Jimsì 3:6 - Mundani

⁶ Èlɨ̧ aa mbɨ̀Ꞌɨ̀ èwet. E wu àdziꞋa ènyit yaa ko, mbɔ̂ ŋèꞋa kàbɔ̀ŋ wu a ngɔ̀ŋ ŋaa la me sàŋe wua a mbɨ̧̀ ènyit ya. Àa ngɨ̀ e tsəꞋtè èwet betsiꞋa e tò̧ò̧ mènəè ma a ngɔ̀ŋ ŋaa la. Èwet waa ane èlɨ̧ la mbɔŋ la e dzəa adzìꞋa èwet Satàn.

Jimsì 3:6 ပူးပေါင်းရင်းမြစ်များ

Matìù 12:24

Ka Bèfalèsiì e zə ale, nê “Wu Belzebùl, fɔ̧̀ fote kàbɔ̀ŋ ka tàa ŋǎ tò mètàŋ tà nɨa fəèà fote kàbɔ̀ŋ ko la.”

Matìù 5:22

Ka e ngua shu awɨ̧ nê wòt tsoa ane wanyɨ vi, ko bɔɔ li saꞋa atò wuê a èlɨ mbɔŋ, èwe tà tsɔ̧̀ wanyɨ vi la bɔ nɨ atò ngà a mbì sàꞋàmèkěm, èwu ewe tà tɔ wanyɨ vi ane àkèghɨ̧̀ la, tà ko nê yea li ghǎ a èwet Satàn.

Ntu̧ Ntsɔ̧̀ MAK 7:15

Àghɨa ko a ntsě àa ndzəèà nàbȩ̂ è nyi ane wòt ntsòka atò a mbì Mbɔ̧ɔ̧mà la. Àghɨa àa ndzəa ètsəê wòt la, ka àa ntsòke tò la.”

Lûk 16:24

Tà tɔ nê, ‘Tǎt wa Abàlàghâm, ku tèsȩ taã, ntsàà a Lazalɔ̀s tà chɨꞋɨ̀ wakèti vi a èbem mèleb nɨŋ nkɨ̀Ꞌɨ̂ èfìî èlɨ̧ laã, na e ndâ ngu a èbem ngoꞋ a èbem èwet waa la’.

ÀfaꞋa 20:30

Àfɨ̀Ꞌ àko aa li nkùꞋ, bòt ko e lɔ̀Ꞌɔ a kètsìà wɨ̧ fɨte mènəè è shu mbɨ̀Ꞌɨ̀ etsòkè àtsəa bɔkatè Yesò bu.

ÀfaꞋa 5:3

Pità bììte a Ànàniàs nê, “Ànàniàs, ghǎ ghɨ̂ ka a ghɨ̀ Satàn nyi a èntɨ̧ɨ̧ wê, tè ngɨ̀ à làꞋà mèfà̧ abua Fo Kèfə, kwat tè ndò̧ àbəèꞋ ane èkab wu bɨ fɨ̧̀ɨ̧̀nè àdziꞋa si yu nɨŋ la à?

ÀfaꞋa 6:13

Mbɨ̀Ꞌɨ̀ bɔ ghà te ngu a lob èsaꞋa yu la, bɔ nɨ bòt ko nê bɔ̀ kɨꞋɨ ndzì mènəè àtsəa tò. Bòt ngaa e kɨꞋɨ nê, “Mbê waa bê nge tàa ntsèka ndàꞋà mènəè kàbɔ̀ŋ adù̧ lob nɨ̧ Mbɔ̧ɔ̧mà yu Jèlusalèm bàa ntsàꞋtà tò a èbèm la, mè nè mbɨ̧ tu Mbɔ̧ɔ̧mà ghɨ̂ Musì tsaa abua ya la.

Tȩtɔ̀s 1:11

Bòt bu àtsəa bòt Yesò la e bɔ̂ ndɨ bɔ̀ɔ ghɨ̌ bèŋût aa kate mètsəê mɔb la, nkàà nê bɔɔ̀ ngèèba ntsòkà lobte bòt, nyɨ̀Ꞌta awɔb mènəè bɔ ghɨ bɔ̀ ka wu nyɨꞋte la. Bɔɔ̀ nyɨ̀Ꞌta mènəè maa anè ngua nkɨà wuê èkab, ale nko nê bɔ loà mèkù mɔb.

Jimsì 2:7

Tè è ntsě bɔ̀ɔ̀ba ka bɔ̀ɔ ndàꞋa kàbɔ̀ŋ adù̧ èlen Yesò Klistò lu bòt àa ntɔ awɨ̧ ane lùà la à?

Jimsì 3:7

BetsiꞋa wɔ̀bȩ̂ ko njùu tèwuute banyaãbàꞋ tègème, bɔ̂ banɨ̧̀, nè nyaãtedzì nè basə, è wù àghɨa tà ghɨ̀ te ndɔ̀Ꞌ la.

2 Pità 3:3

Bɨ̀ bɨa ndzì àyaa a mèntɨ̧ɨ̧ mɨ̧ nê, naa li ngu àfɨꞋa ngɔ̀ŋ tsìꞋa ndɨ̀à lìa la, bòt bɔ̀ɔ nkɨ me ghɨ̀ wuê èghɨ mbɨ̧te ènyit tèa nkɨà la aa kɨꞋɨ e me wȩ̀ȩ̀tè àwɨ̧.

3 Jɔ̌n 1:10

Maa me ghɨ̀ tê nkɨ̀Ꞌɨ̂, ka ndɔ̀kè mènəè ègème tà ghɨ̀ la, fɔ̀ɔ̀le ne èbɨꞋte ènəê tà shu ane yaã, nè mèfà̧ tàa ndàꞋà la. Eyaa ntsě ndàꞋà mènəè tàa ngɨ̀à la. Bɔnyɨ ba àa ngɨ̀ bɔ̀ kɨꞋɨ, tà kà sèè awɔb, mè me kele fɔ̀ɔ̀la bòt bu nkɨ esèe àwɔb la, tè fəèà àwɔb a èbem chɔsì.

Ètsə 12:9

Bɔ ghɨ̀ ale, màꞋà taꞋà dlagɔ̀n wu a sitsǎꞋ. Wu dlagɔ̀n wu è li ndzaŋe wu bɔ̀ɔ ntɔ ane fɔ̧̀ fote kàbɔ̀ŋ nè Satàn la, tà mè me fɨte bòt ngɔ̀ŋ bàgème la. Bɔ li màꞋà atò a sitsǎꞋ bɔ̂ bɔntu̧ bi.

Ètsə 13:14

Tà nɨ ngɨŋa mènəè mu bɔ sa atò nê tà ghɨa a mbì nyà̧mɔ̀Ꞌ mbì yu la, nɨŋ fɨ̀te bòt sitsǎꞋ bàgème. Nyà̧mɔ̀Ꞌ yu ghɨ̀ bɔ kɔ̧ wamâlem kǒ bɔ̀ɔ me nɨa ngùꞋtà nyà̧mɔ̀Ꞌ mbì yu bɔ li nɨ nyi ndzì fɨŋ ane tò, tà bɔ mbèle yû̧ la.

Ètsə 18:23

ÈkaꞋà è ka li tsi e beꞋe abot a, bɔ̀ ka wu tsi e li zə àtɔŋ ndzà bɔ̂ lu̧ vi. Bòt bɔ li ngua nta èwen bɨ tò ba la li ngu bòt kekweelè a sitsǎꞋ, à mè nɨ tèkàŋ tê nɨŋ fɨ̀te bòt ngɔ̀ŋ bàgème.

Ètsə 19:20

Bɔ nù ale mbà̧aã nyà̧mɔ̀Ꞌ yu mbɨ̀Ꞌɨ̀ àbùꞋ a èbet, mè baãaã ndàꞋàtɔŋ fɨ̀te wu tà li ngua ngɨ̀à mènəè ngɨŋa a mbì tò fɨ̀ta bòt la. Tà li ngua fɨ̀ta bòt bu bɔ bɔ àlȩê nyà̧mɔ̀Ꞌ yu ane yɔb, mè me kukte a wamâlem tò wu la. Bɔ ghɨ̀ ale, màꞋà nyà̧mɔ̀Ꞌ yu bɔ̂ ndàꞋàtɔŋ fɨ̀te wu èyu̧ a èbem èwet ko àa mbɨ̀Ꞌɨ̀ èlemè nkòòla nè èkem adù̧ la.