Jimsì 1:16 - Mundani

¹⁶ Ngule bɔnyɨ, bɨ̀ ka fɨte awɨ̧ bɨ̀ambɔŋ.

Jimsì 1:16 ပူးပေါင်းရင်းမြစ်များ

Matìù 22:29

Yesò bɨ̀ɨ̀lè èngǎ̧ wɔb nê, “Bɨ fâ̧, nkàà nê bɨ bakà ko èngǎ̧ Mbɔ̧ɔ̧mà, bɨ̀ ka mě ko mètàŋ tò.

Ntu̧ Ntsɔ̧̀ MAK 12:24

Yesò bɨ̀ɨ̀lè èngǎ̧ wɔb nê, “Bɨ fà̧, nkàà ndɨ̀ wu bɨ̀ bakà ko èngǎ̧ Mbɔ̧ɔ̧mà nè mètàŋ tò la.

Ntu̧ Ntsɔ̧̀ MAK 12:27

Tà wu Mbɔ̧ɔ̧mà bòt yu̧, tà ntsě Mbɔ̧ɔ̧mà bèmpfəà. Bɨ lâ fà̧.”

ÀfaꞋa 1:15

Èli ko e li ntsè, bòt bu bɔ zì mèntɨ̧ɨ̧ mɔb ane Yesò la, bɔ bù̧ù̧te a si mbɔ̀ŋè ènkɨ̀ nè èghem yebe. Pità lɔ̀Ꞌɔ a si ndàꞋ èngà̧ waa abua yɔb, nê,

1 Kɔlìn 6:9

Bɨ bakà ko laꞋ nê bòt mènəè kàbɔ̀ŋ è ka li bɔ àdziꞋ a kèfɔ̧̀ Mbɔ̧ɔ̧mà a? Bɨ̀ ka fɨ̀te awɨ̧ bɨ̀ambɔŋ. Bòt bu bɔ̀ɔ njɨ̀a ngò̧ò̧tètsə la, nè è bu bɔ̀ɔ nkùkta bènàmbəa la, nè è bu bɔ̀ɔ njɨ̀a àbȩ la, nè mbâ̧ tu tèa mpàꞋta te ko la, è ka li bɔ àdziꞋ a kèfɔ̧̀ Mbɔ̧ɔ̧mà a.

Gàlashìà 6:7

Ko mbɨ̀Ꞌɨ̀ wòt fɨ̀te awɨ̧. BetsiꞋa wòt kà wȩȩte a Mbɔ̧ɔ̧mà. Àghɨa wòt liꞋi la, wu wuê yùà yu tàa li efùꞋù la.

Filìpȩ 2:12

Ngule bèshu̧ bɔ̧, mbɨ̀Ꞌɨ̀ àa anè la, ndɨ̀ wu bɨ li ngua ndzəèa am àfɨ̀Ꞌ yu e ndi ngu ba nɨ̧̀ ba la, a bɔ̂ŋ nê bɨ̀ paa me zə am àfɨ̀Ꞌ yaa e nte ntsě a ngèt yɨ̧ la. Bɨ̀ me ghɨ̀ mènəè mɨ̧ mbɔ̀ɔ a Mbɔ̧ɔ̧mà, mèntɨ̧ɨ̧ mɨ̧ mě me bente mbɨ̀Ꞌɨ̀ bɨa paa bɔ mèmpème.

Filìpȩ 4:1

Mbɨ̀Ꞌɨ̀ àa anè la à bɔnyɨ bɔ̧, maà nkɔ̀ŋkà àwɨ̧, mè ndâ me kɨ eye awɨ̧. Bɨà ngɨ̀à èntɨ̧ɨ̧ am e bɔ̀, e mè me wu̧u̧ nkùꞋ yaã nkàà wɨ̧. Ngule bèshu̧ bɔ̧, mbɨ̀Ꞌɨ̀ àa anè la, bɨ̀ baãaã ànəa Tè Yesò me kweele.

Kɔ̀losìà 2:4

E shua wɨ̧ àyaa mbɨ̀Ꞌɨ̀ ka wòt kǒ nɨ ètsəê nendɨ̧ fɨ̀te awɨ̧ ngɨ̀ bɨ fà̧à̧tè èka bɨ̧.

Kɔ̀losìà 2:8

Bɨ̀ me ko awɨ̧ mbɨ̀Ꞌɨ̀ ka wòt kǒ nɨ mèmɨ̀ɨ̀te àkû mu nàa fɨ̀ta bòt la ngɨ̀ bɨ tsiꞋi èbùꞋ. Èwuu mèmɨ̀ɨ̀te maa dzə ane èghɨ bu bɔbȩ àa nyɨ̀Ꞌta nê bòt è me ghɨ̀ la, mè ndzə abua fo tu tèa mbǎ̧ ngɔ̀ŋ yaa la. Mènəè mbɔŋ ka dzə abua Yesò Klistò.

2 Tɔ̀màtià 2:18

Bɔ sà alu̧ nkûŋ me gheeba ntsòkà ètsə bòt Yesò ko è shùa nê, Mbɔ̧ɔ̧mà è yu̧u̧me bòt bɔ pfəꞋte la tè ndɔ̀Ꞌ.

Ebùlù 13:1

Bɨ̀ me kɔ̀ŋkè bɔnyɨ bɨ̧ bu è wu bòt Yesò la nɨa ngà wuê nè mbì.

Jimsì 1:19

Ngule bɔnyɨ, bɨ̀ me ku̧u̧te èngà̧ waa nê, wòt ègème me yàŋa ndzəa ànəê, ka tà ka me làꞋa kwàla, tà ka mè me tsoo kwàla.

Jimsì 1:2

Bɔnyɨ bɔ̧, ngoꞋtsə te kwene ane yɨ̧, ka te màà ngu wuê nà leꞋ, bɨ wùꞋtè àwɨ̧,

Jimsì 2:1

Bɔnyɨ bɔ̧, ndɨ̀ wu bɨ zì mèntɨ̧ɨ̧ mɨ̧ ane Yesò Klistò Lefɨ̀Ꞌ wa wu ènɨ̧ tò e ghe la, bɨ̀ ka me baãaãte bòt ndȩ̀à mèsi.

Jimsì 2:14

Bɔnyɨ bɔ̧, wòt nê ye zi èntɨ̧ɨ̧ vi ane Mbɔ̧ɔ̧mà, ka àfaꞋa tò a bakà wua nyɨ̀Ꞌta èlɨ mbɔŋ, àbȩ̀ wu ghà à? Tè betsiꞋa èntɨ̧ɨ̧ mbɔŋ e ghɨ̀ tà bɔ̀ mèmpème?

Jimsì 2:5

Ngule bɔnyɨ bɔ̧ bɨ̀ zə, Mbɔ̧ɔ̧mà tɔ bòt bu bɔ̀ wu bòt ntseb a ngɔ̀ŋ ŋaa la, ngɨ̀ bɔ tsiꞋi ngule bòt, nkàà èntɨ̧ɨ̧ wu bɔ zi ane Yesò la, mè ngɨ̀ bɔ jɨa àbȩ̀ kèfɔ̧̀ wu tà kàꞋa bòt bu bɔ̀ɔ nkɔ̀ŋkà àvi la.

Jimsì 3:1

Bɔnyɨ bɔ̧, ko mbɨ̀Ꞌɨ̀ waa waa ane yɨ̧ me kɨ ewu nyɨꞋtà nkàà nê, bɔɔ li saꞋa awa wu bà wu bènyɨꞋtà la te tsě ndɨ bɔ̀ɔ saꞋa bòt ko la.

Jimsì 3:10

Èlɔ̂t bɔ̂ kèntsɔ̧̀ɔ̧̀mè aà ndzəèà wuê a èbem ètsəê wemɔꞋ. Bɔnyɨ bɔ̧, a ghɨ à ka wu ewu ale.

Jimsì 4:11

Bɔnyɨ bɔ̧, bɨ̀ ka me làꞋà kàbɔ̀ŋ adù̧ bɔnyɨ bɨ̧. Wòt me làꞋà kàbɔ̀ŋ adù̧ wanyɨ vi kò saꞋa atò leꞋ, tà ko nê ye wua ndaꞋa kàbɔ̀ŋ ane mbɨ̧ mè ngua saꞋa mbɨ̧ mbɔŋ. À me saꞋa mbɨ̧, à ko nê yea kà ghɨ mbɨ̀Ꞌɨ̀ mbɨ̧ mbɔŋ kɨa la, a bê nko nê ye tsiꞋa wòt tàa sàꞋa mbɨ̧ saꞋa la.

Jimsì 5:12

Bɔnyɨ bɔ̧, ànəa ko a tɨ̧ɨ̧ a mbì la wu nê, wòt me kàꞋà wòt ànəê, tà ka ndzì nkà̧ ka wuê ane ègwet, kò ane sitsǎꞋ leꞋ, tà ka ndzì nkà̧ ka wu ane àghɨa ko tsa. Wòt bɨ̧̀ɨ̧̀ne ànəê, tà ko yê bɨ̧ɨ̧nè, wòt tu̧ ànəê, tà ko nê ye tu̧, mbɨ̀Ꞌɨ̀ ka Mbɔ̧ɔ̧mà sàꞋà wɨ̧ nê bɨ fâ̧.

Jimsì 5:19

Bɔnyɨ bɔ̧, wòt ane yɨ̧ sà alu̧ nkûŋ è nyɔ̂, wòt kǒ tsa mèè tɨ̀ŋe atò nɨ̀a tò nɨŋ nkɨ̀Ꞌɨ̀ adù̧,