Jûd 1:4 - Mundani

⁴ E shɨa ale nkàà nê, bòt ko bɔ tu̧u̧ a Mbɔ̧ɔ̧mà la e yɨ̧ɨ̧tè nyi a kètsìà wɨ̧. Bɔɔ ngèbla èngǎ̧ tò wu àa nyɨ̀Ꞌta èkɔŋ tò la, mbɨ̀Ꞌɨ̀ ebɔ èlu̧ e me ghɨ̌ èbɨꞋte ènəê, mè ntù̧a Yesò Klistò Lefɨ̀Ꞌ wu tà wu Tǎt wa mè ngu ndàꞋ wòt ba bɔ ndɨ bàa me zə atò la. Mbɔ̧ɔ̧mà li ndzaŋe saꞋa ànəa bòt baa, tè nê aa li ebɨɨ abà yɔb.

Jûd 1:4 ပူးပေါင်းရင်းမြစ်များ

Matìù 13:25

ka àfɨꞋa bɔ̀ɔ ndìa la, wɔ̀mbù̧ tò kɨ̀Ꞌɨ̂ sà èsaãaãme afəèꞋ kàbɔ̀ŋ a kètsìà èsaãaãme tò wu.

Jɔ̌n 17:3

Mèmpème kàlìà maa wu nê, bòt è ko awê, àwɔ̀ wu à wu ndàꞋà Mbɔ̧ɔ̧mà tà wu yû̧ la, mè nkoa Yesò Klistò wu à tsàà la.

ÀfaꞋa 11:23

Tà ghà abàꞋ və ndze ndɨ Mbɔ̧ɔ̧mà è nyɨꞋte a ntsɔ̧̀ vi ane bòt ngaa la, ànəa mbɔŋ a bɔ̀ atò, tà kààtè àwɔb nê bɔ̀ zì àtsə me kùŋè wuê a Yesò nkûŋ nkûŋ ngà nè mbì kà lɨŋke kwèn.

ÀfaꞋa 15:24

Ba zə nê bòt ko e li ndzə ayɔɔ aya kà ba tu̧u̧ awɔb nkɨ̀Ꞌɨ̂ ndàꞋà èbɨꞋte mèngǎ̧ kǒ nɨŋ ntsòkè mèntɨ̧ɨ̧ mɨ̧.

Gàlashìà 2:4

Ànəa mbɔŋ a li me lɔ̀Ꞌɔ a si ale ngu ndɨ bòt ko bɔ̀ɔ fɨ̀ta nê bɔ wu bòt Yesò la e li ndzɨ̧̀ɨ̧̀ma nyi ayɔɔ ya, me tsɔ ndɨ̀ŋkà mbɨ̀Ꞌɨ̀ eye ndɨ ba zì mèntɨ̧ɨ̧ ma ane Yesò Klistò ale bà ka tsi ngu èbùꞋ la, e mèe ghɨ̌ baa tsiꞋi èbùꞋ.

Gàlashìà 5:13

Bɔnyɨ bɔ̧, Fo Mbɔ̧ɔ̧mà tɔ awɨ̧ nê bɨ̀ ka tsi mbɨ̧̀ɨ̧̀ne èbùꞋ abua mbɨ̧te Musì, wuê nê bɨ̀ ka nɨ àyea mbɔŋ mbɨ̀Ꞌɨ̀ alu̧ a màngɨa àghɨa mbɨ̧te ènyit tɨ̧ tèa nkɨà la, ka bɨ̀ me kɔ̀ŋkè bɔnyɨ bɨ̧ mbɔ̂ ntɨ̀ŋe awɔb.

Efesɔ̀s 4:14

Ba tsiꞋi anè ko bà ka tsi ewu mbɨ̀Ꞌɨ̀ bɔtechɨɨle, bòt mèfà̧ àa nɨa kèghebte fɨ̀ta wɔb mpàà wɔb mbɨ̀Ꞌɨ̀ àfeme maꞋa àbâ abà, ngɨ̀à èbeko ane yɨ̧ e bɨ̧̀ɨ̧̀nà mènəè fɨ̀te la a.

1 Tɔ̀màtià 5:8

Wòt bakà wua ndɨ̀ŋkà bòt àndà̧ àzi, tè ngwaꞋ fɔ̀ɔ̀le bòt èbem lob zi, ŋut ko nê ye tu̧ alu̧ Yesò. Tà ghɨ̀ ale, tà ko nê ye bɨɨ te ntsè wòt kà zì èntɨ̧ɨ̧ vi ane Yesò.

2 Tɔ̀màtià 2:12

Nkùùla mèntɨ̧ɨ̧ ma, ko ba tò ba aa li me baãaã mènəè mbɨ̀Ꞌɨ̀ bèfɔ̧̀ mɨ̧̂. Ba tu̧u̧ atò, ko taa tu̧ awa mɨ̧̂.

2 Tɔ̀màtià 3:6

Bòt ko ane yɔb aa ngèèba nyaꞋa nyia èpfəè bòt, fɨ̀ta bèzi bɔ bɔ mèntɨ̧ɨ̧ lèyu la, mbɨ̀Ꞌɨ̀ bɔɔ bɨ̧ɨ̧ne ànəa bɔ shuà la. Eyaa wu èwuu bèzi bu kàbɔ̀ŋ kuule awɔb tè bɔ tsiꞋa ngɨ̀à àghɨ àgème a kɨꞋɨ àtsəa yɔb la.

1 Pità 2:16

Bɨ̀ me tseke mbɨꞋɨ̀ bòt Yesò yàà àwɔb la, ka bɨ̀ ka nɨ̀ àyea ngaa mbɨ̀Ꞌɨ̀ alu̧ a màngɨa kàbɔ̀ŋ. Bɨ̀ tsiꞋi ŋa awɨ̧ abua Mbɔ̧ɔ̧mà mbɨ̀Ꞌɨ̀ èbùꞋ tò.

1 Pità 2:8

Mè nê, “Eyaa wu èti lu àa ghɨ̌ bòt aa sèmne la, mè ngu èwu lu àa ghɨ̌ bɔɔ sèmne ekwene la.” Bòt bu bɔ tu̧u̧ ebɨ̧ɨ̧ne èngǎ̧ Mbɔ̧ɔ̧mà la, àa sèmnà nkwèna a èlɨ̀ waa. A bê ngu wuê mbɨ̀Ꞌɨ̀ Mbɔ̧ɔ̧mà li nê aa li ewu ane èwuu bòt mbɔŋ la.

1 Pità 4:18

Àkata Mbɔ̧ɔ̧mà a laꞋnê, “A chɨɨme ngu me kweele bòt bu bɔ tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la a mànyia kèfɔ̧̀ tò, ko àa wu na ane bòt kàbɔ̀ŋ bu bɔ̀ɔ ka kuŋe balu̧ tò la à?”

2 Pità 2:10

Mbɔ̧ɔ̧mà naa ghɨ̀ anè te tsě, ane bòt bu bɔ̀ɔ ngɨ̀à wuê èbɨꞋte èghɨ bu mbɨ̧te ènyit tɔb tèa nkɨà la, bɔ̀ ka mê ngua ndzəa bòt bu bɔ̀ wu àtsəa yɔb la, ka è màà ngu wuê wà leꞋ. BènyɨꞋtà fɨte ngaa e kweele àtsə mè mbɔ̀ mètsəê kàbɔ̀ŋ tè bɔ̀ ka tsi ngua mbɔ̀a elàꞋa kàbɔ̀ŋ adù̧ èghɨ àa ntsèka a ègwet la.

2 Pità 2:7

Tà li ngɨ̀ Lɔ̂t wu tà li ngu wòt ntsɔ̧̀ la pem. Lɔ̂t waa li nguê tàa ngɨ̀ tà ye èbɨꞋte ènəê bu bòt kàbɔ̀ŋ baa àa ngɨ̀à la, a taꞋa saa atò.

2 Pità 3:7

Mbɔ̧ɔ̧mà li ndàꞋ wuê èngǎ̧ vi mbɔŋ nɔ̀ŋè ègwet làa bɔ̂ sitsǎꞋ yàa àfɨ̀Ꞌ yaa la me chɨ̀Ꞌɨ èwet àa tò̧o̧. Aa li ghɔ̀Ꞌɔ ane àli yu tàa li esaꞋa bòt bu bɔ tu̧u̧ atò la eliime awɔb la.

1 Jɔ̌n 2:22

Wòt mèfà̧ nàa nè ngu wàà? Wu wòt tà laꞋnê Yesò Klistò ntsě Fɔ̧̀ wu Mbɔ̧ɔ̧mà li ndzɔꞋ ntsà la. Èwuu wòt waa wu wɔ̀mbù̧ Yesò Klistò. Tà tu̧u̧ a Tǎt wa Mbɔ̧ɔ̧mà mè ntù̧u̧ Waã tò.

Jûd 1:15

Tà kɨꞋa esaꞋa bòt bàgème e màꞋa bòt bu bɔ tu̧u̧ atò la a èbem ngoꞋ ane èbɨꞋte ènəê bu bɔ ghɨ̀ la, nè èwuu èbɨꞋte mèngà̧ mu bòt kàbɔ̀ŋ baa e làꞋà adù̧ tò la!”

Jûd 1:18

Bɔ li shu abua yɨ̧ nê, “Naa li ngu ane èli bu ngɔ̀ŋ tsìꞋa nkɨ elìà la, bòt ko e bùꞋ me wȩ̀ȩ̀tè ànəê àgème è wù àyea Mbɔ̧ɔ̧mà la, mè nkùŋà wuê èghɨ mèntɨ̧ɨ̧ mɔb nàa nkɨà, è wù èghɨ àa mbɨ̀a Mbɔ̧ɔ̧mà la.”

Ètsə 15:4

Lefɨ̀Ꞌ, wòt wu kà wu bɔa awê, ewùꞋte èlen lê la wu wàà? Wu ndàꞋà àwɔ̀, à wu Mbɔ̧ɔ̧mà la. Bòt ngɔ̀ŋ bàgème àa li kɨꞋɨ wùꞋtè àwê, nkàà nê wòt ègème ye ndɨ mènəè mê nàa ndɨŋndɨ̀ŋ la.”