòt àghɨ àleme nè bòt èka bɔb e toŋke la nê bɔ̀ kɨꞋɨ.’

Lûk 14:21 ပူးပေါင်းရင်းမြစ်များ

Matìù 11:28

“Bɨ̀a wu bɨ̀a fàꞋà nkaãaã mè ŋeꞋa àbòꞋa lelet la, bɨ̀ kɨꞋɨ abua am, ko maa ghɨ̌ bɨa yètè.

Matìù 11:5

Bòt àghɨ àleme e ye èdziꞋ, bòt èka bɔb e ŋɔꞋte la, e lɔ̀Ꞌ tè ntsìꞋa ngȩ̀ȩ̀nà ndɨŋndɨ̀ŋ, bòt àghɔ̧atsɔꞋɔ e pem, mbûꞋtsə te zə èdziꞋ, bèmpfəà be yu̧u̧mè, bɔ mè tsɔ̀tè Ntu̧ Ntsɔ̧̀ Mbɔ̧ɔ̧mà abua bòt ngoꞋ.

Matìù 15:12

ÀfɨꞋa mbɔŋ bɔkatè tò e kɨꞋɨ̀ shu abua tò nê, “Tê à ko nê, à ghɨ ndaꞋ èngà̧ wu ale e taꞋa saa Bèfalèsiì?”

Matìù 18:31

ÀfɨꞋa èbeko nè bɔfàꞋ fɔ̧̀ e ye àghɨa wòt àtsəa àfàꞋ wu ghɨ̀ ne wɔ̀fàꞋ ko wàa la, a taꞋa saa wɔb, bɔ ghà shua fɔ̧̀ wu ànəa a tsè la.

Matìù 20:7

“Bɔ bɨ̀ɨ̀lè nê, ‘Wu ndɨ wòt tà kɨa waa eŋa awa àfàꞋ la è ntsě la. Tà tsiꞋi shu abua yɔb nê: “ ‘Bɨ̀ ghà yɨ̧ a mbȩ me faꞋa mɨ̧̂.’

Lûk 14:13

Ka à me ghɨ̌ èpǎ̧ wè, à kàꞋà wuê bòt ntseb, bɔ̂ bòt bɔ̀ɔ ŋɔ̧̀ɔ̧̀mà la, nè bòt èka bɔb e ŋɔꞋte la, nè bòt àghɨ ayɔb a leme la,

Lûk 14:20

“Wòt kǒ ane yɔb nê, ye shùu ndzà, ale betsiꞋa ye ka ko nkɨ̀Ꞌɨ̂.

Lûk 14:22

“WafàꞋ wu kɨ̀Ꞌɨ̂, shu abua tǎt vi nê, ‘Tê, mâ ghà tê ngɨ̀ àghɨa à shu la, ka lob ka lu̧.’

Lûk 14:24

TsiꞋ è shu awɨ̧ bɨ̀agème nê, wòt kǒ ane bòt bu maa kàꞋ la è ka yute àghɨ àdziꞋa èpà̧ am a.’ ”

Lûk 24:47

Mè nê, bòt e bɔ̂ ndɨ bɔ̀ɔ bùꞋu a Jèlusalèm e tsɔ̀te abua bòt èlaꞋ ègème, ane èlen tò, nê bòt è kubte mènəè kàbɔ̀ŋ mɔb, mbɨ̀Ꞌɨ̀ Mbɔ̧ɔ̧mà naa waꞋa bèkàbɔ̀ŋ bɔb la.

Lûk 9:10

Bɔntu̧ bu bè kuà, bɔ shua Yesò àghɨ àgème bɔ ghɨ̀ la. Tà nɨ̀ àwɔb bɔ̂ tò ba e səèꞋtè àwɔb ngà àpfəèà nɨ̧ ako bɔ̀ɔ ntɔ nê Bèsedà la.

Jɔ̌n 9:39

Yesò shu nê “E nkɨ̀Ꞌa sitsǎꞋ ŋàa mbɨ̀Ꞌɨ̀ enyɨꞋte ndɨ bòt àa la, e ghɨ̌ bòt kà wua ndzèa èdziꞋ aa me ye, e mě ghɨ̌ àghɨa bòt bu bɔ mɨɨtè nê bɔɔ̀ ndzea èdziꞋ la aa leme.”

Ebùlù 13:17

Bɨ̀ me zə bòt bu bɔ̀ wu àtsəa yɨ̧ la, ngɨ̀à àghɨa bɔ̀ɔ shua la. Bɔɔ̀ mbààba awɨ̧ àfɨ̀Ꞌ àgème kà yètè nkàà nê, bɔɔ li shu a Mbɔ̧ɔ̧mà ndɨ bɔ ghɨ àfàꞋ àyɔb la. Bɨ me zə awɔb ko bɔɔ me ghɨ àfàꞋ àyɔb nè mèngùꞋte, mbə bɨ̀ baka wua ndzəa wɔb, ko bɔɔ me fàꞋa èntɨ̧ɨ̧ wɔb è ka wua mbɔ̀, àyea mbɔŋ à ka wuê etɨŋe awɨ̧.

Ebùlù 2:3

Ba wu anè ntù̧u̧ ebɨ̧ɨ̧ne ngɨŋa mèmpème màa Mbɔ̧ɔ̧mà ŋa abua ya àfɨ̀Ꞌ yaa la, ko àghɨa ko bàa ko e ghɨ̀ tê lùùla ngoꞋ mbɔŋ la a ntsě. Wu Tè Yesò ka tà li mbɨ̀ shu bòt ànəa mèmpème màa la. Bòt bɔ li ndzə ndɨ tà làꞋa la, e nyɨꞋte abua ya nê wu nkûŋ.

Jimsì 2:5

Ngule bɔnyɨ bɔ̧ bɨ̀ zə, Mbɔ̧ɔ̧mà tɔ bòt bu bɔ̀ wu bòt ntseb a ngɔ̀ŋ ŋaa la, ngɨ̀ bɔ tsiꞋi ngule bòt, nkàà èntɨ̧ɨ̧ wu bɔ zi ane Yesò la, mè ngɨ̀ bɔ jɨa àbȩ̀ kèfɔ̧̀ wu tà kàꞋa bòt bu bɔ̀ɔ nkɔ̀ŋkà àvi la.

Ètsə 19:15

Nyi dzəè a ètsəê tò, tàa nɨ nù èlaꞋ la. Taa me baãaã èlaꞋ mbɔŋ kà ku tèsȩ, ngɔ̀Ꞌɔ̀ àwɔb, e mě tɔ̀Ꞌtè àwɔb mbɨ̀Ꞌɨ̀ bɔ̀ɔ ntsəèꞋa tètaãaãte àyɨt a èbem àdziꞋ yu bɔ̀ɔ ntsəèꞋa ntsìà mèlùꞋ, à wua nyɨ̀Ꞌta ntsǒ Mbɔ̧ɔ̧mà Àtsèàngɔ̀ŋ la.

Ètsə 22:17

Fo Mbɔ̧ɔ̧mà bɔ̂ ndzà Wanjɨ̀ wu e nê, “KɨꞋɨ.” Wòt ègème tà zə èngà̧ waa la è bɔ ndɨ tàa shu azi mɨ̧̂ nê, “KɨꞋɨ” la. Wòt àtɔŋ tò a yu̧u̧ la kɨꞋɨ, we tàa nkɨà la kɨꞋɨ nɨ mèleb mu nàa ŋa mèmpème la àku.