Jimsì 2:5 - Mundani

⁵ Ngule bɔnyɨ bɔ̧ bɨ̀ zə, Mbɔ̧ɔ̧mà tɔ bòt bu bɔ̀ wu bòt ntseb a ngɔ̀ŋ ŋaa la, ngɨ̀ bɔ tsiꞋi ngule bòt, nkàà èntɨ̧ɨ̧ wu bɔ zi ane Yesò la, mè ngɨ̀ bɔ jɨa àbȩ̀ kèfɔ̧̀ wu tà kàꞋa bòt bu bɔ̀ɔ nkɔ̀ŋkà àvi la.

Jimsì 2:5 ပူးပေါင်းရင်းမြစ်များ

Matìù 11:5

Bòt àghɨ àleme e ye èdziꞋ, bòt èka bɔb e ŋɔꞋte la, e lɔ̀Ꞌ tè ntsìꞋa ngȩ̀ȩ̀nà ndɨŋndɨ̀ŋ, bòt àghɔ̧atsɔꞋɔ e pem, mbûꞋtsə te zə èdziꞋ, bèmpfəà be yu̧u̧mè, bɔ mè tsɔ̀tè Ntu̧ Ntsɔ̧̀ Mbɔ̧ɔ̧mà abua bòt ngoꞋ.

Matìù 25:34

“ÀfɨꞋa mbɔŋ ko fɔ̧̀ wu naa shu abua bòt bu àbâ àbualu̧ zi la nê ‘Bɨ̀ kɨꞋɨ, bɨ̀a wu Tǎt am èlɔ̀ɔ̀lè àwɨ̧ la, njɨ̀a kèfɔ̧̀ wu bɔ li ntàŋke abua yɨ̧ a me mbùꞋu ngɔ̀ŋ la.

Matìù 5:3

“Ntsɔ̧̀ wu bòt bu bɔ ko nê, bɔ wu bòt mbuŋ a mbì Mbɔ̧ɔ̧mà la. Kèfɔ̧̀ Mbɔ̧ɔ̧mà wu abua yɔb.

Ntu̧ Ntsɔ̧̀ MAK 7:14

Ale, Yesò mè ntɔ ènɔ̧̂ bòt bu shu abua yɔb nê “Bɨ̀ zə am bɨ̀agème, à nyi àtsəa yɨ̧ ntsɔ̧̀!

Lûk 12:21

Yesò me paa èngǎ̧ vi nê, “Eyaa ndɨ àa li wu ane wòt ègème tàa fèta èghɨ nyaŋ mpàŋa abua zi zìambɔŋ a sitsǎꞋ ŋàa, ka mbɔ̂ ngu wòt ntseb a mbì Mbɔ̧ɔ̧mà la.”

Lûk 12:32

“Bɨ̀ ka mbɔ̌, bɨ̀a wu bɨ̀ wu mbɨ̀Ꞌɨ̀ àlaã njɨ̀tsə kà ye mètàŋ mɔb la, nkàà nê aà mbɔ̀ a tǎt wɨ̧ a màngɨa bɨa tsiꞋi bèfɔ̧̀ mbɨ̀Ꞌɨ̀ tòà.

Lûk 16:22

“Àfɨ̀Ꞌ a me wu, wòt ntseb wu pfə, bɔntu̧ Mbɔ̧ɔ̧mà e kɨꞋɨ̀ ŋèꞋe atò nɨŋ ngà a ngèt Abàlàghâm. Wòt èkab wu tseke tè mpfəè àzi mɨ̧̂, bɔ tu atò.

Lûk 16:25

“Abàlàghâm nê, ‘Waã am, è li ngu àfɨ̀Ꞌ yu à bele a ngɔ̀ŋ la, à bɔ̀ èghɨ ntsɔ̧̀ ègème, ka Lazalɔ̀s wu ane ngoꞋ. Ka nè àfɨ̀Ꞌ yaa, tà wu ane mèntsèke ntsɔ̧̀, è me wu awê, à wu ane ngoꞋ.

Lûk 22:29

Ale, mbɨ̀Ꞌɨ̀ Tǎt am è yɔꞋ am ane Fɔ̧̀ la, wu ndɨ màa yɔꞋɔ awɨ̧ la.

Lûk 6:20

Yesò lɔ̀kè àvi shu abua bɔkatè bi bu nê, “Ntsɔ̧̀ wu bɨ̀a bòt mbuŋ, kèfɔ̧̀ Mbɔ̧ɔ̧mà wu abua yɨ̧.

Jɔ̌n 7:48

Tè bɨ ko wajûŋ kǒ, kò wòt kǒ ayɔɔ Bèfalèsiì tà zi èntɨ̧ɨ̧ vi ane tò la à?

ÀfaꞋa 7:2

Stifèn bɨ̀ɨ̀lè nê, “Bɔnyɨ bɔ̧ nè bètǎt bɔ̧, bɨ̀ yute èngǎ̧ am. Mbɔ̧ɔ̧mà wu ènɨ̧ tò e ghe la li saꞋa a mbì tǎt nyaꞋ wa Abàlàghâm, afɨꞋa tà li ngua ntsèka àlaꞋ a Mèsòpòtamìà ka li eghǎ me tseke àpfəèà nɨ̧ a Alàn la.

Lûm 8:17

Ndɨ̀ wu bà wu bɔ̧ Mbɔ̧ɔ̧mà la, baa li bɔ èghɨ ntsɔ̧̀ bu tà nɔ̀ŋe abua bòt bi la, mè ngu fɔte nê Yesò Klistò èbɔ èghɨ bu Mbɔ̧ɔ̧mà nɔ̀ŋe abua tò la. Mbɨ̀Ꞌɨ̀ bàa ndzèa ngoꞋ mbɨ̀Ꞌɨ̀ Yesò li ndze la, baa li bɔ ènɨ̧ tò mɨ̧̂.

1 Kɔlìn 2:9

Mbɨ̀Ꞌɨ̀ Àkata Mbɔ̧ɔ̧mà a shu la, “Àghɨa kà èghɨ e li mè ye, Nè àghɨa kà àtû̧ a li mè zə Nè àghɨa kà èntɨ̧ɨ̧ e li mè mɨ̀ɨ̀te, Wu àghɨa Mbɔ̧ɔ̧mà taŋke abua bòt bu bɔ̀ɔ nkɔ̀ŋkà tò la.”

2 Kɔlìn 4:15

Ba yea ngoꞋ anè mbɨ̀Ꞌɨ̀ bɨa jɨ àbȩ̀, mbɨ̀Ꞌɨ̀ bòt è me kwèꞋna ndzəa ntsɔ̧̀ Mbɔ̧ɔ̧mà ngà nè mbì, bòt bɔ̀ɔ me ŋǎ mèngùꞋte abua Mbɔ̧ɔ̧mà nɨa ndɔ̀kà èlen tò ntsaa a ègwet la e me yaã.

2 Kɔlìn 6:10

Ènyit ya aa ntsèka àfɨ̀Ꞌ àgème mbɔ̀ ka wuê àfɨꞋa bà wu ane tèsȩ la, ntsèka mbɨ̀Ꞌɨ̀ bòt ntseb, ka mbɔ̂ me ghɨ̌ bòt nyaŋ e zəa ntsɔ̧̀, mè ntsèka mbɨ̀Ꞌɨ̀ bòt kà bɔ àghɨ, mbɔ̂ mbɔ àghɨ àgème.

2 Kɔlìn 8:9

Bɨ ko ndɨ Yesò Klistò Lefɨ̀Ꞌ wa li nyɨ̀Ꞌte a ntsɔ̧̀ vi abua ya la. Tà li ngu wòt nè èghɨ bi, ka nga ambo yɨ̧ ntsìꞋi wòt kà ye àghɨa zi. Tà li ngɨ anè mbɨ̀Ꞌɨ̀ bɨa tsiꞋi bòt bɔ bɔ àyɔb la a mbì Mbɔ̧ɔ̧mà.

Efesɔ̀s 1:18

Maà ntsàꞋtà nê Fo tò neeta ngàꞋte ètsə bɨ̧, mbɨ̀Ꞌɨ̀ bɨa ko èghɨ bu Mbɔ̧ɔ̧mà tɔ awɨ̧ nê bɨ̀ me bɔ bɨ̀ wua nchɨ̀Ꞌà bùà la, mè nko ndɨ̀ èghɨ bu Mbɔ̧ɔ̧mà nàa ŋa abua bòt bu bɔ zì mèntɨ̧ɨ̧ mɔb ane Yesò la e ghe la.

Efesɔ̀s 3:8

Mâ batè nkuà nè kwèn tè ntse a tandiakwèn ane bòt Mbɔ̧ɔ̧mà, ka Mbɔ̧ɔ̧mà li nkɔ̀ŋkè am, ŋà am àfàꞋ yaa nê, è me tsɔ̀te Ntu̧ Ntsɔ̧̀ abua bòt kà wu Bèjuê shua awɔb ànəa èwuu èghɨ ntsɔ̧̀ bu Yesò Klistò nàa ŋǎ la.

1 Tèsàlonikà 2:12

Ba li ngua ndɔ̀ktà wɨ̧, ndzìà mèntɨ̧ɨ̧ mɨ̧, mè nkɨ̀ɨ̀ta wɨ̧ nê bɨ̀ me ghɨ̀ mènəè mɨ̧ wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu tòà tà tɔ awɨ̧ nê bɨ̀ kɨꞋɨ bɔ̂ nɨ̧̀ ba è fɔte ngu a èbem kèfɔ̧̀ vi nè ènɨ̧ vi la.

2 Tèsàlonikà 1:5

NgoꞋ yaa bɨ yea nyaŋ la bê nyɨ̀Ꞌta ndɨ Mbɔ̧ɔ̧mà nàa saꞋa bòt wuê mbɨ̀Ꞌɨ̀ bɔ bɔ ndɨ bɔ̀ɔ saꞋa wɔb la. Ale, bɨa li ekùꞋù èbe bɨa li ewu ne Mbɔ̧ɔ̧mà a kèfɔ̧̀ tò la, nkàà ngoꞋ tu te ye awɨ̧ la.

1 Tɔ̀màtià 6:18

Shu awɔb nê, bɔ̀ me ghɨ̀ mènəè ntsɔ̧̀, mè me nyɨꞋte ènɨ̧ wɔb ane àfàꞋa ntsɔ̧̀ yu bɔ̀ɔ ngɨ̀à la. Nê, bɔ̀ ka me kuꞋte àbu, bɔ̀ me ghàbtè èghɨ bɔb ŋǎ èbe bòt bu bɔ̀ɔ nkɨ̀ŋkà la.

2 Tɔ̀màtià 4:18

Mâ ko nê, Mbɔ̧ɔ̧mà wu naa tsì am a èbem èghɨ kàbɔ̀ŋ ègème, e mě mbaabe am tè maa ghǎ enyi a èbem kèfɔ̧̀ tò a ègwet. TsiꞋ mèngùꞋte wu abua tò àfɨ̀Ꞌ àgème! Àmèn.

2 Tɔ̀màtià 4:8

E bùꞋu àfɨ̀Ꞌ yaa, Mbɔ̧ɔ̧mà è nɔ̀ŋe àbȩ̀ am a ègwet ndɨ̀ wu màa ngɨ̀à àghɨa tàa nkɨà la. Tǎt wa Yesò wu èsaꞋa tò àa ndɨŋndɨ̀ŋ la, naa li e ŋa àbȩ̀ yaa abua am ane àli yu tàa li e mě ekɨꞋɨ la. Taa li e ŋa fɔ̀ɔ̀le abua bòt bu bàgème bɔ̀ɔ ndâ nchɨ̀Ꞌà mè nkɔ̀ŋkà e ye ndɨ tàa mě kɨꞋɨ la.

Ebùlù 11:26

Tà li nko nê ye tseka ane ngɨ̧̀ɨ̧̀nè nkàà ànəa Yesò Klistò, ko aa taꞋa bɔ̀ te ntsě ndɨ yea bɔ èghɨ ntsɔ̧̀ ègème a Ejìb la. Tà li ngɨ̀ anè nkàà nê èntɨ̧ɨ̧ tò e li ngu wuê ane àbȩ̀ yu tàa li lɔ̀Ꞌɔ ebɔ la.

Jimsì 1:12

Ntsɔ̧̀ wu wòt wu tàa nkùùla èntɨ̧ɨ̧ vi àfɨꞋa ngoꞋ la, nkàà nê tà kuula èntɨ̧ɨ̧ vi tè ngà ndìà ko taa bɔ mèmpème, è wu àbȩ̀ yu Mbɔ̧ɔ̧mà kàꞋa abua bòt bu bɔ̀ɔ nkɔ̀ŋkè atò la.

Jimsì 1:16

Ngule bɔnyɨ, bɨ̀ ka fɨte awɨ̧ bɨ̀ambɔŋ.

Jimsì 1:19

Ngule bɔnyɨ, bɨ̀ me ku̧u̧te èngà̧ waa nê, wòt ègème me yàŋa ndzəa ànəê, ka tà ka me làꞋa kwàla, tà ka mè me tsoo kwàla.

Jimsì 1:9

Wanyɨ wa wu tà wu wòt mbuŋ bòt e mè me waa tò la, wùꞋtè àvi na Mbɔ̧ɔ̧mà è ŋeꞋe a atò a ègwet la.

1 Pità 1:4

Mbɨ̀Ꞌɨ̀ àa ale la, ba tsiꞋa anè nchɨ̀Ꞌà èghɨ bu Mbɔ̧ɔ̧mà nɔ̀ŋe a ègwet abua bòt bi la. BetsiꞋa èghɨ mbɔŋ è ka bɨ, àghɨ à ka wuê etsòke, è ka meè ngu efəa.

2 Pità 1:11

tà mè ngu esèè awa ntsɔ̧̀ a kèfɔ̧̀ Lefɨ̀Ꞌ wa. Wu tòà tà wu Mpemnà wa la. Kèfɔ̧̀ tò naa wu ane àlia nè àlia.

Ètsə 2:9

Mâ koê ngoꞋte bɨ̀a ndzèa la, nè ntseb bɨ̀ wu a èbèm la, (ka ane nkûŋ) bɨ bɔ èghɨ nyaŋ. Mâ koê mɨ̧̂ ndɨ bòt bu bɔ̀ɔ fɨ̀ta nè bɔ wu Bèjuê, ka bɔ̀ ka wu bùà la, àa ndàꞋa kàbɔ̀ŋ ane èlen lɨ̧ la. Bɔ wu ènɔ̧̂ bòt Satàn.

Ètsə 21:7

Wòt tà nù tê ntsè la naa bɔ èghɨ bàagème, maa wu Mbɔ̧ɔ̧mà tò, tàa mě wu waã am.

Ètsə 3:18

Ale, mâ kɨɨte awɨ̧ nê bɨ̀ kɨꞋɨ abua am njû̧ a ngule goêl bɔ to̧ a èwet tè ndɔ̀tetsə te dzə adù̧ la, mbɨ̀Ꞌɨ̀ wu ndaŋe bòt èsi ntsɔ̧̀. Bɨ̀ kɨꞋɨ mɨ̧̂ njû̧ ndìte kèfə nkàbte mbɨ̧̀ tɨ̧, mbɨ̀Ꞌɨ̀ tea ghɨ̌ bɨa baka tsi mbɔ̀ àtsəa kɔꞋɔ. Bɨ̀ mě nkɨ̀Ꞌɨ̂ njû̧ èghɨbə ndzì àghɨ ayɨ̧ mbɨ̀Ꞌɨ̀ e me ye èdziꞋ ntsɔ̧̀.