Jûd 1:3 - Mundani

³ Ngule bèshu̧ bɔ̧, è ndi ngua nkɨ e shɨ letà waa abua yɨ̧ ane ànəa mèmpème mu ba nɨ̧̀ ba e fɔtè mbɔŋ la. È ngɨ̀ ale èntɨ̧ɨ̧ am e tsiꞋi me ŋwèèlè am nê è shɨŋ ngɨ̀ bɨ̀ neeta mbà̧aã ànəa Ntu̧ Ntsɔ̧̀ yu Mbɔ̧ɔ̧mà ŋa abua bòt bi nènkèm tè ndɔ̀Ꞌ la.

Jûd 1:3 ပူးပေါင်းရင်းမြစ်များ

ÀfaꞋa 17:3

Tà ghɨ̀ ale, tà me ghaꞋte mè nyɨ̀Ꞌte awɔb èlȩê nê, Fɔ̧̀ wu Mbɔ̧ɔ̧mà li ndzɔꞋ etsàà la, li mbɔ̌ ndɨ tàa ye ngoꞋ te epfə ka eyu̧u̧me la. Mè nê, “Yesò waa è ngua ndàꞋà ànəa tò la, wu Fɔ̧̀ wu Mbɔ̧ɔ̧mà è yɔꞋ ntsà la.”

ÀfaꞋa 18:28

Bɔ̂ Bèjuê e li ngua nkàànà mènəè Yesò àsà̧aã èwen, tà tɔ èdziꞋ èkatè Mbɔ̧ɔ̧mà nyɨ̀Ꞌte awɔb ndɨ Yesò wu Fɔ̧̀ wu Mbɔ̧ɔ̧mà li ndzɔꞋ ntsà la, tè mètsəê mɔb lem.

ÀfaꞋa 20:27

Ngu nê ànəa ako Mbɔ̧ɔ̧mà nàa nkwaꞋta eghɨ̀ kâ e shu awɨ̧ la a ntsě.

ÀfaꞋa 28:28

Pɔ̂l è ghɨ̀ ale, tà lìà nê, “Bɨ̀ ko nê Ntu̧ Ntsɔ̧̀ yu nàa shua ndɨ Mbɔ̧ɔ̧mà nàa tsǐ bòt a èbem kàbɔ̀ŋ wɔb la, è ghà tê ngu abua bòt kà wu Bèjuê, tè bɔ̀ɔ wu e yutè.”

ÀfaꞋa 4:12

Wu ndàꞋà tòà ka tàa ŋa mèmpème kàlìà la. Mbɔ̧ɔ̧mà ŋa atò abua ya, tè èlen tsa è ka tsi nguê a èten ègwet betsiꞋa e ghɨ̀ ba bɔ mèmpème kàlìà la.”

ÀfaꞋa 6:7

Ale, èngǎ̧ Mbɔ̧ɔ̧mà e me paa nga a èdziꞋ èdziꞋ. Bɔkatè Yesò e mè ntaꞋa kwèꞋne a Jèlusalèm tè bèntsìà mèpɨ̧̀ Mbɔ̧ɔ̧mà nyaŋ e zə ndzì mèntɨ̧ɨ̧ mɔb ane Yesò mɨ̧̂.

ÀfaꞋa 9:13

Ànàniàs bɨ̀ɨ̀lè nê, “Tè Yesò, bòt nyaŋ e taꞋa làꞋa ànəa mbê waa, e dzə. Bɔ shu èwuu èbɨꞋte èghɨ ègème tà ghɨ ane bòt Mbɔ̧ɔ̧mà a Jèlusalèm la mɨ̧̂.

ÀfaꞋa 9:22

Sɔ̂l li ndàꞋà mènəè Yesò ane èlɨ kekweelè tè Bèjuê bu a Dàmaskɔ̀s la e ka tsi nko ntsɔ̀Ꞌɔ èngǎ̧ tò. A li me wu ale, ngû ndɨ̀ wu èghɨ tà nɨŋ nyɨ̀Ꞌte nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, wu èghɨ betsiꞋa wòt kà ko ntu̧ la.

1 Kɔlìn 15:3

E ndi shu awɨ̧ ànəa Yesò Klistò li shu am la, mbɨ̀Ꞌɨ̀ ngule àghɨa mbì, nê Yesò Klistò li mpfə ane kàbɔ̀ŋ wa, mbɨ̀Ꞌɨ̀ Àkata Mbɔ̧ɔ̧mà a li shu nê aa wu la.

Gàlashìà 2:5

Ka bɔ ghɨ̀ ale bà ka bê ŋa èlu̧ abua yɔb, ka wuê adzìꞋ, mbɨ̀Ꞌɨ̀ ghɨ̌ nkûŋ yu ane Ntu̧ Ntsɔ̧̀ Yesò Klistò la naa tèꞋa ane yɨ̧.

Gàlashìà 3:28

BetsiꞋa bɔ̀ ka tsi nê wòt Juê è kubte ane wòt Glɨ̂k, àbùꞋ à ka kubte ane wòt ka wu àbùꞋ, mbâ̧ kà kubte ane àvi, nkàà nê bɨ̀agème e tsiꞋi àghɨ yeamɔꞋ ane Yesò Klistò.

Gàlashìà 6:11

Bɨ̀ ye mèngà̧ maa nàa fàŋka la, mâ nɨ àbu am mmɔ̌ mbɔŋ shɨŋ la.

Efesɔ̀s 1:1

Letà Pɔ̂l wantu̧ Yesò Klistò Mbɔ̧ɔ̧mà è ghɨ̂ ane mènkɔ̀ŋke mi la. Abua bòt Mbɔ̧ɔ̧mà bu a Efesɔ̀s bɔ̀ tsiꞋi àghɨ yeamɔꞋ nè Yesò Klistò la.

Filìpȩ 1:1

Letà Pɔ̂l bɔ̂ Tɔ̀màtià bɔfàꞋ Yesò Klistò, Abua bòt Mbɔ̧ɔ̧mà bu bàgème a Filìpȩ bɔ̂ Yesò Klistò ba è tsiꞋi àghɨ yeamɔꞋ la. Ba shɨa fɔ̀ɔ̀le abua bɔɔjuŋ nè bèdikɨ̀n bu ayɔɔ yɨ̧ la.

Filìpȩ 1:27

Ànəa nɨ̧ àfɨ̀Ꞌ yaa wu nê, bɨ̀ me ghɨ̀ mènəè mɨ̧ ègème wuê mbɨ̀Ꞌɨ̀ Ntu̧ Ntsɔ̧̀ Yesò Klistò nàa nkɨà la. Bɨ̀ ghɨ̀ ale, mbɨ̀Ꞌɨ̀ è nkɨꞋɨ e ndze awɨ̧, kò è mbaka nkɨ̀Ꞌɨ̂ leꞋ, e ndzə ndɨ bɨ̀a nèètà mbǎ̧ èngǎ̧ Yesò Klistò nè èntɨ̧ɨ̧ wɨ̧ wemɔꞋ la. Mè ndzəâ ndɨ bɨ̀a fàꞋà nè ètsəê wemɔꞋ mbɨ̀Ꞌɨ̀ bɨ fɔtà nùà nê Ntu̧ Ntsɔ̧̀ Yesò Klistò me ghà nê mbì la.

Kɔ̀losìà 1:2

Abua bɔnyɨ ba bòt Mbɔ̧ɔ̧mà bu a Kɔ̀losìà, bɔ zì mèntɨ̧ɨ̧ mɔb ane Yesò Klistò, ntsiꞋi àghɨ yeamɔꞋ nè tò. Baa ntsàꞋtà nê Tǎt wa Mbɔ̧ɔ̧mà è me nyɨꞋte a ntsɔ̧̀ vi abua yɨ̧, mè ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

1 Tèsàlonikà 2:2

Bɨ ko ndɨ bɔ li mbɨ̀ ngɨ̧̀ɨ̧̀nè àwa mè ntsɔ̧̀ɔ̧̀tè àwa a Filìpȩ ka ba kɨꞋɨ̀ abua yɨ̧ a Tèsàlonikà la. Bòt è li mbàte ndɔ̀Ꞌte a si àpfəa yɨ̧ mɨ̧̂ me pààbè àwa, ka Mbɔ̧ɔ̧mà bɔ̂ ŋà àwa mèntɨ̧ɨ̧ kèkweelè ba tsɔ̀tè Ntu̧ Ntsɔ̧̀ yu è dzəè abua tò la abua yɨ̧.

1 Tɔ̀màtià 1:18

Waã am Tɔ̀màtià, mâ zì mènəè maa ègème a tèkitebu tê. Me ku̧u̧te mènəè mu bɔ li ndzaŋe elàꞋa ane yê ane àtɔŋ Mbɔ̧ɔ̧mà la, nɨ̀ mènəè ngaa nɨŋ nù èbele Mbɔ̧ɔ̧mà adù̧.

1 Tɔ̀màtià 6:12

Tsì ètɨ̧̂ wê ntsènè è nù èbele Mbɔ̧ɔ̧mà. Ghɨ̌ ndɨ àa bɔ mèmpème kàlìà la, nkàà nê Mbɔ̧ɔ̧mà li ndȩ̀ awê nê kɨꞋɨ mbɔ̀ mùà, àfɨ̀Ꞌ yu à li mbɨ̧̀ɨ̧̀nê a mbì bòt nyaŋ nê ye zǐ èntɨ̧ɨ̧ vi ane Yesò Klistò la.

2 Tɔ̀màtià 1:13

Baãaã èngǎ̧ nkûŋ waa mâ laꞋa abua yê la, me làꞋa abua bòt ko mɨ̧̂, me zì wuê èntɨ̧ɨ̧ wê ane Mbɔ̧ɔ̧mà, nkɔ̀ŋkà tò mbɨ̀Ꞌɨ̀ ba wu ba tsiꞋi àghɨ yeamɔꞋ nè Yesò Klistò la àa ngɨ̀à la.

Tȩtɔ̀s 1:4

E shɨa letà waa abua Tȩtɔ̀s, ngule waã am, ba tò e zì mèntɨ̧ɨ̧ ma ane wòt wemɔ̀Ꞌ la. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Mpemnà wa nê bɔ̀ me nyɨꞋte awê a ntsɔ̧̀ wɔb, mè ngɨ̀ à bɔ àlàŋkè a èntɨ̧ɨ̧ wê.

Ebùlù 13:22

Bɔnyɨ bɔ̧, bɨ̀ yute èngà̧ waa e nɨa nkɨ̀ɨ̀ta wɨ̧ la ntsɔ̧̀. Letà waa mâ shɨ abua yɨ̧ la wu kètem àkatè.

Ebùlù 6:9

Ngule bèshu̧ bɔ̧, ba batè ndàꞋ anè ale, ka mbɔ̂ nga ane ànəa yɨ̧ ndâ nko nê bɨa nga egha ane alu̧ ntsɔ̧̀ wu Mbɔ̧ɔ̧mà nàa ghɨ̌ bɨa bɔ mèmpème la.

1 Pità 5:12

Wu wanɔ̧ Silvanùs ka tà tɨŋe am è shɨ̀ kètem àkatè faa la. Mâ lâ nko nê tàà nkuŋa Yesò Klistò nkûŋ nkûŋ. E shɨa anè mbɨ̀Ꞌɨ̀ elɔ̀ktè mèntɨ̧ɨ̧ mɨ̧, e mě shua wɨ̧ ndɨ Mbɔ̧ɔ̧mà nàa ndâ nkɔ̀ŋkà àwɨ̧, nkua tèsȩ tɨ̧ la. Ale, bɨ̀ baãaã ànəê yaa ntsɔ̧̀ mè ndɨ̀Ꞌà wɨ̧ wuê ane Mbɔ̧ɔ̧mà.

2 Pità 1:1

Letà Simùn Pità, wɔ̀fàꞋ nè wantu̧ Yesò Klistò, Abua bòt bu bɔ̀ɔ nkùŋà alu̧ Mbɔ̧ɔ̧mà, è wù alu̧ bàa bɔntu̧ àà nkùŋà la. Wu Yesò Klistò ka tà ghɨ̂ bɨ me kùŋè ale la, nkàà nê tàà ngɨ̀à mènəè wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu Mbɔ̧ɔ̧mà bɔ̂ Yesò Klistò Mpemnà wa.

2 Pità 2:21

A li mbê mbɔ̀ŋ nê, ŋut ka nko ndɨ Mbɔ̧ɔ̧mà nàa nkɨà nê bòt è me tseke la, tè ntsè ndɨ tàa ko, e bɔ̂ mèe gheble tu̧u̧ nkɨ̀a Mbɔ̧ɔ̧mà yu bɔ li ŋǎ abua tò la.

Jûd 1:1

Letà Juêd, wɔ̀fàꞋ Yesò Klistò, wanyɨ Jimsì, Abua bòt bu bàgème Tǎt waa Mbɔ̧ɔ̧mà làà àwɔb ane bòt bi me nèèta nkɔ̀ŋkè àwɔb, Yesò Klistò mè me baabe awɔb la.

Jûd 1:17

Bèshu̧ bɔ̧, bɨ̀ ku̧u̧te mènəè bɔntu̧ Yesò Klistò Lefɨ̀Ꞌ wa e li shu nê naa li ghɨ̀ la.

Jûd 1:20

Bèshu̧ bɔ̧, è me wu awɨ̧ ko bɨ̀ baãaã mènəè mu bɨ bɨ̧ɨ̧ne la me kweela ngà nè mbì. Mènəè maa dzə abua Mbɔ̧ɔ̧mà zìambɔŋ. Bɨ̀ me tsàꞋte Mbɔ̧ɔ̧mà ane mètàŋ Fo Kèfə.

Ètsə 12:11

Wu àlo̧ Wanjɨ̀ wu nè èngǎ̧ nkûŋ tò wu bɔ̀ɔ ndàꞋà la ka bɔnyɨ ba e nɨŋ nù atò tè ntsè la. Bɔ li bɔ̀ ka nɨ mèntsèke mɔb mbɨ̀Ꞌɨ̀ àghɨa ko, nê è màà ngu wuê èvə ko bɔɔ pfə.

Ètsə 2:10

Bɨ̀ ka mbɔ̀â nkàà ngoꞋ tu bɨ̀a ye tùà la. Bɨ̀ ye, Satàn nàà zǐ àbəèꞋ àyɨ̧ a tèfȩ, mbɨ̀Ꞌɨ̀ bɔɔ nyɔ̀Ꞌta awɨ̧ e ye ndɨ bɨ zì mèntɨ̧ɨ̧ mɨ̧ ane Yesò la. Bɨ gha ye ngoꞋ mbɔŋ wuê ane èli èghem. Bɨ̀ tsiꞋ mèntɨ̧ɨ̧ mɨ̧ ane yaã me kweele, ka è màà ngu wuê èvə. Bɨ ghɨ̀ ale, ko bɨa bɔ àbȩ̀, è wu mèmpème kàlìà la.