Jimsì 1:6 - Mundani

⁶ Ka ŋut me lo̧o̧ tà bɨ̧̀ɨ̧̀ne a èntɨ̧ɨ̧ vi nê Mbɔ̧ɔ̧mà naa ŋa, tà ka me màkè, nkàà nê wòt wu tàa màkà la wu mbɨ̀Ꞌɨ̀ àtsə àyɨt àfeme àa mpàà maꞋa aba abà la.

Jimsì 1:6 ပူးပေါင်းရင်းမြစ်များ

Matìù 14:28

Pità shu abua tò nê, “Tê, è wu àwɔ̀, à ghɨ̀ e ngȩ̀ȩ̀ne a ègwet mèleb maà nkɨ̀Ꞌɨ̂ kwène ane yê.”

ÀfaꞋa 10:20

È wu ale, à tàŋkê nchu a si ngà bɨ tò ba kà bɔ̀ɔ̂. Ghɨ̀ ale nkàà nê wu mmɔ̌ ka mâ tu̧u̧ awɔb la.”

Efesɔ̀s 4:14

Ba tsiꞋi anè ko bà ka tsi ewu mbɨ̀Ꞌɨ̀ bɔtechɨɨle, bòt mèfà̧ àa nɨa kèghebte fɨ̀ta wɔb mpàà wɔb mbɨ̀Ꞌɨ̀ àfeme maꞋa àbâ abà, ngɨ̀à èbeko ane yɨ̧ e bɨ̧̀ɨ̧̀nà mènəè fɨ̀te la a.

1 Tɔ̀màtià 2:8

Maà nkɨà nê, àdzìꞋ àgème bòt e bù̧ù̧te etsàꞋte a Mbɔ̧ɔ̧mà la, mbâ̧tsə tè lɔ̀kè èbu bɔb ntsà a ègwet ntsàꞋtè a Mbɔ̧ɔ̧mà. Bɔ bɔ ndɨ bɔ̀ɔ wu mbaãte mènəè mɔb tɨ̧ɨ̧ ndɨŋndɨ̀ŋ e mbì Mbɔ̧ɔ̧mà bɔ̀ ka meè ngua ntsòa kò ndzɔ̀ nè bòt la.

Ebùlù 10:23

Bɨ̀ ghɨa bà neeta nɔ̀ŋè ntɨ̀ ya adù̧ àghɨ yu bàa ndàꞋà ànəa yùà la ntsɔ̧̀, nkàà nê Mbɔ̧ɔ̧mà nàa nkàꞋà ànəê tè tà ghɨ̀.

Ebùlù 11:6

Wòt bakà zi èntɨ̧ɨ̧ vi ane Mbɔ̧ɔ̧mà ko aa kweele ka èntɨ̧ɨ̧ Mbɔ̧ɔ̧mà e me bɔ̌ ane tò. Aa ale nkàà nê, wòt ègème tà kɨꞋɨ abua Mbɔ̧ɔ̧mà la, è bɔ ndɨ tàa bɨ̧ɨ̧ne nê tàà və la, mè ngu wòt tàa ŋǎ àbȩ̀ bòt bu bɔ̀ɔ nkɨà tò nè èntɨ̧ɨ̧ wɔb wemɔꞋ la.

Ebùlù 13:9

Bɨ̀ me ko mbɨ̀Ꞌɨ̀ bɔ nɨ mèngǎ̧ è kubte ane Ntu̧ Ntsɔ̧̀ Mbɔ̧ɔ̧mà la ntsòkè ètsə bɨ̧. Aà mbɔ̀ nê tsiꞋ è wu ntsɔ̧̀ Mbɔ̧ɔ̧mà wu tàa nyɨ̀Ꞌta abua ya la ka nàa ntɨ̀ŋa ngɨ̀à mèntɨ̧ɨ̧ ma kweelà la. È ka ngu mbɨ̧tsə ane ànəa èghɨjɨ kà wua ntɨ̀ŋa bòt bu bɔ̀ɔ nɔ̀ŋà mbɨ̧te mbɔŋ la.

Jimsì 1:7

Àfəa wòt waa tà bɔ èntɨ̧ɨ̧ tebe, tà kà wua mbà̧aã ànəê ntɨ̧̀ɨ̧ adù̧ la ka mɨ̀ɨ̀tè nê betsiꞋa ye bɔ àghɨa ko abua Mbɔ̧ɔ̧mà.

Jimsì 5:15

Bɔ me tsàꞋte ale, ndzì èntɨ̧ɨ̧ wɔb ane Mbɔ̧ɔ̧mà ko aa ghɨ̌ ngò̧ò̧nà wu naa kweele. Bɔ ghɨ ale ko Mbɔ̧ɔ̧mà naa lɔ̀ke atò, e mèe waꞋa a kàbɔ̀ŋ tò, na è wu nê tà ghɨ̀à kàbɔ̀ŋ la.

2 Pità 2:17

Bòt baa aa mbɨ̀Ꞌɨ̀ badzì be yu̧u̧ la, mè ngu mbɨ̀Ꞌɨ̀ mbɨ̀ŋ è kɨɨlà, àfeme àkekepeelè a me nɨa ndèa la. Mbɔ̧ɔ̧mà taŋke àdziꞋ abua yɔb a èbem kèbìꞋà.