Jimsì 1:19 - Mundani

¹⁹ Ngule bɔnyɨ, bɨ̀ me ku̧u̧te èngà̧ waa nê, wòt ègème me yàŋa ndzəa ànəê, ka tà ka me làꞋa kwàla, tà ka mè me tsoo kwàla.

Jimsì 1:19 ပူးပေါင်းရင်းမြစ်များ

Matìù 5:22

Ka e ngua shu awɨ̧ nê wòt tsoa ane wanyɨ vi, ko bɔɔ li saꞋa atò wuê a èlɨ mbɔŋ, èwe tà tsɔ̧̀ wanyɨ vi la bɔ nɨ atò ngà a mbì sàꞋàmèkěm, èwu ewe tà tɔ wanyɨ vi ane àkèghɨ̧̀ la, tà ko nê yea li ghǎ a èwet Satàn.

Ntu̧ Ntsɔ̧̀ MAK 12:37

Fɔ̧̀ Dàbid wu tɔ̀ atò ane tǎt vi, tà ghɨ̀ na ka ntsiꞋi waã Dàbid à?” TaꞋà ènɔ̧̂ bòt e li ngua njùtâ èngǎ̧ Yesò nè mèngùꞋte.

Ntu̧ Ntsɔ̧̀ MAK 2:2

Ale, bòt nyaŋ e bù̧ù̧te abot tè àdziꞋ à ka bê tsi ngu, ka wuê a mbì ètsələèꞋ. Mbɨ̀Ꞌɨ̀ Yesò nàa ntsɔ̀tà Ntu̧ Ntsɔ̧̀ yu abua yɔb la,

Lûk 15:1

È le wu àfɨ̀Ꞌ àko bèmbaãaã taksì nè bòt bɔ tsì àwɔb ayɔɔ la, bɔ kɨꞋɨ eyute àghɨa Yesò lè wua shua la.

Lûk 19:48

Ka bɔ ka ko ndɨ bɔ̀ɔ ghɨ̌ la, nkàà nê bòt bàgème è le wua njùtâ mènəè tà shua la, tè wòt kà wua nkɨ̀a nê èngà̧ wemɔꞋ è tsè ka ye zə.

ÀfaꞋa 1:15

Èli ko e li ntsè, bòt bu bɔ zì mèntɨ̧ɨ̧ mɔb ane Yesò la, bɔ bù̧ù̧te a si mbɔ̀ŋè ènkɨ̀ nè èghem yebe. Pità lɔ̀Ꞌɔ a si ndàꞋ èngà̧ waa abua yɔb, nê,

ÀfaꞋa 10:33

Ale, e mbê ntu̧ ntɔ awê. À ghɨ̌ ntsɔ̧̀ na à kɨꞋɨ la. Bàa gème e wu anè adzìꞋ yaa a mbì Mbɔ̧ɔ̧mà nkɨ ezə ànəa tà tu̧u̧ awê nê à kɨꞋɨ shu awa la.”

ÀfaꞋa 13:48

AfɨꞋa bòt kà wu Bèjuê e zə ayaa la, mèntɨ̧ɨ̧ mɔb bɔ̀ŋ, bɔ wùꞋtè èngǎ̧ Mbɔ̧ɔ̧mà. AfɨꞋa mbɔŋ, bòt bu Mbɔ̧ɔ̧mà è làà àwɔb nê bɔɔ li ebɔ mèmpème kàlìà la, e zì mèntɨ̧ɨ̧ mɔb ane Yesò.

ÀfaꞋa 17:11

Bèjuê bu adzìꞋ yaa la e li ngu bòt bɔ̀ɔ nkɨ eyute èngǎ̧ Mbɔ̧ɔ̧mà la, tè ntsè bòt Tèsàlonikà. Bɔ̀ɔ ngɨ̀, bɔ me nèèta njùta èngǎ̧ Mbɔ̧ɔ̧mà wu, tè è ghɨ̀ è wu àli àgème, bɔ me ghaꞋte èdziꞋ èkatè Mbɔ̧ɔ̧mà ndɨ̀ŋkà nê tè èngǎ̧ wu Pɔ̂l è làꞋa la lâ ngu nkûŋ leꞋ.

ÀfaꞋa 2:42

AfɨꞋa bɔ bɨ̧̀ɨ̧̀ne èngǎ̧ Yesò la, bɔ zì ètsə bɔb mbɨ̀Ꞌɨ̀ eko èghɨ bɔntu̧ Yesò bu e nyɨꞋtà la. Bɔ ghɨ̀ ale, ntsìꞋa ngɨ̀à mènəè mɔb ègème ane ètsəê wemɔꞋ, njɨ̀a èghɨjɨ bɔb mè ntsàꞋtè a Mbɔ̧ɔ̧mà adzìꞋ yeamɔꞋ.

Efesɔ̀s 4:26

À me tsoo ane wanyɨ wè, à ka mbɨ̧̀ɨ̧̀ne ntsǒ mbɔŋ ŋwèèlè awê à ghɨa kàbɔ̀ŋ. A ka ngɨ̀ ndzěm kwen ane ntsǒ a èntɨ̧ɨ̧ wê. À ka ŋà èlu̧ abua Satàn.

Efesɔ̀s 4:31

Bɨ̀ ka mbèà bòt a mèntɨ̧ɨ̧ mɨ̧, bɨ̀ ka me bɔ èntɨ̧ɨ̧ nendu̧ nè ntsootsə, bɨ̀ ka ntsi me ŋȩte bòt, bɨ̀ ka ntsi me làꞋa kàbɔ̀ŋ ane bòt, bɨ̀ waꞋa mèmɨ̀ɨ̀te kàbɔ̀ŋ ègème.

Kɔ̀losìà 3:15

Bɨ me kɨ èghɨ àghɨ, bɨ ye nê bɨ ghɨ̀ ne àlàŋkè yu a kètsìà wɨ̧ a dzə abua Yesò Klistò la. Mbɔ̧ɔ̧mà lâ ntɔ awɨ̧ nê bɨ̀ kɨꞋɨ ntsìꞋi mbɨ̧̀ ènyit yemɔ̀Ꞌ mbɨ̀Ꞌɨ̀ ebɔ èwuu àlàŋkè yaa. È wu ale bɨ me ŋa mènkɔ̀ŋke abua Mbɔ̧ɔ̧mà.

Kɔ̀losìà 3:8

Ka bɨ bɔ ndɨ bɨ̀a waꞋa èwuu èghɨ bàagème àfɨ̀Ꞌ yaa la. Èghɨ mbɔŋ wu ntsǒtsə, nè èntɨ̧ɨ̧ nendu̧, nè màmbɔ mèmɨ̀ɨ̀te kàbɔ̀ŋ adù̧ bòt, nè màndaꞋa kàbɔ̀ŋ adù̧ bòt, kò màndaꞋa mèngǎ̧ àtsəa kɔꞋɔ leꞋ. Èwuu mèngà̧ maa ka ndɔ̀Ꞌ ane àlia ndzə a ètsəê wòt kǒ ane yɨ̧.

1 Tèsàlonikà 2:13

Lə kǒ bàa mè ntsèka nkɔ̀ŋkà a Mbɔ̧ɔ̧mà la wu nê, ba li ndàꞋà èngà̧ wu e dzə abua Mbɔ̧ɔ̧mà la abua yɨ̧ ale, bɨ zə mbɨ̧̀ɨ̧̀nê. Bɨ li mbɨ̧̀ɨ̧̀nê nê, è ntsě èngǎ̧ wɔ̀bȩ̂, nê wu èwe Mbɔ̧ɔ̧mà, è bɔ̂ ngu kwàꞋ èngǎ̧ Mbɔ̧ɔ̧mà. Wu èngǎ̧ mbɔŋ Mbɔ̧ɔ̧mà nɨŋ me fàꞋa ane yɨ̧ wu bɨ zì mèntɨ̧ɨ̧ mɨ̧ ane tò la.

Jimsì 1:16

Ngule bɔnyɨ, bɨ̀ ka fɨte awɨ̧ bɨ̀ambɔŋ.

Jimsì 1:2

Bɔnyɨ bɔ̧, ngoꞋtsə te kwene ane yɨ̧, ka te màà ngu wuê nà leꞋ, bɨ wùꞋtè àwɨ̧,

Jimsì 1:26

Wòt mɨ̀ɨ̀tè nê ye wu wòt Mbɔ̧ɔ̧mà, ka mbakà wua mbà̧aã èlɨ̧ li, tà ko nê ye fɨte avi zìambɔŋ, me tò nè mènkǒ Mbɔ̧ɔ̧mà wu àku.

Jimsì 2:1

Bɔnyɨ bɔ̧, ndɨ̀ wu bɨ zì mèntɨ̧ɨ̧ mɨ̧ ane Yesò Klistò Lefɨ̀Ꞌ wa wu ènɨ̧ tò e ghe la, bɨ̀ ka me baãaãte bòt ndȩ̀à mèsi.

Jimsì 2:5

Ngule bɔnyɨ bɔ̧ bɨ̀ zə, Mbɔ̧ɔ̧mà tɔ bòt bu bɔ̀ wu bòt ntseb a ngɔ̀ŋ ŋaa la, ngɨ̀ bɔ tsiꞋi ngule bòt, nkàà èntɨ̧ɨ̧ wu bɔ zi ane Yesò la, mè ngɨ̀ bɔ jɨa àbȩ̀ kèfɔ̧̀ wu tà kàꞋa bòt bu bɔ̀ɔ nkɔ̀ŋkà àvi la.

Jimsì 3:10

Èlɔ̂t bɔ̂ kèntsɔ̧̀ɔ̧̀mè aà ndzəèà wuê a èbem ètsəê wemɔꞋ. Bɔnyɨ bɔ̧, a ghɨ à ka wu ewu ale.

Jimsì 4:11

Bɔnyɨ bɔ̧, bɨ̀ ka me làꞋà kàbɔ̀ŋ adù̧ bɔnyɨ bɨ̧. Wòt me làꞋà kàbɔ̀ŋ adù̧ wanyɨ vi kò saꞋa atò leꞋ, tà ko nê ye wua ndaꞋa kàbɔ̀ŋ ane mbɨ̧ mè ngua saꞋa mbɨ̧ mbɔŋ. À me saꞋa mbɨ̧, à ko nê yea kà ghɨ mbɨ̀Ꞌɨ̀ mbɨ̧ mbɔŋ kɨa la, a bê nko nê ye tsiꞋa wòt tàa sàꞋa mbɨ̧ saꞋa la.

Jimsì 5:12

Bɔnyɨ bɔ̧, ànəa ko a tɨ̧ɨ̧ a mbì la wu nê, wòt me kàꞋà wòt ànəê, tà ka ndzì nkà̧ ka wuê ane ègwet, kò ane sitsǎꞋ leꞋ, tà ka ndzì nkà̧ ka wu ane àghɨa ko tsa. Wòt bɨ̧̀ɨ̧̀ne ànəê, tà ko yê bɨ̧ɨ̧nè, wòt tu̧ ànəê, tà ko nê ye tu̧, mbɨ̀Ꞌɨ̀ ka Mbɔ̧ɔ̧mà sàꞋà wɨ̧ nê bɨ fâ̧.

Jimsì 5:19

Bɔnyɨ bɔ̧, wòt ane yɨ̧ sà alu̧ nkûŋ è nyɔ̂, wòt kǒ tsa mèè tɨ̀ŋe atò nɨ̀a tò nɨŋ nkɨ̀Ꞌɨ̀ adù̧,

1 Jɔ̌n 2:21

È ntsě shɨa abua yɨ̧ nê bɨ bakà ko nkûŋ. E shɨa ndɨ̀ wu bɨ ko la. Bɨ ko mɨ̧̂ nê betsiꞋa nkûŋ ka bi àfɨte.