Lûk 1:6 - Mundani

⁶ Bòt baa babe la bɔ li ntɨ̧̀ɨ̧ ndɨŋndɨ̀ŋ a mbì Mbɔ̧ɔ̧mà mè me paŋe mbɨ̧te tò nè nkɨ̀atsə tò tègème.

Lûk 1:6 ပူးပေါင်းရင်းမြစ်များ

Lûk 1:7

Bɔ li bɔ̀ ka bɔ bɔ̧ nkàà nê Èlisabèt li ngu yen, bɔ mè ntsìꞋi ndente bòt.

Lûk 16:15

Yesò shu abua yɔb nê, “Wu bɨ̀a bɨ̀a ŋèꞋa wɨ̧ a ègwet a mbì bòt nê mènəè mɨ̧ tɨ̧ɨ̧ ndɨŋndɨ̀ŋ la, ka Mbɔ̧ɔ̧mà bɔ̂ ko mèntɨ̧ɨ̧ mɨ̧. Bɨ̀ ko nê àghɨa bòt àa nɨ̀a nê wu taꞋa àghɨ la, a bakà kùꞋ àghɨ a mbì Mbɔ̧ɔ̧mà.

Lûk 2:25

È li ngu àfɨꞋa mbɔŋ wòt kǒ wu a Jèlusalèm èlen tò wu Simiòn. Tà li ngua nkùkta Mbɔ̧ɔ̧mà mè ntɨ̧ɨ̧ ndɨŋndɨ̀ŋ a mbì tò. Tà li ngua nchɨ̀Ꞌà àlia bòt Izəèlȩê bɔ̀ɔ li dzəâ a èbem ngoꞋ tɔb la, Fo Kèfə mè ngu ane tò.

ÀfaꞋa 2:25

Dàbid li shu èngà̧ waa ane Yesò nê, ‘Maà ndzèa Tǎt am àfɨ̀Ꞌ àgème a ngèt yaã. Tà wu àbâ àbualu̧ am, ale è nka wu me bɔɔ àghɨa ko.

ÀfaꞋa 23:1

Pɔ̂l bê ntsìte àghɨ azi adù̧ bòt èsaꞋa bu mbɔ̂ nê, “Bɔnyɨ bɔ̧ bòt Izəèlȩê, èntɨ̧ɨ̧ am aà kà feele am ngu nê, ekɨꞋɨ ŋa laane waa, mâ ghɨ̂ wuê mènəè mu Mbɔ̧ɔ̧mà nàa nkɨà la.”

ÀfaꞋa 24:16

È wu ale, màa ngɨ̀ e me nyɔ̀Ꞌte àfɨ̀Ꞌ àgème ebɔ èntɨ̧ɨ̧ kà wua fèèlè am a mbì Mbɔ̧ɔ̧mà bɔ̂ wɔ̀bȩ̂.

ÀfaꞋa 8:21

À bakà bɔ ànəê ane àfàꞋ yaa, nkàà nê èntɨ̧ɨ̧ wê e ntsě ndɨŋndɨ̀ŋ e mbì Mbɔ̧ɔ̧mà.

Lûm 8:4

Tà li ngɨ̀ àyaa mbɨ̀Ꞌɨ̀ baa me koa ngɨ̀à èghɨ ntsɔ̧̀ bu ègème mbɨ̧ Mbɔ̧ɔ̧mà nàa shuà nê bà me ghɨ̀ la, ndɨ̀ wu baa tsiꞋa ntsèka mbɨ̀Ꞌɨ̀ Fo Mbɔ̧ɔ̧mà nàa nkɨà la, baa kà tsi ngua ntsèka mbɨ̀Ꞌɨ̀ mbɨ̧te ènyit ta tèa nkɨà la.

1 Kɔlìn 11:2

Maà ngùꞋtà wɨ̧ nkàà nê bɨa ntsèka nkù̧ù̧ta am ane àghɨ àgème e ndi ngua ngɨ̀à mè nyɨ̀Ꞌta la, mè me nɔ̀ŋè mènəè mu e ndi ndzi a tèkitebu tɨ̧ la.

2 Kɔlìn 1:12

Àghɨa betsiꞋa ba me ghàꞋtè àwa adù̧ la wu nê, mèntɨ̧ɨ̧ ma nàà shua wa nê baa ngɨ̀à mènəè ma a sitsǎꞋ ŋàa fɔɔle a mbì lɨ̧ àfɨ̀Ꞌ àgème mbɨ̀Ꞌɨ̀ bòt Mbɔ̧ɔ̧mà nè nkûŋ. È ntsě èyǐ wɔ̀bȩ̂ ka ba nɨŋ me ghɨ̀ mènəè maa la. Ba ghɨa ane ntsɔ̧̀ Mbɔ̧ɔ̧mà wu tà nyɨꞋte abua ya la.

Filìpȩ 2:15

Bɨ ghɨ ale, ko bɨa tsiꞋi bòt kà fâ̧ ànəê a mbì Mbɔ̧ɔ̧mà, bòt è ka meè ngu ye àghɨa bɔ̀ɔ nɨ efèèlè àwɨ̧ la, bɨ mè ngu etsiꞋi ngule bɔ̧ Mbɔ̧ɔ̧mà kà ye àlɔꞋ a èbem ngɔ̀ŋ yaa, è lu̧u̧ ne bòt mènəè mɔb è toŋke la, nè bòt kàbɔ̀ŋ la. Bɨ̀ me beꞋe ayɔɔ yɔb mbɨ̀Ꞌɨ̀ těnto̧tsə tèa nkaꞋa a èbem ndzěm la,

Kɔ̀losìà 1:22

Ka àfɨ̀Ꞌ yaa Waã tò kɨꞋɨ ntsìꞋi wɔ̀bȩ̂ mpfə la, Mbɔ̧ɔ̧mà nɨ èvə Waã vi mbɔŋ ngɨ̀ bɨ tsiꞋi bèshu̧ tò, mbɨ̀Ꞌɨ̀ taa nɨ awɨ̧ enɨ kɨꞋɨ a mbì li mbɨ̀Ꞌɨ̀ ngule bòt bi, kà ye àlɔꞋ nè àghɨa ko bɔ̀ɔ fèèlè àwɨ̧ adù̧ la.

1 Tèsàlonikà 3:13

Bɨ me ghɨ̀ ane ko Mbɔ̧ɔ̧mà naa zì mèntɨ̧ɨ̧ mɨ̧ e mě ghɨ̌ bɨa tsiꞋi bòt tò nènkèm mbɨ̀Ꞌɨ̀ è li e wu ane àli yu Yesò Lefɨ̀Ꞌ wa nàa kɨꞋɨ ne bòt bi bàgème la, bɨ tɨ̧ɨ̧ a mbì Tǎt wa Mbɔ̧ɔ̧mà kà ye àghɨa wòt nàa fèèlè àwɨ̧ adù̧ la.

2 Pità 3:14

È wu ale à bèshu̧ bɔ̧, mbɨ̀Ꞌɨ̀ bɨ̀a nchɨ̀Ꞌà èghɨ bàa la, bɨ̀ la ndzì àtsə ndze nê bɨa ntsèka ntsɔ̧̀ nè Mbɔ̧ɔ̧mà tè tà ka ndzè ka wuê adziꞋi kàbɔ̀ŋ ane yɨ̧.

1 Jɔ̌n 2:29

Bɨ koa nê Yesò Klistò tɨ̧ɨ̧ ndɨŋndɨ̀ŋ a mbì Mbɔ̧ɔ̧mà, bɨ bɔ ndɨ bɨ̀a ko nê waa waa tàa ngɨ̀à àghɨa Mbɔ̧ɔ̧mà nàa nkɨà la wu Waã Mbɔ̧ɔ̧mà la.

1 Jɔ̌n 2:3

Ba me ghɨ̀ àghɨa Mbɔ̧ɔ̧mà shua la, ba ko nê ba ko atò.

1 Jɔ̌n 3:7

Bɔ̧ bɔ̧, ko mbɨ̀Ꞌɨ̀ wòt kǒ fɨte awɨ̧. Waa waa tàa ngɨ̀à mènəè ntsɔ̧̀ la wu wòt tà tɨ̧ɨ̧ ndɨŋndɨ̀ŋ a mbì Mbɔ̧ɔ̧mà, wuê mbɨ̀Ꞌɨ̀ Yesò Klistò tɨ̧ɨ̧ ndɨŋndɨ̀ŋ la.