Jimsì 2:14 - Mundani

¹⁴ Bɔnyɨ bɔ̧, wòt nê ye zi èntɨ̧ɨ̧ vi ane Mbɔ̧ɔ̧mà, ka àfaꞋa tò a bakà wua nyɨ̀Ꞌta èlɨ mbɔŋ, àbȩ̀ wu ghà à? Tè betsiꞋa èntɨ̧ɨ̧ mbɔŋ e ghɨ̀ tà bɔ̀ mèmpème?

Jimsì 2:14 ပူးပေါင်းရင်းမြစ်များ

Matìù 5:20

Ka e ngua shua wɨ̧ nê bɨ bakà ghɨ àghɨa Mbɔ̧ɔ̧mà nàa nkɨà la, te tse bènyɨꞋtà mbɨ̧te Musì nè Bèfalèsiì, ko bɨ̀ ka li nyi a kèfɔ̧̀ Mbɔ̧ɔ̧mà à.

Lûk 3:11

Tà bɨ̀ɨ̀lè nê, “Wòt bɔ ndǐtemàꞋa tebe, tà ŋa yemɔ̀Ꞌ abua wòt kà bɔ ka yemɔ̀Ꞌ. Wòt bɔ èghɨjɨ, tà ghàbtè abua bòt ndzìtsə.”

Lûk 6:49

Ka waa waa tà zə mèngǎ̧ mɔ̧ tà kà ghɨ mbɨ̀Ꞌɨ̀ nàa shua la, wu mbɨ̀Ꞌɨ̀ wòt tà lè kuule lob zi kà bê mbɔ̧̀ àtetsi la. Èdzî e tsekè tè ndu̧ nkɔꞋ ndèbè lob mbɔŋ è bê nkwèà nchu a si kà tàktè tè ndàŋkè a si.”

ÀfaꞋa 15:9

Tà li nyɨ̀Ꞌte nê ba tò ba e tsiꞋi àghɨ yeamɔꞋ, ndzòò mèntɨ̧ɨ̧ mɔb, ndɨ̀ wu bɔ zì mèntɨ̧ɨ̧ mɔb ane Yesò la.

ÀfaꞋa 8:13

Simùn wu mɨ̧ bɨ̧ɨ̧nè èngǎ̧ Filìb, tà zì atò a èdzî mɨ̧̂, mbùꞋ me ghȩ̀ȩ̀nè bɔ̂ Filìb. Mbɨ̀Ꞌɨ̀ bɔ̀ɔ ngȩ̀ȩ̀nà la, Filìb wu ghɨ̀ tèwuute ènəê kà ye fɨ̀Ꞌ nè ngɨŋa mènəè tè a bê ntsè atò.

ÀfaꞋa 8:21

À bakà bɔ ànəê ane àfàꞋ yaa, nkàà nê èntɨ̧ɨ̧ wê e ntsě ndɨŋndɨ̀ŋ e mbì Mbɔ̧ɔ̧mà.

Lûm 2:25

Bɔ naŋa wòt e nɨ nyɨꞋte nê tà wu wòt Mbɔ̧ɔ̧mà, ko wu ànəa ntsɔ̧̀, na tà me ghɨ̀ àghɨa mbɨ̧ yu Mbɔ̧ɔ̧mà li ŋa abua Musì la nàa shua la. Ka wòt bakà wua ngɨ̀à mbɨ̀Ꞌɨ̀ mbɨ̧ è shu la, ko mànaŋa ŋut bê ngu àku.

1 Kɔlìn 15:2

Wu Ntu̧ Ntsɔ̧̀ yaa nàa ghɨ̌ bɨa pema la na bɨ baãaã èngà̧ wu e ndi ndaꞋa abua yɨ̧ la me kweele adù̧ la. E bakà wu li ghɨ̌ bɨa peme, ko bɨ li mbɨ̧̀ɨ̧̀ne wùà àku.

1 Kɔlìn 16:22

Wòt bakà wua nkɔ̀ŋkà Lefɨ̀Ꞌ, ndɔ̀ nɔ̀ŋke àtsəa tò. Lefɨ̀Ꞌ wa, kɨꞋɨ!

Gàlashìà 5:13

Bɔnyɨ bɔ̧, Fo Mbɔ̧ɔ̧mà tɔ awɨ̧ nê bɨ̀ ka tsi mbɨ̧̀ɨ̧̀ne èbùꞋ abua mbɨ̧te Musì, wuê nê bɨ̀ ka nɨ àyea mbɔŋ mbɨ̀Ꞌɨ̀ alu̧ a màngɨa àghɨa mbɨ̧te ènyit tɨ̧ tèa nkɨà la, ka bɨ̀ me kɔ̀ŋkè bɔnyɨ bɨ̧ mbɔ̂ ntɨ̀ŋe awɔb.

Gàlashìà 5:6

Ndɨ̀ wu bà wu bòt Yesò Klistò la, ba bakà tsi mbɔ̌ ndɨ bàa me lȩ̂ nê bɔ naŋe wòt kò bɔ bakà nàŋe atò leꞋ la. Àghɨa bɔ kɨa la wu èntɨ̧ɨ̧ wu wòt zi ane Yesò Klistò la, e wu bɔ̀ɔ ndzèa ane èkɔŋ wu ŋut bɔ ane bɔbȩ la.

1 Tèsàlonikà 1:3

Bàa ngɨ̀ baa me ku̧u̧te mènəè mu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la. Baa nkù̧ù̧ta mɨ̧̂ ndɨ bɨ taꞋa wua fàꞋà nkàà nê bɨ̀a nkɔ̀ŋkà tò la, mè me ku̧u̧te ndɨ bɨ nɔ̀ŋe ntɨ̀ yɨ̧ ane Yesò Klistò Lefɨ̀Ꞌ wa la.

1 Tɔ̀màtià 1:5

E shua nê kele awɔb anè mbɨ̀Ꞌɨ̀ bɔɔ me kɔ̀ŋkè bɔnyɨ bɔb nè èntɨ̧ɨ̧ kà wua fèèlè àwɔb, mè me ghɨ̀ wuê èghɨ bɔ ko nê e kùꞋù la, mè me nèèta ndzìà mèntɨ̧ɨ̧ mɔb ane Mbɔ̧ɔ̧mà.

1 Tɔ̀màtià 4:8

Wòt me nyàbtè ènyit zi, à ka bɨ, ka wòt me taŋke avi e me ghɨ̌ àfàꞋa Mbɔ̧ɔ̧mà, àyea ngaa a bɔ̀ŋ ntsè àghɨ àgème, nkàà nê betsiꞋa a tɨŋe a ŋut ane mèntsèke atò a ngɔ̀ŋ ŋaa, mè ngu etɨŋe atò taa bɔ mèmpème kàlìà.

Tȩtɔ̀s 1:16

Bɔ̀ɔ ngɨ̀ bɔ me shu nê, bɔ ko a Mbɔ̧ɔ̧mà ka èghɨ bɔ̀ɔ ngɨ̀à la e me nyɨꞋte nê bɔ bakà ko atò. Bèŋût e bê ngɨ̀ àtsəa kekweelè nge, mènəè mɔb mè mbɨ̀ɨ̀ nenkèm, tè ntsɔ̧̀ kà tsi ngu ane yɔb.

Tȩtɔ̀s 3:8

Èngà̧ waa mâ laꞋa la wu nkûŋ. Maà nkɨà nê, neeta èsèntè mènəè maa mbɨ̀Ꞌɨ̀ bòt bu bɔ zì mèntɨ̧ɨ̧ mɔb ane Mbɔ̧ɔ̧mà la aa zì àtsə me ghɨ̀ mènəè ntsɔ̧̀. Mènəè maa nàà mbɔ̀ mè ntàꞋa wua ntɨ̀ŋa bòt.

Ebùlù 11:17

Èntɨ̧ɨ̧ wu Abàlàghâm li ndzi ane Mbɔ̧ɔ̧mà la e li ngɨ̀ tà ŋa Asàk afɨꞋa Mbɔ̧ɔ̧mà li nyɔꞋta tò la, tòà wu tà li mbɔ̀ mènkàꞋa mu la tsiꞋa nkɨ kɨ̧ɨ̧me ndàꞋ waã vi,

Ebùlù 13:9

Bɨ̀ me ko mbɨ̀Ꞌɨ̀ bɔ nɨ mèngǎ̧ è kubte ane Ntu̧ Ntsɔ̧̀ Mbɔ̧ɔ̧mà la ntsòkè ètsə bɨ̧. Aà mbɔ̀ nê tsiꞋ è wu ntsɔ̧̀ Mbɔ̧ɔ̧mà wu tàa nyɨ̀Ꞌta abua ya la ka nàa ntɨ̀ŋa ngɨ̀à mèntɨ̧ɨ̧ ma kweelà la. È ka ngu mbɨ̧tsə ane ànəa èghɨjɨ kà wua ntɨ̀ŋa bòt bu bɔ̀ɔ nɔ̀ŋà mbɨ̧te mbɔŋ la.

Jimsì 1:16

Ngule bɔnyɨ, bɨ̀ ka fɨte awɨ̧ bɨ̀ambɔŋ.

Jimsì 2:16

wòt kǒ ane yɨ̧ shu abua tò nê, “Ghȩ̀ȩ̀ne ntsɔ̧̀, fo ka mbà̧à̧te awê, ndzitsə tè ka nkùà wê.” Tè tà shu ale ka mbakà ŋa èghɨ bu ŋut kɨ̀ŋkà la, tà ko nê ye ghɨ̌ ka ànəa ntsɔ̧̀ à?

Jimsì 2:18

Wòt kǒ naa laꞋnê, “A zi èntɨ̧ɨ̧ wê ane Mbɔ̧ɔ̧mà, e me fàꞋa èfaꞋa ntsɔ̧̀.” À bɨ̀ɨ̀lè am wu nê “NyɨꞋte am èntɨ̧ɨ̧ wu à zi ane Mbɔ̧ɔ̧mà la, è nɨ èfaꞋa ntsɔ̧̀ bɔ̧ nyɨ̀Ꞌte awê èntɨ̧ɨ̧ wu mâ zi ane Mbɔ̧ɔ̧mà la.”

Jimsì 2:26

Ale, mbɨ̀Ꞌɨ̀ ndɨ mbɨ̧̀ ènyit kà ye fo wu àpfəꞋte àghɨ la, wu wuê a èlɨ mbɔŋ wòt zìà èntɨ̧ɨ̧ vi ane Mbɔ̧ɔ̧mà ka mbàkà wua fàꞋà mbɨ̀Ꞌɨ̀ Mbɔ̧ɔ̧mà kɨa la èntɨ̧ɨ̧ mbɔŋ e wu àpfəꞋte mɨ̧̂ la.

2 Pità 1:5

Ndɨ̀ wu Mbɔ̧ɔ̧mà ghɨ̀ mènəè ma ègème ane yɨ̧ tè bɨ me kweele ane mèntɨ̧ɨ̧ mɨ̧ mu bɨ zi ane tò la, bɨ̀ paa me nyɔ̀Ꞌta ngɨ̀à mènəè ntsɔ̧̀ nàa mbɔ̀ a Mbɔ̧ɔ̧mà la, mè ndzì mèntɨ̧ɨ̧ mɨ̧ nko a Mbɔ̧ɔ̧mà ngà nè mbì.