Jimsì 2:1 - Mundani

¹ Bɔnyɨ bɔ̧, ndɨ̀ wu bɨ zì mèntɨ̧ɨ̧ mɨ̧ ane Yesò Klistò Lefɨ̀Ꞌ wa wu ènɨ̧ tò e ghe la, bɨ̀ ka me baãaãte bòt ndȩ̀à mèsi.

Jimsì 2:1 ပူးပေါင်းရင်းမြစ်များ

Matìù 22:16

Ale, bɔ tsà bɔkatè bɔb nè bòt bu bɔ̀ɔ nkuŋa Elɔ̀d la abua Yesò, bɔ kɨꞋɨ̀ mbììte atò nê, “NyɨꞋtà, baa ko nê àà ndàꞋà wuê nkûŋ, mè nyɨ̀Ꞌta mènəè Mbɔ̧ɔ̧mà wuê mbɨ̀Ꞌɨ̀ nàa la, kà wua njùta ànəa bòt àa ndàꞋà la. Nkàà nê àà kà nɨ àghɨa wòt wu yùà la mbɨ̀Ꞌɨ̀ àghɨa ko.

ÀfaꞋa 10:34

Pità bùꞋ me làꞋà nê, “Maà ndzèa àfɨ̀Ꞌ yaa nê, wu nkûŋ nê Mbɔ̧ɔ̧mà nàà mbà̧à̧tâ wòt ègème kà lȩ èsi.

ÀfaꞋa 20:21

E ndi səèŋkè ètû̧ Bèjuê, nè bòt kà wu Bèjuê nê, bɔ̀ waꞋa mènəè kàbɔ̀ŋ mɔb, nkuŋe a Mbɔ̧ɔ̧mà, mè ndzì mèntɨ̧ɨ̧ mɔb ane Yesò Klistò Lefɨ̀Ꞌ wa.

ÀfaꞋa 24:24

Èli ko e li ntsè, Felìk è kɨ̀Ꞌɨ̂ bɔ̂ vi vi Dùsilà tà wu waàvi Juê la. Tà kɨꞋɨ ale, tà tu̧ bɔ tɔ a Pɔ̂l, tà kɨꞋɨ ndàꞋ abua yɔb ndɨ bòt e wu zì mèntɨ̧ɨ̧ mɔb ane Yesò Klistò la.

ÀfaꞋa 7:2

Stifèn bɨ̀ɨ̀lè nê, “Bɔnyɨ bɔ̧ nè bètǎt bɔ̧, bɨ̀ yute èngǎ̧ am. Mbɔ̧ɔ̧mà wu ènɨ̧ tò e ghe la li saꞋa a mbì tǎt nyaꞋ wa Abàlàghâm, afɨꞋa tà li ngua ntsèka àlaꞋ a Mèsòpòtamìà ka li eghǎ me tseke àpfəèà nɨ̧ a Alàn la.

Lûm 1:11

Maa ndâ nkɨ e kɨꞋɨ ye awɨ̧ mbɨ̀Ꞌɨ̀ nyɨꞋte awɨ̧ mènəè Mbɔ̧ɔ̧mà kǒ, bɨa me kweele ane èntɨ̧ɨ̧ wɨ̧ wu bɨ zi ane Yesò la.

1 Kɔlìn 2:8

Wòt kǒ ane bèfɔ̧̀ ngɔ̀ŋ, tà li nko àyaa la ntsě. Bɔ li ngɨ̀ ale nko ko bɔ li bɔ̀ ka wu̧u̧te a Lefɨ̀Ꞌ a mbɨ̧̀ mbasa.

Kɔ̀losìà 1:4

Bàa ngɨ̀ ba wua ngɨ̀à ale nkàà nê ba zə ndɨ bɨ zi èntɨ̧ɨ̧ wɨ̧ ane Yesò Klistò, mè me kɔ̀ŋkè bòt Mbɔ̧ɔ̧mà bàgème la.

1 Tɔ̀màtià 1:19

Me zi èntɨ̧ɨ̧ wê wuê ane Mbɔ̧ɔ̧mà, mè ngɨ̀ èntɨ̧ɨ̧ wê è ka me fèèlè àwê a mbì tò. Bòt ko aà və bɔ tu̧u̧ e ghɨ̀ mènəè bɔ ko nê è kùꞋù la, tè ntsì mèntɨ̧ɨ̧ mɔb ane Yesò Klistò la.

1 Tɔ̀màtià 5:21

Mâ chɨɨme shù̧ù̧te awê a mbì Mbɔ̧ɔ̧mà nè Yesò Klistò nè bɔntu̧ bu tà làà la nê, yute nkɨ̀a tàa e ŋa la ntsɔ̧̀. Me ghɨ̌ àghɨ àgème kà wua ndɨ̀ŋkà mèsi, à ka mè ngɨ̀ ànəê nê ye kɨ efɨte etɨŋe wòt kǒ.

Tȩtɔ̀s 1:1

Letà Pɔ̂l, wɔ̀fàꞋ Mbɔ̧ɔ̧mà, nè wantu̧ Yesò Klistò. Mbɔ̧ɔ̧mà li ndȩ̀ atò nê nè tà tɨŋe bòt bu ye làà la, ndɨ bɔ̀ɔ nèète zì mèntɨ̧ɨ̧ mɔb ane zi, e mě ko mènəè nkûŋ mu nàa nyɨ̀Ꞌta ndɨ betsiꞋa ba tsekè tè a bɔ a Mbɔ̧ɔ̧mà la,

Tȩtɔ̀s 2:13

Mbɨ̀Ꞌɨ̀ baa ngɨ̀à ale la, bà me zì wuê ntɨ̀ ya nchɨ̀Ꞌà wuê ngule àli yu bàa li eye ènɨ̧ ngɨŋa Mbɔ̧ɔ̧mà, Yesò Klistò Mpemnà wa la.

Ebùlù 1:3

Ndɨ ènɨ̧ tò àa la, bê ngu wuê ndɨ ènɨ̧ Mbɔ̧ɔ̧mà àa la, tà bɔ mbê mè ngu mbɨ̀Ꞌɨ̀ Mbɔ̧ɔ̧mà naa la mɨ̧̂. Tà nɨ èngǎ̧ vi wu àa nkwèèla la ka nɨŋ mbà̧aã ngɔ̀ŋ ya. È li ngu àfɨꞋa tà nɨ àlo̧a zi shùù bòt bu bɔ̀ bakà kuꞋu a mbì Mbɔ̧ɔ̧mà la, tà gha a ègwet ntsèke àbâ àbualu̧ a Mbɔ̧ɔ̧mà Àtsèàngɔ̀ŋ.

Ebùlù 12:2

Bà neeta ntsìte àghɨ aya ane Yesò wu tà wu mèmbùꞋu nè mèndìa ànəê yu ba zǐ èntɨ̧ɨ̧ wa adù̧ la. Tà li nga ambo mèngùꞋte mu nchɨꞋa tò la, nkùùle èntɨ̧ɨ̧ vi mpfə a mbɨ̧̀ mbasa kà bɔ àtsəa kɔꞋɔ. Tà wu àfɨ̀Ꞌ yaa àbâ àbualu̧ àtɨ̧a kèfɔ̧̀ Mbɔ̧ɔ̧mà tà tseke la.

Jimsì 1:16

Ngule bɔnyɨ, bɨ̀ ka fɨte awɨ̧ bɨ̀ambɔŋ.

Jimsì 1:19

Ngule bɔnyɨ, bɨ̀ me ku̧u̧te èngà̧ waa nê, wòt ègème me yàŋa ndzəa ànəê, ka tà ka me làꞋa kwàla, tà ka mè me tsoo kwàla.

Jimsì 2:3

Bà nɨŋ nê bɨ lȩ wòt wu nè ngule ndìte ntsɔ̧̀ la shu abua tò nê, “KɨꞋɨ ntsèke a ègwet atɨ̧ waa”, mbɔ̂ shu abua wòt ntseb wu nê, “Tɨ̧ɨ̧ a si ŋu mbə à kɨ̀Ꞌɨ̂ ntsèke a ngèt èka bɔ̧.”

Jimsì 2:9

Ka è wu nê, bɨà mbà̧à̧ta bòt ndȩ̀à mèsi, ko bɨ ghɨa kàbɔ̀ŋ, mbɨ̧te Mbɔ̧ɔ̧mà te mè mbà̧à̧ àwɨ̧ mbɨ̀Ꞌɨ̀ bòt bɔ̀ɔ mpààtà mbɨ̧tsə la.

Jimsì 3:17

Ka èyì wu e dzəâ abua Mbɔ̧ɔ̧mà la wu ndâ èyì. Wòt tà bɔ èyì mbɔŋ la è bɨ̂ ngu wòt tàa ka zi àbu àzi a èbem mènəè kàbɔ̀ŋ la, mbɔ̂ me ghɨ̌ àlàŋkè, me bɔɔle avi, njùtâ ànəa bòt ko tsa àa shua la, ntaꞋa wua nkua tèsȩ, mè me ghɨ̀ mènəè ntsɔ̧̀, tà kà wua mbà̧à̧ta bòt ndȩ̀à mèsi, tà kà meè ngua fɨ̀tâ.

2 Pità 1:1

Letà Simùn Pità, wɔ̀fàꞋ nè wantu̧ Yesò Klistò, Abua bòt bu bɔ̀ɔ nkùŋà alu̧ Mbɔ̧ɔ̧mà, è wù alu̧ bàa bɔntu̧ àà nkùŋà la. Wu Yesò Klistò ka tà ghɨ̂ bɨ me kùŋè ale la, nkàà nê tàà ngɨ̀à mènəè wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu Mbɔ̧ɔ̧mà bɔ̂ Yesò Klistò Mpemnà wa.

Jûd 1:16

Bòt baa aà ntsèka ndèmà a tèbèm tɔb, fèèlà bòt. Bɔɔ ngɨ̀à mènəè wuê mbɨ̀Ꞌɨ̀ mbɨ̧te ènyit tɔb tèa nkɨà la, ngwàbta mètsəê mɔb ngù̧a nkùꞋ tɔb. Bɔɔ fɨ̀ta bòt mɨ̧̂ mbɨꞋɨ ejɨ àbȩ̀ akwen yɔb.

Ètsə 14:12

Ale, a nyɨꞋtè nê bòt Mbɔ̧ɔ̧mà è kuule mèntɨ̧ɨ̧ mɔb, bòt bu bɔ̀ɔ nɔ̀ŋà mbɨ̧te Mbɔ̧ɔ̧mà mèè me kùŋa Yesò nè èntɨ̧ɨ̧ wɔb wemɔꞋ la.