Lûk 12:28 - Mundani

²⁸ Tè Mbɔ̧ɔ̧mà wu wèè mèfəèꞋ mu a èbemebàꞋ àa ngɨ̀ à ye laane wàa, ètsəꞋ e me tsi bɔ to̧ maꞋa èwet la, è me wu awɨ̧ tà kà ghɨ ale tè ntsě? Bɨ wu kwàꞋ bòt àlȩ̀ȩ̀tè a màndzia mèntɨ̧ɨ̧ ane Mbɔ̧ɔ̧mà.

Lûk 12:28 ပူးပေါင်းရင်းမြစ်များ

Matìù 14:31

Yesò bê tsà àbu azi mbà̧aã tò, mbɔ̂ shu abua tò nê “Àwɔ̀ waa kà neete ezǐ èntɨ̧ɨ̧ wê ane yaã la, à ghɨ̀ na ka màkè ànəa mâ shu la à?”

Matìù 16:8

Yesò è ko ànəa bɔ làꞋà la, tà bììte awɔb nê, “Bɨ̀a bòt kà zi èntɨ̧ɨ̧ wɨ̧ ane yaã ntsɔ̧̀, bɨ ghɨ̀ na ka me làꞋa kètsìà wɨ̧ shua nê bɨ bakà bɔ bled à?

Matìù 17:17

Yesò bɨ̀ɨ̀lè nê “Bɨ̀a wàà bɨ wu àndǎ̧ kà koa Mbɔ̧ɔ̧mà, mè ngu bòt kàbɔ̀ŋ! Màa tseke ba nɨ̧̀ ba te e ghǎ wu a ka àfɨ̀Ꞌ à? Màa kuule èntɨ̧ɨ̧ am ane yɨ̧ te e ghǎ wu a ka àfɨ̀Ꞌ à? Bɨ̀ nɨ waã mbɔŋ nkɨ̀Ꞌɨ̂ adzìꞋ yaa ŋǎ abua am!”

Matìù 17:20

Yesò bɨ̀ɨ̀lè nê, “Wu ndɨ̀ wu bɨ̀ baka zi èntɨ̧ɨ̧ wɨ̧ ane Mbɔ̧ɔ̧mà ntsɔ̧̀ la.” Ane nkûŋ, tsiꞋ è shua wɨ̧ nê, bɨ ghɨ̀ ale, mbɔ ntɨ̀, ka è màa nkoa ngu wuê mbɨ̀Ꞌɨ̀ èsaãaãme maŋkaŋa, ko betsiꞋa bɨ shu abua èbȩ làa nê, “LɔꞋɔ adzìꞋ yaa nga àzia, e ghà. Àghɨa ko à ka meè ngu tsè àwɨ̧.”

Matìù 6:30

Tè Mbɔ̧ɔ̧mà wu ewèè mèfəèꞋ mu a èbemebàꞋ la anè, e mu àa ngɨ̀ à ye laane wàa, ètsəꞋ e me tsi bɔ to̧ maꞋa èwet la, è me wu awɨ̧ tà kà ghɨ̂ ale tè ntsě? Bɨ wu kwàꞋ bòt àlȩ̀ȩ̀tè a màndzia mèntɨ̧ɨ̧ mɨ̧ ane Mbɔ̧ɔ̧mà.

Matìù 8:26

Yesò bɨ̀ɨ̀lè nê, “Bɨ̀ bɔa ghàà, bɨ ghɨ̀ na ka bɨ̀ ka zǐ èntɨ̧ɨ̧ wɨ̧ ane yaã ntsɔ̧̀ à?” Tà shu ale, ndɔ̀Ꞌ a si ŋȩ̂ àfeme yu bɔ̂ mèleb, èdziꞋ e fi bɔ̀ɔl.

Lûk 8:25

Tà bììte awɔb nê, “Èghǎ ghɨ̂ ka bɨ̀ ka zi èntɨ̧ɨ̧ wɨ̧ ane yaã à?” A taꞋa tsè àwɔb, bɔ bɔ̀ɔ ànyaꞋne, mbùꞋ me làꞋte a kètsìà wɔb nê, “Eyaa chɨɨme ngu wà ka àfeme bɔ̂ mèleb a me zəèa tò à?”

Ebùlù 6:7

Mbɨ̀ŋ nàa me lu ane si, si mbɔŋ me ghɨ̌ èghɨ e tsəa ntɨ̀ŋa bòt bu bɔ liꞋi la, Mbɔ̧ɔ̧mà me lɔ̀ɔ̀le si mbɔŋ.

1 Pità 1:24

Aa ale mbɨ̀Ꞌɨ̀ Àkata Mbɔ̧ɔ̧mà a shu la, nê, “Bòt bàgème aa mbɨ̀Ꞌɨ̀ mèfəèꞋ, ènɨ̧ wɔb e wu mbɨ̀Ꞌɨ̀ ètesɔɔ mèfəèꞋ. MèfəèꞋ mbɔŋ nàa ngɨ̀ è yu̧, ètesɔɔ bu e kwente a si,