Lûk 1:76 - Mundani

⁷⁶ È wu awê waã wàa, bɔɔ li tɔ awê nê ndàꞋàtɔŋ Mbɔ̧ɔ̧mà Àtsèàngɔ̀ŋ. Nkàà nê aa tsě a mbì Tǎt wa Mbɔ̧ɔ̧mà etaŋke alu̧ tò.

Lûk 1:76 ပူးပေါင်းရင်းမြစ်များ

Matìù 14:5

Elɔ̀d li ngua nkɨ ebùŋe atò, ka me bɔɔ banɔ̧̀, nkàà nê bɔ li ngua nɨ̀a Jɔ̌n nê wu ndàꞋàtɔŋ Mbɔ̧ɔ̧mà.

Matìù 21:26

Ka bà nê abua bɔbȩ, ko baa mbɔ̀a àghɨa ènɔ̧̂ bòt baa àa ghɨ̀ la, nkàà nê bɔ bɨ̧ɨ̧ne bàgème nê Jɔ̌n li ngu ndàꞋàtɔŋ Mbɔ̧ɔ̧mà.”

Matìù 3:11

“Maà ndzìà wɨ̧ a èdzî nɨ̀a nyɨ̀Ꞌta nê bɨ waꞋa mènəè kàbɔ̀ŋ mɨ̧. Ka tòa wu nkɨ̀Ꞌa akwèn yaã la e taꞋa tsě am nyaŋ. E mbakà lem nkùꞋ èwe màa ŋeꞋe gubte tò la. Taa tsiꞋi me zǐ Fo Kèfə ane yɨ̧ nè èwet.

Matìù 3:3

Jɔ̌n waa wu wòt wu ndàꞋàtɔŋ Mbɔ̧ɔ̧mà, Àsayà li ngua shua la nê, “Wòt kǒ nàa ŋȩ̀a àbâ àlaꞋ àyuube shua nê, ‘Bɨ̀ nèètè èlu̧ abua Lefɨ̀Ꞌ, ndɔ̀ktè alu̧ tò è tɨ̧ɨ̧ ndɨŋndɨ̀ŋ.’ ”

Ntu̧ Ntsɔ̧̀ MAK 11:32

Ka bà nê ‘abua bɔbȩ’.” (Bɔ li ngua mbɔ̀a ènɔ̧̂ bòt bu nkàà nê bɔ li mbɨ̧̀ɨ̧̀ne bàgème nê Jɔ̌n li ngu ndàꞋàtɔŋ Mbɔ̧ɔ̧mà).

Lûk 1:32

Taa li wu wòt nɨ̧, bɔɔ me tɔ atò nê Waã Mbɔ̧ɔ̧mà Àtsèàngɔ̀ŋ. Mbɔ̧ɔ̧mà Lefɨ̀Ꞌ naa li ŋa atɨ̧ kèfɔ̧̀ tǎt nyaꞋ tò Dàbid abua tò.

Lûk 1:35

Wantu̧ wu bɨ̀ɨ̀lè nê, “Fo Kèfə naa wu ne nè, aa kɔɔle waã ane mètàŋ Mbɔ̧ɔ̧mà, ebi. Bɔɔ li tɔ waã wu ane waã tà dzəè abua Mbɔ̧ɔ̧mà la, e mě tɔ atò ane Waã Mbɔ̧ɔ̧mà.

Lûk 6:35

Àghɨa bɨ bɔ ndɨ bɨ̀a me ghɨ̀ la wu nê, bɨ̀ me kɔ̀ŋke bɔmbù̧ bɨ̧ mè ngɨ̀a ntsɔ̧̀ abua yɔb; à fù wòt àghɨ à ka me chɨ̀Ꞌɨ̀ taa vəâ. Bɨ ghɨ̀ ale, ko bɨa li ebɔ taꞋa àbȩ̀, abua Mbɔ̧ɔ̧mà e mě wu ngule bɔ̧ Mbɔ̧ɔ̧mà Àtsèàngɔ̀ŋ. Ngu nê tàà ngɨ̀à a ntsɔ̧̀ abua bòt kàbɔ̀ŋ nè bòt bu bɔ̀ɔ ka ŋa mènkɔ̀ŋke abua tò la.

Jɔ̌n 1:23

Tà bɨ̀ɨ̀lè nê, “E ngu àtɔŋ wòt kǒ ŋȩ̀a a èbem àbâ àlaꞋ àyuube shua nê bɨ̀ nèète alu̧ Lefɨ̀Ꞌ è tɨ̧ɨ̧ ndɨŋndɨ̀ŋ mbɨ̀Ꞌɨ̀ ndàꞋàtɔŋ Mbɔ̧ɔ̧mà, Àsayà li shu la.”

Jɔ̌n 1:27

Tà wu wòt wu nkɨ̀Ꞌa akwene yaã la. E mbakà lem nkùꞋ wòt tàa yàa mèliꞋ gubte tò la.”

Jɔ̌n 3:28

Bɨ̀a mbɔŋ bɨ ko nê e ndi nê, e ntsě Fɔ̧̀ wu Mbɔ̧ɔ̧mà li ndzɔꞋ etsàà la, ka e ngu wòt bɔ tsǎ a mbì tò la.

ÀfaꞋa 16:17

Waàvi mbɔŋ me kùŋè àwa ba Pɔ̂l ba, ngȩ̀ȩ̀nà ŋȩ̀a shua nê, “Bòt ba wu bɔfàꞋ a Mbɔ̧ɔ̧mà Àtsèàngɔ̀ŋ. Bɔɔ̀ ngȩ̀ȩ̀nà shu awɨ̧ ndɨ bɨ̀a ghɨ̌ ka Mbɔ̧ɔ̧mà naa tsì àwɨ̧ a èbem kàbɔ̀ŋ wɨ̧ eŋa wɨ̧ mèmpème kàlìà la.”