Jimsì 2:8 - Mundani

⁸ È wu nê bɨà nchɨɨma ngɨ̀à àghɨa mbɨ̧ Kèfɔ̧̀ Mbɔ̧ɔ̧mà nàa shua la, mbɨ̀Ꞌɨ̀ Àkata Mbɔ̧ɔ̧mà a nyɨꞋte la nê, “Me kɔ̀ŋkè wanyɨ wè mbɨ̀Ꞌɨ̀ àwɔ̀ mbɔŋ”, ko bɨà ngɨ̀à ntsɔ̧̀.

Jimsì 2:8 ပူးပေါင်းရင်းမြစ်များ

Matìù 22:39

Mbɨ̧ è kɨꞋɨ akwèn la nàà mbɨ̀Ꞌɨ̀ yùà, ‘Me kɔ̀ŋke wanyɨ wê mbɨ̀Ꞌɨ̀ àwɔ̀ mbɔŋ.’

Matìù 25:21

“Tǎt àfàꞋ wu shu abua tò nê ‘E wu la, à wu ngule wafàꞋ àa ngɨ̀à àfàꞋ àyê ntsɔ̧̀ la. Mbɨ̀Ꞌɨ̀ à baãaãte àdziꞋ èkab wàa ntsɔ̧̀ la, maa tsia wê àtsəa èghɨ nyaŋ. Nyi a lob ba nè è fɔte ngùꞋtè àwa.’

Matìù 25:23

“Tǎt àfàꞋ wu shu abua tò nê ‘E wu la, à wu ngule wafàꞋ àa ngɨ̀à àfàꞋ àyê ntsɔ̧̀ la. Mbɨ̀Ꞌɨ̀ à baãaãte àdziꞋ èkab wàa ntsɔ̧̀ la maa tsia wê àtsəa èghɨ nyaŋ. Nyi a lob ba nè efɔte ngùꞋtè àwa.’

Matìù 7:12

Ale, àghɨa àa nkɨà nê bòt è ghɨ̌ abua yê la, ghɨ̌ abua yɔb mɨ̧̂, nkàà nê eyaa wu àghɨa mbɨ̧te Musì nè bèndàꞋàtɔŋ Mbɔ̧ɔ̧mà e shuà la.

Lûm 13:10

Wòt me kɔ̀ŋkè wanyɨ vi ko tà ka ghɨa kàbɔ̀ŋ ane tò a. Ale, wòt nàa me kɔ̀ŋkè wanyɨ vi tà wua ngɨ̀à àghɨ àgème mbɨ̧ kɨà la.

Gàlashìà 5:14

Bɔ fete mbɨ̧tsə tègème a èbem èngà̧ waa wemɔꞋ la nê, “Me kɔ̀ŋkè wanyɨ wè mbɨ̀Ꞌɨ̀ àwɔ̀ mbɔŋ.”

Gàlashìà 6:2

Bɨ̀ me ŋeꞋe ètoole bɔnyɨ bɨ̧ nɨ̀a nyɨ̀Ꞌta nê bɨa ngɨ̀à mbɨ̀Ꞌɨ̀ mbɨ̧ Yesò Klistò shu la.

Filìpȩ 4:14

Mâ batè ndàꞋ anè, mbɔ̂ ntaꞋa kɔ̀ŋkè àwɨ̧ ndɨ̀ wu bɨ tɨŋe am àfɨ̀Ꞌ yaa è ngu a ngoꞋ la.

1 Tèsàlonikà 4:9

Ba bakà tsi mbɔ̌ ndɨ bàa mě eshɨ àkatè abua yɨ̧ eshu awɨ̧ ndɨ bɨ̀a me kɔ̀ŋkè bɔnyɨ bɨ̧ bòt Yesò la. Mbɔ̧ɔ̧mà zìambɔŋ è nyɨꞋte awɨ̧ ndɨ bɨ̀a me kɔ̀ŋkè bɔnyɨ bɨ̧ la.

Jimsì 1:25

Ka wòt me zə wuê ngule mbɨ̧ Yesò yu è fete mbɨ̧tsə tègème la, e yu nàa ndzàà wɔ̀bȩ̂ sà la, nkù̧ù̧ta wuê yùà, tà kà zə e bê lèène, mbɔ̂ me ghɨ wuê mbɨ̀Ꞌɨ̀ è shua la, ko Mbɔ̧ɔ̧mà naa li lɔ̀ɔ̀le atò ane àghɨa tàa ngɨ̀à la.

Jimsì 2:12

Bɨa me làꞋa mè ngɨ̀à mènəè bɨ ko nê, bɔɔ li nɨ mbɨ̧ yu nàa ndzàà bòt sà la ka enɨ saꞋa awɨ̧.

Jimsì 2:19

Bɨ bɨ̧ɨ̧ne nê Mbɔ̧ɔ̧mà nàà wemɔ̀Ꞌ ale nko nê bɨ ghɨ ntsɔ̧̀. Ka wuê fote kàbɔ̀ŋ tè bɨ̧ɨ̧ne ayɔb mɨ̧̂, tè me benta mbɔ̀ɔ.

Jimsì 4:11

Bɔnyɨ bɔ̧, bɨ̀ ka me làꞋà kàbɔ̀ŋ adù̧ bɔnyɨ bɨ̧. Wòt me làꞋà kàbɔ̀ŋ adù̧ wanyɨ vi kò saꞋa atò leꞋ, tà ko nê ye wua ndaꞋa kàbɔ̀ŋ ane mbɨ̧ mè ngua saꞋa mbɨ̧ mbɔŋ. À me saꞋa mbɨ̧, à ko nê yea kà ghɨ mbɨ̀Ꞌɨ̀ mbɨ̧ mbɔŋ kɨa la, a bê nko nê ye tsiꞋa wòt tàa sàꞋa mbɨ̧ saꞋa la.

1 Pità 2:9

Ka bɨ wu bòt Mbɔ̧ɔ̧mà làà la, mè ngu bɔɔntɔꞋ Mbɔ̧ɔ̧mà bɔ̀ɔ ngɨ̀à mènəè tò la. Bɨ wu ngule àlaꞋ a Mbɔ̧ɔ̧mà, ale bɨ wu bòt Mbɔ̧ɔ̧mà. Tà tsì àwɨ̧ a èbem ndzěm nɨŋ nkɨ̀Ꞌɨ̂ a èbem èkaꞋà vi wu e ghe la, mbɨ̀Ꞌɨ̀ bɨa me làꞋà ànəa èghɨ bu ègème tàa ngɨ̀à, è wù èghɨ e ghe la.