Jimsì 2:20 - Mundani

²⁰ Àkèghɨ̧̀a wɔ̀bȩ̂, àà nkɨà nè è nyɨꞋte awê nê wòt zìà èntɨ̧ɨ̧ vi ane Mbɔ̧ɔ̧mà tè àfaꞋa tò a bakà wua nyɨ̀Ꞌta, èntɨ̧ɨ̧ mbɔŋ wu àku?

Jimsì 2:20 ပူးပေါင်းရင်းမြစ်များ

Lûm 1:21

Bɔ li mbàte nko nê Mbɔ̧ɔ̧mà nàà və, ka bɔ̀ ka ŋa kènuke abua tò mbɨ̀Ꞌɨ̀ Mbɔ̧ɔ̧mà, bɔ̀ ka mě nkɔ̀ŋkè atò ane àghɨa tà ghɨ̀ la. Ale, mèmɨ̀ɨ̀te mɔb è tsìꞋi àku, bɔ̀ ka meè nko àghɨa Mbɔ̧ɔ̧mà li ngua nkɨa nê bɔ̀ ko la.

Lûm 3:28

Baa ko nê wòt nàa ngɨ̀ tà zi èntɨ̧ɨ̧ vi ane Yesò, ka Mbɔ̧ɔ̧mà nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, è ntsě a màngɨa èghɨ bu mbɨ̧ nàa shua la.

Lûm 9:20

Àwɔ̀ wɔ̀bȩ̂ àa shua anè nko nê yè wu wàa evəèəè èngà̧ a ètsəê Mbɔ̧ɔ̧mà à? Tè betsiꞋa àghɨa wòt ghɨ̀ ane èbu la a shu abua tò wu tà ghɨ̀ la nê, “À ghɨ̀ na ka ngɨ̀ am anè à?”

Gàlashìà 5:6

Ndɨ̀ wu bà wu bòt Yesò Klistò la, ba bakà tsi mbɔ̌ ndɨ bàa me lȩ̂ nê bɔ naŋe wòt kò bɔ bakà nàŋe atò leꞋ la. Àghɨa bɔ kɨa la wu èntɨ̧ɨ̧ wu wòt zi ane Yesò Klistò la, e wu bɔ̀ɔ ndzèa ane èkɔŋ wu ŋut bɔ ane bɔbȩ la.

Gàlashìà 6:3

Wòt me mɨ̀ɨ̀te nê ye wu àghɨa ko, kà lem ngu àghɨ, tà wua fɨ̀ta avi zìambɔŋ.

Kɔ̀losìà 2:8

Bɨ̀ me ko awɨ̧ mbɨ̀Ꞌɨ̀ ka wòt kǒ nɨ mèmɨ̀ɨ̀te àkû mu nàa fɨ̀ta bòt la ngɨ̀ bɨ tsiꞋi èbùꞋ. Èwuu mèmɨ̀ɨ̀te maa dzə ane èghɨ bu bɔbȩ àa nyɨ̀Ꞌta nê bòt è me ghɨ̀ la, mè ndzə abua fo tu tèa mbǎ̧ ngɔ̀ŋ yaa la. Mènəè mbɔŋ ka dzə abua Yesò Klistò.

1 Tɔ̀màtià 1:6

Bòt ko e lùùlà mènəè ntsɔ̧̀ maa, ngà nyɔ a èbem mèngǎ̧ èkèghɨ̧̀.

Tȩtɔ̀s 1:10

Bòt ko nyaŋ aà və bɔ̀ɔ ŋàa àtsə àsaa, bɔ̀ ka bê ngùa ndzəèa ànəê, mè me nɨ mèngǎ̧ àkû èfɨ̀ta bòt ko la. Bɔɔ̀ ndzea àya nyaŋ ane Bèjuê bu ayɔɔ yɔb bɔ̀ɔ ŋwèèlà shua wuê nê bɔ naŋe wòt ka tà wu wòt Mbɔ̧ɔ̧mà la.

Jimsì 1:26

Wòt mɨ̀ɨ̀tè nê ye wu wòt Mbɔ̧ɔ̧mà, ka mbakà wua mbà̧aã èlɨ̧ li, tà ko nê ye fɨte avi zìambɔŋ, me tò nè mènkǒ Mbɔ̧ɔ̧mà wu àku.

Jimsì 2:17

Eyaa bê ngu wuê ndɨ wòt zìà èntɨ̧ɨ̧ vi ane Mbɔ̧ɔ̧mà, tè mbakà wua nyɨ̀Ꞌta wua ane àfàꞋ àzi, tà ko nê èntɨ̧ɨ̧ mbɔŋ wu àpfəꞋte la.

Jimsì 2:26

Ale, mbɨ̀Ꞌɨ̀ ndɨ mbɨ̧̀ ènyit kà ye fo wu àpfəꞋte àghɨ la, wu wuê a èlɨ mbɔŋ wòt zìà èntɨ̧ɨ̧ vi ane Mbɔ̧ɔ̧mà ka mbàkà wua fàꞋà mbɨ̀Ꞌɨ̀ Mbɔ̧ɔ̧mà kɨa la èntɨ̧ɨ̧ mbɔŋ e wu àpfəꞋte mɨ̧̂ la.