Lûk 1:32 - Mundani

³² Taa li wu wòt nɨ̧, bɔɔ me tɔ atò nê Waã Mbɔ̧ɔ̧mà Àtsèàngɔ̀ŋ. Mbɔ̧ɔ̧mà Lefɨ̀Ꞌ naa li ŋa atɨ̧ kèfɔ̧̀ tǎt nyaꞋ tò Dàbid abua tò.

Lûk 1:32 ပူးပေါင်းရင်းမြစ်များ

Matìù 1:1

Eyaa wu bètǎt nyaꞋ Yesò Klistò wu tà lè wu wòt ləlob Fɔ̧̀ Dàbid wu tà li ngu wòt ləlob Abàlàghâm la.

Matìù 12:42

Ane àlia mbɔŋ fɔ̧̀ àlaꞋ a Sèbà naa li lɔ̀Ꞌɔ a si ebaãaã wɨ̧ ane mènəè kàbɔ̀ŋ mu bɨ̀a ngɨ̀à la, nkàà nê tà li ndzəè tea tɔꞋɔ ngɔ̀ŋ kǒ, nkɨ̀Ꞌɨ̂ ezə mèngǎ̧ fɔ̧̀ Sàlemun li ngua nɨa èyì vi ndàꞋà la. TsiꞋ è shu awɨ̧ nê wòt kǒ naa àdzìꞋ yaa àfɨ̀Ꞌ yaa, èyǐ tò e tsè è we fɔ̧̀ Sàlemun la.

Matìù 28:18

Yesò kɨ̀Ꞌɨ̂ a ngèt yɔb shu abua yɔb nê, “Mbɔ̧ɔ̧mà ŋa mètàŋ nàa ègwet nè sitsǎꞋ la ègème abua am.

Matìù 3:11

“Maà ndzìà wɨ̧ a èdzî nɨ̀a nyɨ̀Ꞌta nê bɨ waꞋa mènəè kàbɔ̀ŋ mɨ̧. Ka tòa wu nkɨ̀Ꞌa akwèn yaã la e taꞋa tsě am nyaŋ. E mbakà lem nkùꞋ èwe màa ŋeꞋe gubte tò la. Taa tsiꞋi me zǐ Fo Kèfə ane yɨ̧ nè èwet.

Ntu̧ Ntsɔ̧̀ MAK 14:61

Yesò kà laꞋ. Àtsəa bèntsìà mèpɨ̧̀ yu a mè mbììte atò nê, “À wu Fɔ̧̀ wu Mbɔ̧ɔ̧mà li ndzɔꞋ etsàà, tà wu Waã Mbɔ̧ɔ̧mà wu bàa ngùꞋtà la à?”

Ntu̧ Ntsɔ̧̀ MAK 5:7

mbɔ̂ ŋȩ ane àtɔŋ ànɨ̧ nê, “Yesò, Waã Mbɔ̧ɔ̧mà Àtsèàngɔ̀ŋ, à kɨa ghà abua am à? Ane èlen Mbɔ̧ɔ̧mà, mâ shu̧u̧te awê nê à ka ngɨ̧̀ɨ̧̀nè am.”

Lûk 1:15

Taa li wu wòt nɨ̧ a mbì Mbɔ̧ɔ̧mà. Tà ka li nu mèlùꞋ kèkweelè à, Mbɔ̧ɔ̧mà mè ngu elu̧u̧ne èntɨ̧ɨ̧ tò nè Fo Kèfə ka bɔɔ bi atò.

Lûk 1:35

Wantu̧ wu bɨ̀ɨ̀lè nê, “Fo Kèfə naa wu ne nè, aa kɔɔle waã ane mètàŋ Mbɔ̧ɔ̧mà, ebi. Bɔɔ li tɔ waã wu ane waã tà dzəè abua Mbɔ̧ɔ̧mà la, e mě tɔ atò ane Waã Mbɔ̧ɔ̧mà.

Lûk 1:76

È wu awê waã wàa, bɔɔ li tɔ awê nê ndàꞋàtɔŋ Mbɔ̧ɔ̧mà Àtsèàngɔ̀ŋ. Nkàà nê aa tsě a mbì Tǎt wa Mbɔ̧ɔ̧mà etaŋke alu̧ tò.

Lûk 3:16

Jɔ̌n shu abua yɔb bàgème nê, “Maà ndzìà wɨ̧ a èdzî, ka wòt wu nkɨ̀Ꞌa la taꞋa tsě am nyaŋ. E mbakà lem nkùꞋ wòt tàa ŋɔꞋne a si eyààte mèliꞋ gubte tò la. Taa tsiꞋi me zǐ Fo Kèfə ane yɨ̧ nè èwet.

Lûk 6:35

Àghɨa bɨ bɔ ndɨ bɨ̀a me ghɨ̀ la wu nê, bɨ̀ me kɔ̀ŋke bɔmbù̧ bɨ̧ mè ngɨ̀a ntsɔ̧̀ abua yɔb; à fù wòt àghɨ à ka me chɨ̀Ꞌɨ̀ taa vəâ. Bɨ ghɨ̀ ale, ko bɨa li ebɔ taꞋa àbȩ̀, abua Mbɔ̧ɔ̧mà e mě wu ngule bɔ̧ Mbɔ̧ɔ̧mà Àtsèàngɔ̀ŋ. Ngu nê tàà ngɨ̀à a ntsɔ̧̀ abua bòt kàbɔ̀ŋ nè bòt bu bɔ̀ɔ ka ŋa mènkɔ̀ŋke abua tò la.

Jɔ̌n 12:34

Ale, ènɔ̧̂ bòt bu e bɨ̀ɨ̀lè èngǎ̧ tò nê, “Ba ko aya nê, Àkata Mbɔ̧ɔ̧mà a laꞋnê Fɔ̧̀ wu Mbɔ̧ɔ̧mà li ndzɔꞋ etsàà la naa li ewu ane àlia nè àlia. Ale, à ghɨ̀ na ka nê bɔɔ lɔ̀kè Waã Wòt a si etsoŋa ègwet à? Waã Wòt nàa ně ngu wà à?”

Jɔ̌n 6:69

Ba bɨ̧ɨ̧ne mè nko nê, à wu ngule wòt wu Mbɔ̧ɔ̧mà tsàà la.”

ÀfaꞋa 16:17

Waàvi mbɔŋ me kùŋè àwa ba Pɔ̂l ba, ngȩ̀ȩ̀nà ŋȩ̀a shua nê, “Bòt ba wu bɔfàꞋ a Mbɔ̧ɔ̧mà Àtsèàngɔ̀ŋ. Bɔɔ̀ ngȩ̀ȩ̀nà shu awɨ̧ ndɨ bɨ̀a ghɨ̌ ka Mbɔ̧ɔ̧mà naa tsì àwɨ̧ a èbem kàbɔ̀ŋ wɨ̧ eŋa wɨ̧ mèmpème kàlìà la.”

ÀfaꞋa 2:30

Tà li ngu ndàꞋàtɔŋ Mbɔ̧ɔ̧mà mè nko àghɨa Mbɔ̧ɔ̧mà wu e kâꞋ nê yea ghɨ̌ abua zi la. Mbɔ̧ɔ̧mà li ndzì nkà̧ nê yea li yɔꞋɔ wòt àndǎ̧ Dàbid kǒ ane fɔ̧̀, taa wu mbɨ̀Ꞌɨ̀ Dàbid li nguê la.

ÀfaꞋa 2:36

“Bɨ̀a bòt Izəèlȩê bàgème, bɨ ko nkûŋ nkûŋ nê, Mbɔ̧ɔ̧mà lȩ̂ a Yesò wu bɨ li ngù̧ù̧te atò a mbɨ̧̀ mbasa la ane Tǎt wa, mè ndzɔ̀Ꞌɔ atò mbɨ̀Ꞌɨ̀ Fɔ̧̀ wu ye tsàà la.”

ÀfaꞋa 7:48

“A batè ngu ale, ka ndàꞋàtɔŋ Mbɔ̧ɔ̧mà bɔ̂ nê, Mbɔ̧ɔ̧mà Àtsèàngɔ̀ŋ nàà kà tseke a èbem lobte bɔbȩ e vəèəè la.

Lûm 1:4

Enɨ nyɨꞋte nê tà wu Waã Mbɔ̧ɔ̧mà, Mbɔ̧ɔ̧mà nɨ mètàŋ mi è ghe la, njù̧ù̧me atò a èbem èvə. Waã tò mbɔŋ wu Tǎt wa Yesò Klistò.

Ètsə 3:7

“ ‘Shɨa àkatè abua wantu̧ Mbɔ̧ɔ̧mà wu tàa ndȩa a chɔsì wu a Fìlàdefìà la nê: ‘Eyaa wu mèngǎ̧ Ngule Waã Mbɔ̧ɔ̧mà, tà mèe ngu wòt nkûŋ la. Nkȩte fɔ̧̀ Dàbid te wu abua tò. Tàa ngɨ̀ tà kȩ ètsələèꞋ, wòt kà ko ntsɔꞋ; tà ntsɔꞋ ètsələèꞋ, wòt kà ko nkȩ̀.