Jimsì 5:19 - Mundani

¹⁹ Bɔnyɨ bɔ̧, wòt ane yɨ̧ sà alu̧ nkûŋ è nyɔ̂, wòt kǒ tsa mèè tɨ̀ŋe atò nɨ̀a tò nɨŋ nkɨ̀Ꞌɨ̀ adù̧,

Jimsì 5:19 ပူးပေါင်းရင်းမြစ်များ

Matìù 18:15

“Wanyɨ wè fà̧ ànəê abua yê à tɔ atò bɨ tò e gha a ntsèm, à shu atò ànəa tà fà̧ la, à shu ale, tà bɨ̧̀ɨ̧̀ne nê ye fà̧, à ko nê yê mê mbɔ atò mbɨ̀Ꞌɨ̀ wanyɨ wè.

Lûk 22:32

Ka mâ tsàꞋte a Mbɔ̧ɔ̧mà àtsəa yê àwɔ̀ Simùn mbɨ̀Ꞌɨ̀ ka à tsì èntɨ̧ɨ̧ wê ane yaã. Ka aa me kua akwèn nkɨ̀Ꞌa abua am à zì mèntɨ̧ɨ̧ bɔnyɨ bè.”

Gàlashìà 6:1

Bɔnyɨ bɔ̧, bɨ̀a wu bɨa ngȩ̀ȩ̀nà mbɨ̀Ꞌɨ̀ Fo Mbɔ̧ɔ̧mà nàa nkɨà la, bɨ yea wòt ngɨa kàbɔ̀ŋ la, bɨ bɔɔle awɨ̧ nkɨ̀ɨ̀te atò bò̧ bò̧. Ka bɨ̀ me ghɨ̀ ale bɨ me baabe awɨ̧ mbɨ̀Ꞌɨ̀ ka bɨ kwen a èbem kàbɔ̀ŋ mɨ̧̂.

1 Tɔ̀màtià 6:10

Aa ale nkàà nê, èkɔŋ èkab ka àa nɨ̀a mènəè kàbɔ̀ŋ ègème nkɨ̀Ꞌa sitsǎꞋ ŋàa la. Àtɔŋ bòt ko a kɨ èkab nyaŋ, tè bɔ tu̧ alu̧ Yesò, ngoꞋtsə te ghɨ̀ mèntɨ̧ɨ̧ mɔb lootè.

1 Tɔ̀màtià 6:21

Bòt ko e tanda nê bɔ bɔ wùà, tè sà alu̧ Yesò ntsì mèntɨ̧ɨ̧ mɔb ane tò. Maà shù̧ù̧ta nê Mbɔ̧ɔ̧mà è me nyɨꞋte a ntsɔ̧̀ vi abua yɨ̧ bɨ̀agème.

2 Tɔ̀màtià 2:18

Bɔ sà alu̧ nkûŋ me gheeba ntsòkà ètsə bòt Yesò ko è shùa nê, Mbɔ̧ɔ̧mà è yu̧u̧me bòt bɔ pfəꞋte la tè ndɔ̀Ꞌ.

Ebùlù 5:2

Taa ko bɔɔla vi etɨŋe bòt bu bɔ̀ɔ fà̧à̧tà mènəè nkàà nê bɔ baka ko la, ndɨ̀ wu tàa njùa àzi ane balu̧ nyaŋ la.

Jimsì 1:16

Ngule bɔnyɨ, bɨ̀ ka fɨte awɨ̧ bɨ̀ambɔŋ.

Jimsì 1:19

Ngule bɔnyɨ, bɨ̀ me ku̧u̧te èngà̧ waa nê, wòt ègème me yàŋa ndzəa ànəê, ka tà ka me làꞋa kwàla, tà ka mè me tsoo kwàla.

Jimsì 3:14

Ka wòt me ghòꞋne bòt a èntɨ̧ɨ̧ vi nyaŋ mè nge ane èghoꞋ, tà ka me ŋeꞋe tèkwȩ ti ègwet ndàꞋà àfɨte ane ànəa è wû nkûŋ la.

Jimsì 5:20

bɨ ko nê, wòt tɨŋe wòt ntsia tò a èbem mènəè kàbɔ̀ŋ, tà ko nê ye ghɨ̂ ŋut peme èvə. Àyea mbɔŋ a mè ngɨ̀ Mbɔ̧ɔ̧mà waꞋa mènəè kàbɔ̀ŋ wòt nyaŋ.

2 Pità 3:17

Bèshu̧ bɔ̧, ndɨ̀ waa bɨ ko mènəè maa tè ndɔ̀Ꞌ la, bɨ̀ me baabe awɨ̧ mbɨ̀Ꞌɨ̀ ka bòt kàbɔ̀ŋ baa bɔ fà̧à̧tè èka bɔb la, e tsòkè ètsə bɨ̧ ngɨ̀ èka bɨ̧ e lɔŋ, èntɨ̧ɨ̧ wɨ̧ wu bɨ zi ane Mbɔ̧ɔ̧mà la è ka tsi ngua nkwèèla.

Jûd 1:11

Aa li bɨɨ awɔb nkàà nê bɔɔ̀ ngȩȩna ane alu̧ Kên li ngȩ̀ȩ̀nè la. Bɔɔ ngɨa kàbɔ̀ŋ wuê mbɨ̀Ꞌɨ̀ Balààm li ngɨ̀ la ambo èkab, mè nkwèèla àtsə mbɨ̀Ꞌɨ̀ Kolà li nkwèèle la tè Mbɔ̧ɔ̧mà wu li eliime awɔb wuê mbɨ̀Ꞌɨ̀ tòà.