Lûk 11:41 - Mundani

⁴¹ Ka bɨ̀ ŋa èghɨ bu a èbem ndɔŋ tɨ̧ nè bapfəèꞋ bɨ̧ la abua bòt ntseb, ndzè na àghɨa ko a ntsě àa kele awɨ̧ nê bɨ ka fəə a mbì Mbɔ̧ɔ̧mà la.

Lûk 11:41 ပူးပေါင်းရင်းမြစ်များ

Matìù 26:11

Bɨa me bɔ̂ bòt mbuŋ bɨ tò ba àfɨ̀Ꞌ àgème, ka è nka wu ewu ba nɨ̧̀ ba àfɨ̀Ꞌ àgème.

Matìù 5:42

Wòt lò̧o̧ àghɨ abua yê à ŋa, wòt mě tà me kɨ fû àghɨ abua yê, à ka ntu̧.

Ntu̧ Ntsɔ̧̀ MAK 7:19

Aà kà nyi a èntɨ̧ɨ̧ tò, aà nyia wuê a èbem tò ndzəèà ngà àbȩ.” (Yesò làꞋ èngà̧ waa ale nɨŋ nyɨ̀Ꞌte nê betsiꞋa wòt jɨ àghɨ àgème).

Lûk 12:33

Bɨ̀ fɨ̧̀ɨ̧̀ne èghɨ bɨ̧ ègème, ngàbtè èkab abua bòt mbuŋ. Bɨ̀ kɨ ntaꞋte kà wu lène, mpàŋe èghɨ èkab bɨ̧ a èbèm, nɔ̀ŋè a ègwet, è wù àdziꞋa kà èghɨ mbɔŋ e wu li lɔ̀Ꞌɔ emǐ, tsɔŋ ka wu li elɔ̀Ꞌɔ etsě a ngèt, èsoꞋo è ka meè ngu lɔ̀Ꞌɔ àlia ekwele la.

Lûk 16:9

Yesò mè nê tsiꞋ è shu awɨ̧, bɨ̀ nɨ èghɨ ngɔ̀ŋ ngɨ̀ bèshu̧ mbɨ̀Ꞌɨ̀ è baka tsi ngu, ateko bɔ sèè àwɨ̧ adzìꞋa kà wòt wu li tsi epfə.

Lûk 18:22

Yesò zə ayaa ale, shu abua tò nê, “À bela mbùa àghɨ yeamɔꞋ àa ghɨ̌ la. Ghǎ fɨ̧̀ɨ̧̀nè èghɨ bê ègème, ŋà èkab èghɨ mbɔŋ abua bòt mbuŋ, mbɔ̂ nkɨ̀Ꞌɨ̂ nkùŋè am, ko aa li jandèlè a ègwet.”

Lûk 19:8

Zàkià lɔꞋ a si nê, Lefɨ̀Ꞌ, yute ànəê ya e kɨ eshu la. “Maa ŋa àbâ èghɨ bɔ̧ abua bòt ntseb, ebɔ evəèə ètsəkab ègème mâ nəêꞋ nɨ abua wòt la ngò̧ tekwì.”

ÀfaꞋa 10:15

Àtɔŋ yu a mè shu abua tò nê, “Ko mbɨ̀Ꞌɨ̀ à me nɨ èghɨjɨ Mbɔ̧ɔ̧mà zìambɔŋ naŋè nê bɔ me jɨ la, nê wu èghɨjɨ mèshɨ̀kè.”

ÀfaꞋa 11:29

Bɔkatè Yesò bu e làŋkè nê waa waa ane yɔb chùbtè àghɨa ye bɔ la, bɔ tsaa nɨŋ ntɨ̀ŋe bɔnyɨ bɔb bu a Jùdià la.

ÀfaꞋa 24:17

“E ndi ntsèke ane mèngùꞋ nyaŋ kà gha a Jèlusalèm. Ndɔ̀Ꞌ ale, ka nê e kɨ eghǎ abàꞋ və enɨ èkab ko eghǎ eŋa abua Bèjuê ba ko. E ndi ngua ngà mɨ̧̂ ekɨ̧ɨ̧me nyà̧ enɨ ŋa mènkɔ̀ŋke abua Mbɔ̧ɔ̧mà.

2 Kɔlìn 8:12

Bɨ ŋa nè èntɨ̧ɨ̧ wemɔꞋ ko Mbɔ̧ɔ̧mà naa nɨ nkàà nê, tàà nɨa àghɨ abua wòt ndɨ àbu ŋut a nyɨꞋte la. Mbɔ̧ɔ̧mà nàà ka shu laꞋ nê wòt ŋa àghɨ kà bɔŋ.

Efesɔ̀s 4:28

Wòt tàa ntsɔa la ka te ntsɔŋ, ka tà me nɨ èbu bi fàꞋà àfaꞋa àa tɨŋe atò, taa mèe ko etɨŋe bòt bu bɔ̀ɔ nkɨ̀ŋkà la.

Tȩtɔ̀s 1:15

Wòt bɔ èntɨ̧ɨ̧ kefə, ko àghɨ àgème aa me fəə àghɨ atò. Ka è wu bòt bu kà mèntɨ̧ɨ̧ mɔb wua fəèa, bɔ̀ ka meè mbɨ̧̀ɨ̧̀ne mènəè Mbɔ̧ɔ̧mà la, ko àghɨa ko àà fəə abua yɔb la a ntsě. Bɔɔ̀ ndzìa nkwàꞋtà wuê mènəè kàbɔ̀ŋ, tè bɔ̀ ka tsi ngua nkòa nê, àghɨa ko wu ntsɔ̧̀ kò kàbɔ̀ŋ leꞋ.

Ebùlù 13:16

Bɨ̀ ka ntsèke kà wua ngɨa ntsɔ̧̀ mè ngàbtà èghɨ bɨ bɔ la, nkàà nê, Mbɔ̧ɔ̧mà nàà nkɔ̀ŋkà èwuu èghɨ mbɔŋ.

Ebùlù 6:10

Mbɔ̧ɔ̧mà nàà kà saꞋa ànəê kàbɔ̀ŋ. BetsiꞋa tà kà leene èfàꞋ bɨ̧, nè èkɔŋ wu bɨ nyɨꞋtè nkàà tò la. Bɨ li ngua ntɨ̀ŋa bɔnyɨ bɨ̧ bɔ̀ɔ nkùŋa a Mbɔ̧ɔ̧mà la, mè mbèla ngɨ̀à wuê a èlɨ mbɔŋ.

Jimsì 1:27

Wòt Tǎt wa Mbɔ̧ɔ̧mà nɨa tò mbɨ̀Ꞌɨ̀ wòt tà nèètè nko avi la, wu wòt tàa ntɨ̀ŋa batsi bɔ̂ bènempfə a èbem ngoꞋ tɔb, mè me baabe avi mbɨ̀Ꞌɨ̀ ngɔ̀ŋ zi a kàbɔ̀ŋ ane zi la.