Jimsì 1:17 - Mundani

¹⁷ Àghɨa ntsɔ̧̀ àgème nè àghɨ àgème a ghe la àa ndzəèà nè ègwet abua Tǎt wa Mbɔ̧ɔ̧mà wu tà ghɨ mèkàꞋà mu a ègwet la. Ka tòà zìambɔŋ nàà kà kùbtê, tà kà mèe ngua ngèbla mbɨ̀Ꞌɨ̀ mèkàꞋà mbɔŋ àfɨꞋa ko e ghɨ̌ ndzěm naa kwene.

Jimsì 1:17 ပူးပေါင်းရင်းမြစ်များ

Matìù 7:11

Tè bɨ̀a wàa bɨ̀ wu bòt kàbɔ̀ŋ la e wu ko eŋa èghɨ ntsɔ̧̀ abua bɔ̧ bɨ̧, è me wu tǎt wɨ̧ wu a ègwet la tà kà ŋa èghɨ mbɔŋ abua bòt bɔ lo̧ abua tò la tè ntsě?

Lûk 11:13

Tè bɨ̀a wàa bɨ̀ wu bòt kàbɔ̀ŋ la, e wu ko eŋa èghɨ ntsɔ̧̀ abua bɔ̧ bɨ̧, è me wu tǎt wɨ̧ wu a ègwet la tà kà ŋa Fo Kèfə abua bòt bɔ lo̧ abua tò la tè ntsě?

Jɔ̌n 1:9

Ngule èkaꞋà wu àa mbaŋe waa waa la, wu wòt wu nkɨ̀Ꞌa a sitsǎꞋ la.

Jɔ̌n 3:27

Bɔ làꞋ ale, Jɔ̌n bɨ̀ɨ̀lè nê, “BetsiꞋa à ka wu ane wòt ale, kà wu Mbɔ̧ɔ̧mà tà ghɨ̀ la.

Jɔ̌n 3:3

Yesò bɨ̀ɨ̀lè nê, “TsiꞋ è shu awê ane nkûŋ nê, bɔ bakà bi wòt a membǐ fi, tà kà nyi a kèfɔ̧̀ Mbɔ̧ɔ̧mà.”

Jɔ̌n 8:12

Yesò ghɨ̀ ale, mè ndaꞋa abua Bèfalèsiì nê, “E ngu èkaꞋà ngɔ̀ŋ yaa. Wòt tà kùŋè am la, è bɔ èkaꞋà mèmpème, tà ka tsi li ghȩ̀ȩ̀ne a èbem ndzěm a.”

ÀfaꞋa 11:18

ÀfɨꞋa bɔ zə èngǎ̧ waa la, bɔ̀ ka tsi feele a Pità. Bɔ bùꞋ ntsiꞋi me wùꞋte a Mbɔ̧ɔ̧mà shua nê, “Ale Mbɔ̧ɔ̧mà ghɨ̀ ndɨ bòt kà wu Bèjuê àa waꞋa mènəè kàbɔ̀ŋ mɔb ebɔ mèmpème mɨ̧̂ la.”

ÀfaꞋa 5:31

Mbɔ̧ɔ̧mà li ndɔke atò ntsìà àbâ àbualu̧ azi mbɨ̀Ꞌɨ̀ Fɔ̧̀ nè Mpemnà. Tà li ndɔ̀ke atò mbɨ̀Ꞌɨ̀ eŋa bòt Izəèlȩê èlu̧ bɔ̀ɔ kubte ane mènəè kàbɔ̀ŋ mɔb yea waꞋa a kàbɔ̀ŋ wɔb mɨ̧̂.

Lûm 6:23

Àbȩ̀ a kàbɔ̀ŋ wu èvə, ka àghɨa Mbɔ̧ɔ̧mà nàa ŋa mbɨ̀Ꞌɨ̀ tà kɔ̀ŋkè la wu mèmpème kàlìà, ndɨ̀ wu bàà tsiꞋi àghɨ yeamɔꞋ nè Yesò Klistò Lefɨ̀Ꞌ wa la.

1 Kɔlìn 4:7

Wòt wu tà ghɨ̀ àwɨ̧ bɨ tsè bòt ko la wu wàà? Àghɨ yu bɨ li mbɔ̀ ka wu Mbɔ̧ɔ̧mà tà ŋa abua yɨ̧ la wu ghàà? È wu nê èghɨ ègème bɨ bɔ la, e dzə abua Mbɔ̧ɔ̧mà ghǎ ghɨ̀ ka bɨ me ŋeꞋe tèkwȩ tɨ̧ a ègwet à?

2 Kɔlìn 4:6

Mbɔ̧ɔ̧mà wu tà li shu nê “ÈkaꞋà è beꞋe a èbem ndzěm la”, wu tòà tà li ngɨ̀ èkaꞋà vi e beꞋe a mèntɨ̧ɨ̧ ma la. Tà li ngɨ̀ anè mbɨ̀Ꞌɨ̀ baa ye èkaꞋa tò mbèꞋa a èsi Yesò Klistò e ko ndɨ ènɨ̧ Mbɔ̧ɔ̧mà àa la.

Efesɔ̀s 1:18

Maà ntsàꞋtà nê Fo tò neeta ngàꞋte ètsə bɨ̧, mbɨ̀Ꞌɨ̀ bɨa ko èghɨ bu Mbɔ̧ɔ̧mà tɔ awɨ̧ nê bɨ̀ me bɔ bɨ̀ wua nchɨ̀Ꞌà bùà la, mè nko ndɨ̀ èghɨ bu Mbɔ̧ɔ̧mà nàa ŋa abua bòt bu bɔ zì mèntɨ̧ɨ̧ mɔb ane Yesò la e ghe la.

Efesɔ̀s 2:8

Wu ntsɔ̧̀ Mbɔ̧ɔ̧mà wu tà nyɨꞋte abua ya la ka è ghɨ̂ ba pem nkàà mèntɨ̧ɨ̧ ma mu ba zi ane tò la. È kà ghɨ bɨ̀a. È ghɨ̀à Mbɔ̧ɔ̧mà àku abua yɨ̧.

Filìpȩ 1:29

Aa ale nkàà nê, Mbɔ̧ɔ̧mà è ŋa awɨ̧ èlu̧ a màfaꞋa abua Yesò Klistò nê bɨ̀ ka me zì wuê ndàꞋ mèntɨ̧ɨ̧ mɨ̧ ane tò, tà ŋǎ nê bɨ̀ me ye ngoꞋ ambo ànəa tò mɨ̧̂.

1 Tɔ̀màtià 6:16

Tà wu ndàꞋà wòt kà wu li epfə, mè me tsèke a kètsìà èkaꞋa vi wu betsiꞋa wòt kà ko ntsě abot la. Wɔ̀bȩ̂ bakà li mè ye atò, wòt kà mè ngu eko eye atò. TsiꞋ bɔbȩ è wùꞋte atò mè ŋeꞋe atò a ègwet tè ndɨ ngɔ̀ŋ naa li ghǎ elìa la. Àmèn.

Ebùlù 13:8

Yesò Klistò nàà kà kùbtê. Tà bele wuê àghɨa tà li ndɔ̀Ꞌ ngu la àfɨ̀Ꞌ yaa, mè ngu ewu yùà ane àlia nè àlia.

Jimsì 1:5

Wòt bùa èyì, tà lò̧o̧ abua Mbɔ̧ɔ̧mà wu tàa ŋǎ èyì abua wòt ègème la, ko tàa ŋa abua tò. Tàà kà kuꞋte àbu, tà kà wua ŋȩ̀ta.

Jimsì 3:15

Èwuu èyì waa è ka dzə abua Mbɔ̧ɔ̧mà, e dzə a sitsǎꞋ, Fo Mbɔ̧ɔ̧mà kà meè ngu adù̧. E dzə abua Satàn.

Jimsì 3:17

Ka èyì wu e dzəâ abua Mbɔ̧ɔ̧mà la wu ndâ èyì. Wòt tà bɔ èyì mbɔŋ la è bɨ̂ ngu wòt tàa ka zi àbu àzi a èbem mènəè kàbɔ̀ŋ la, mbɔ̂ me ghɨ̌ àlàŋkè, me bɔɔle avi, njùtâ ànəa bòt ko tsa àa shua la, ntaꞋa wua nkua tèsȩ, mè me ghɨ̀ mènəè ntsɔ̧̀, tà kà wua mbà̧à̧ta bòt ndȩ̀à mèsi, tà kà meè ngua fɨ̀tâ.

1 Jɔ̌n 1:5

Èngǎ̧ ba zə abua Waã tò mè me shua wɨ̧ la wu nê, Mbɔ̧ɔ̧mà wu èkaꞋà, tè àdziꞋa ndzěm à ka bê ngu ane tò.

1 Jɔ̌n 4:10

Ye àghɨa èkɔŋ è wu yùà la. È ntsě bàa ba li nkɔ̀ŋkè a Mbɔ̧ɔ̧mà la, wu tòà kà tà li nkɔ̀ŋkè àwa ntsàà Waã vi nê tà ŋà àtsəa zi nɨŋ nchùꞋù àtsəa bɔbȩ ane bèkàbɔ̀ŋ bɔb la.

Ètsə 21:23

Àpfəèa mbɔŋ a li à ka tsi ngua nkɨà nyèm kò èŋu leꞋ ea me bàŋe yùà, nkàà nê ènɨ̧ Mbɔ̧ɔ̧mà è le wua mbàŋà àyùà mbɨ̀Ꞌɨ̀ èkaꞋà, Wanjɨ̀ wu mè ngu èkaꞋà àpfəèa mbɔŋ.

Ètsə 22:5

Ndzěm ka li tsi wua, bòt è ka wu li tsi e me kɨ mèkàꞋà kò nyèm leꞋ, nkàà nê Mbɔ̧ɔ̧mà Lefɨ̀Ꞌ naa li wu èkaꞋà wɔb, bɔ mè ngu li e me baãaã ngɔ̀ŋ ane àlia nè àlia.