Jimsì 2:21 - Mundani

²¹ Ka mâ ye nê, tǎt wa Abàlàghâm li nyɨ̀Ꞌte nè ye tɨ̧ɨ̧ ndɨŋndɨ̀ŋ e mbì Mbɔ̧ɔ̧mà nkàà àfàꞋ àzi, àfɨꞋa tà li nɨ̀ waã vi Asàk nɔ̀ŋè àdziꞋa màŋa èghɨ abua Mbɔ̧ɔ̧mà, ŋa tò mbɨ̀Ꞌɨ̀ nkɔ̀Ꞌ èpɨ̧̀ la à?

Jimsì 2:21 ပူးပေါင်းရင်းမြစ်များ

Matìù 12:37

Bɔɔ li nɨ èngǎ̧ wòt ka ye nê tà jɨ kò tà kwene esaꞋa leꞋ.”

Matìù 3:9

Bɨ̀ ka me ŋeꞋe awɨ̧ a ègwet è shua nê, Abàlàghâm wu tǎt nyaꞋ wɨ̧. TsiꞋ e shua wɨ̧, Mbɔ̧ɔ̧mà è bɔ ètɨ̧̂ egheble àti yaa e ghɨ̌ aa tsiꞋi bòt àndǎ̧ Abàlàghâm.

Lûk 1:73

Tà lè zì nkà̧ a mbì tǎt nyaꞋ wa Abàlàghâm nê,

Lûk 16:24

Tà tɔ nê, ‘Tǎt wa Abàlàghâm, ku tèsȩ taã, ntsàà a Lazalɔ̀s tà chɨꞋɨ̀ wakèti vi a èbem mèleb nɨŋ nkɨ̀Ꞌɨ̂ èfìî èlɨ̧ laã, na e ndâ ngu a èbem ngoꞋ a èbem èwet waa la’.

Lûk 16:30

“Wòt èkab wu mè nê, ‘ÀwɔꞋ a tè Abàlàghâm, wòt bakà lɔ̀Ꞌɔ adzìꞋa bèmpfəà yaa te gha shu awɔb, ko bɔ ka kubte mènəè kàbɔ̀ŋ mɔb a.’

Jɔ̌n 8:39

Tà làꞋ ale bɔ bɨ̀ɨ̀lè èngǎ̧ tò nê, “Tǎt nyaꞋ wa wu Abàlàghâm.” Yesò mè shu abua yɔb nê, “Bɨ ghɨ̀ ale ndâ ngu bɔ̧ Abàlàghâm ko bɨa ngɨ̀à àghɨa Abàlàghâm li ngua ngɨ̀à la,

Jɔ̌n 8:53

Aà ale ngu nê, à tsea tǎt wa Abàlàghâm, bɔ̂ bèndàꞋàtɔŋ Mbɔ̧ɔ̧mà bu be li mpfəèꞋte la à? Àa mɨ̀ɨ̀tà nê à wu wà à?”

ÀfaꞋa 7:2

Stifèn bɨ̀ɨ̀lè nê, “Bɔnyɨ bɔ̧ nè bètǎt bɔ̧, bɨ̀ yute èngǎ̧ am. Mbɔ̧ɔ̧mà wu ènɨ̧ tò e ghe la li saꞋa a mbì tǎt nyaꞋ wa Abàlàghâm, afɨꞋa tà li ngua ntsèka àlaꞋ a Mèsòpòtamìà ka li eghǎ me tseke àpfəèà nɨ̧ a Alàn la.

Lûm 3:20

Wòt kǒ Mbɔ̧ɔ̧mà nàa nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li nkàà ndɨ ŋut ghɨ̀ àghɨa mbɨ̧ nàa shua la, è ntsě, nkàà nê àghɨa mbɨ̧ nàa ngɨ̀à la wu a mànyɨꞋta wa nê baa ghɨa kàbɔ̀ŋ.

Lûm 4:1

Bàà wu ane laꞋ nê ghàà? Nê Abàlàghâm wu tà wû tǎt nyaꞋ bòt ba la li ndze ànəê yaa zìambɔŋ naa?

Lûm 4:12

Tà mè ngu tǎt bòt bu bɔ̀ɔ nàŋe awɔb la, kà wu bòt bu bɔ naŋe awɔb wuê a mànaŋe la. Bɔ̀ɔ̀ba wu bɔ zi mèntɨ̧ɨ̧ mɔb ane Mbɔ̧ɔ̧mà wuê mbɨ̀Ꞌɨ̀ tǎt nyaꞋ wa Abàlàghâm li ndzì vi ka bɔɔ li nàŋe atò la.

Lûm 4:16

Mbɔ̧ɔ̧mà li ngɨ̀ ale mbɨ̀Ꞌɨ̀ wòt zì èntɨ̧ɨ̧ vi ane Mbɔ̧ɔ̧mà ka tà bɔ̀ àghɨa tà li nkàꞋ la, mbɨ̀Ꞌɨ̀ mě nyɨꞋte nê tàa nɨa a ntsɔ̧̀ vi ka ŋa àghɨa tà kàꞋà la abua wòt ègème tà dzə àndǎ̧ Abàlàghâm la. Àyaa a ntsě wuê abua bòt bu bɔ̀ɔ nɔ̀ŋà mbɨ̧ la, a wu abua bòt bu bɔ zi mèntɨ̧ɨ̧ mɔb ane Mbɔ̧ɔ̧mà la mɨ̧̂, mbɨ̀Ꞌɨ̀ Abàlàghâm li ndzì è vi la. Abàlàghâm wu tǎt bòt Mbɔ̧ɔ̧mà bàgème,

Ebùlù 11:17

Èntɨ̧ɨ̧ wu Abàlàghâm li ndzi ane Mbɔ̧ɔ̧mà la e li ngɨ̀ tà ŋa Asàk afɨꞋa Mbɔ̧ɔ̧mà li nyɔꞋta tò la, tòà wu tà li mbɔ̀ mènkàꞋa mu la tsiꞋa nkɨ kɨ̧ɨ̧me ndàꞋ waã vi,

Jimsì 2:18

Wòt kǒ naa laꞋnê, “A zi èntɨ̧ɨ̧ wê ane Mbɔ̧ɔ̧mà, e me fàꞋa èfaꞋa ntsɔ̧̀.” À bɨ̀ɨ̀lè am wu nê “NyɨꞋte am èntɨ̧ɨ̧ wu à zi ane Mbɔ̧ɔ̧mà la, è nɨ èfaꞋa ntsɔ̧̀ bɔ̧ nyɨ̀Ꞌte awê èntɨ̧ɨ̧ wu mâ zi ane Mbɔ̧ɔ̧mà la.”

Jimsì 2:24

Bɨ ye àfɨ̀Ꞌ yaa nê, àfaꞋa wòt aà nyɨ̀Ꞌta nê tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà kà wu wuê màndzia èntɨ̧ɨ̧ ane Yesò.