Lûk 12:48 - Mundani

⁴⁸ Ka è me wu wafàꞋ wu kà ko àghɨa tǎt vi nàa nkɨ̀a la, mbɔ̂ me ghɨ̀ àghɨa bɔ bɔ̂ ndɨ bɔ̀ɔ shu̧u̧ atò kwàꞋ ànyaꞋne la, ko bɔɔ li shu̧u̧ atò mpiꞋa. Bɨ̀ ko nê wòt ègème bɔ zǐ atò àtsəa èghɨ nyaŋ la, bɔɔ biite atò mènəè nyaŋ, è we bɔ ŋa nyaŋ nɨŋ fu atò la, bɔ mè ngu me kɨ nyaŋ abua tò.”

Lûk 12:48 ပူးပေါင်းရင်းမြစ်များ

Matìù 13:12

nkàà nê bɔɔ kwèꞋne àghɨ wòt bɔ la, aa yaãaã te me bəèꞋte, ka wòt kà bɔ àghɨ bɔɔ paa ka wuê adzìꞋ wu tà bɔ la enɨ.

Matìù 23:14

Aa li bɨ̀a wɨ̧ bɨ̀a bènyɨꞋtà mbɨ̧te Musì nè Bèfalèsiì, bɨ̀a wu bɨ̀a shua nê bɨ wu àghɨa kà wu yùà la. Bɨ̀a ngɨ̀ bɨ fɨte bènempfə njɨ̀ lob tɔb mbɔ̂ ndɔ̀Ꞌ me tsàꞋta Mbɔ̧ɔ̧mà ndà̧à̧nà mbɨ̀Ꞌɨ̀ enɨ evəèəèlè àghɨ a bòt. Bɨ̀a li bɔ ngoꞋ è tsě ye bòt bàgème la.]

Lûk 12:41

Mbɨ̀Ꞌɨ̀ Yesò paate èngǎ̧ vi la, Pità bììte atò nê, “Tê, à shua èngà̧teme wàa abua ya, kò wuê abua wòt ègème à?”

Lûk 12:49

Yesò mè shu abua bɔkatè bi nê, “E nkɨꞋa e zǐ èwet adù̧ sitsǎꞋ. E ghɨ̀ ale ngua ngoꞋa àfɨ̀Ꞌ yaa ko a bɔ̀ am.

Lûk 16:2

Ŋut wu tɔ wòt àtsəa àfàꞋ vi wu mbììte atò nê, ‘Eyaa ka ànəê e ndzəa ane ye à? Ŋa àkatè àfàꞋ àyê, e ndze àghɨa a ghɨ̀ nè èkab am la, na à ka tsi wu wòt àtsəa àfàꞋ am la a.’

Jɔ̌n 15:22

Mâ ghɨ̀ ale, è nka kɨꞋɨ elaꞋa abua yɔb, ko bɔ bakà ko laꞋ nê bɔ wu bòt kàbɔ̀ŋ, ka nè àfɨ̀Ꞌ yaa betsiꞋa bɔ ka tsi nkoê shu nê, àghɨa bɔ ghɨ̀ la ntsě kàbɔ̀ŋ.

ÀfaꞋa 17:30

Mbɔ̧ɔ̧mà è waꞋ mè ndèènè èfɨ̀Ꞌ bu bɔbȩ e li bɔ̀ ka ko atò la. Ka nè àfɨ̀Ꞌ yaa, tàa nkɨà nê waa waa adzìꞋ àgème waꞋa èwuu mènəè kàbɔ̀ŋ maa.

1 Tɔ̀màtià 1:11

Mènəè maa e dzə a èbem Ntu̧ Ntsɔ̧̀ yu Mbɔ̧ɔ̧mà li ndzì a tèkitebu taã nê è me tsɔ̀tè la. Ntu̧ mbɔŋ nàà nyɨ̀Ꞌta ènɨ̧ Mbɔ̧ɔ̧mà wu, tà wû ndàꞋ wòt bòt àa ngùꞋtà la.

1 Tɔ̀màtià 1:13

È li mbàte ngu àfɨꞋa mbì, e me làꞋa mènəè kàbɔ̀ŋ ane tò nkɨà àtsəa bòt tò enɨ, mè ntsò̧ò̧ta atò, tà bɔ̂ nkù tèsȩ taã. Me ku tèsȩ taã ale ngu nê e ndi è nka ko àghɨa e ngɨ̀à la, nkàà ndɨ̀ è baka zìꞋ ndzì èntɨ̧ɨ̧ am ane tò la.

1 Tɔ̀màtià 6:20

Tɔ̀màtià, baãaã àghɨ yu Mbɔ̧ɔ̧mà è zì a èkibu lê nê me lɨ̀ŋkè la ntsɔ̧̀. Ko mbɨ̀Ꞌɨ̀ à zì ètsəê wê a èbem mèngǎ̧ àku mu kà bɔ ànəê ane mènəè Mbɔ̧ɔ̧mà la. Ko mbɨ̀Ꞌɨ̀ à tseke adzìꞋa bòt àa ngɨ̧̀ɨ̧̀nà nkàànà ànəa àghɨ yu bòt ko àa ntɔ nê wu “Èyì”, kà e wu èyì la.

Tȩtɔ̀s 1:3

Àfɨ̀Ꞌ a li nkùꞋ, Mbɔ̧ɔ̧mà ghɨ̀ bɔ tsɔ̀tè èngǎ̧ tò, ngɨ̀ bòt e ko àghɨ yu tà li nkàꞋ la. Wu Mbɔ̧ɔ̧mà, Mpemnà wa tà li ndzì ntu̧ yaa a tèkitebu taã nê è me tsɔ̀tè la.

Jimsì 3:1

Bɔnyɨ bɔ̧, ko mbɨ̀Ꞌɨ̀ waa waa ane yɨ̧ me kɨ ewu nyɨꞋtà nkàà nê, bɔɔ li saꞋa awa wu bà wu bènyɨꞋtà la te tsě ndɨ bɔ̀ɔ saꞋa bòt ko la.