Jɔ̌n 9:39 - Mundani

³⁹ Yesò shu nê “E nkɨ̀Ꞌa sitsǎꞋ ŋàa mbɨ̀Ꞌɨ̀ enyɨꞋte ndɨ bòt àa la, e ghɨ̌ bòt kà wua ndzèa èdziꞋ aa me ye, e mě ghɨ̌ àghɨa bòt bu bɔ mɨɨtè nê bɔɔ̀ ndzea èdziꞋ la aa leme.”

Jɔ̌n 9:39 ပူးပေါင်းရင်းမြစ်များ

Matìù 11:5

Bòt àghɨ àleme e ye èdziꞋ, bòt èka bɔb e ŋɔꞋte la, e lɔ̀Ꞌ tè ntsìꞋa ngȩ̀ȩ̀nà ndɨŋndɨ̀ŋ, bòt àghɔ̧atsɔꞋɔ e pem, mbûꞋtsə te zə èdziꞋ, bèmpfəà be yu̧u̧mè, bɔ mè tsɔ̀tè Ntu̧ Ntsɔ̧̀ Mbɔ̧ɔ̧mà abua bòt ngoꞋ.

Matìù 15:14

È wu ale, bɨ sà wɔb a si, bɔ wu bòt àghɨ àleme nkɨ enyɨꞋte beko èlu̧ la. Wòt àghɨ àleme baãaã àbu wòt àghɨ àleme ko bɔ̀ɔgème aa chɨ̧ɨ̧ a èbem èbɨ.”

Matìù 6:23

Ka àghɨ a wòt a bakà wua mbɔ̀ ko taa wu wuê a èbem ndzěm. Ale, àghɨa àa a èntɨ̧ɨ̧ wòt la wu ndzěm, ko mèntsèke tò ègème naa me fene mbɨꞋɨ̀ ndzěm mbɔŋ.

Lûk 1:79

eŋa èkaꞋà ane bòt bu a èbem ndzěm yu è wuê mbɨ̀Ꞌɨ̀ mbàꞋ èvə la, e ghɨ̌ bàa ghȩ̀ȩ̀ne ane alu̧ àlàŋkà èntɨ̧ɨ̧.”

Lûk 13:30

Ane nkûŋ, àfɨ̀Ꞌ a ngaa bòt ko bɔ wua kwèn la bɔɔ li tsiꞋi a mbì, èbeko bè wu a mbì la be tsiꞋi akwèn.”

Lûk 2:34

Simiòn ghɨ̀ ale, fà̧à̧te awɔb ndɔ̀Ꞌ èshu abua Màlià, nyɨ̌ waã wu nê, “Mbɔ̧ɔ̧mà làà waã waa nê tà kɨꞋɨ a èbem àlaꞋ a Izəèlȩê è shuke bòt nyaŋ a si mè ndɔ̀Ꞌ ndɔ̀kè bòt nyaŋ a ègwet. Taa li wu mbɨ̀Ꞌɨ̀ àlȩê a dzə abua Mbɔ̧ɔ̧mà la, bɔbȩ aa me làꞋa ntàꞋa èlen tò kàbɔ̀ŋ.

Lûk 4:18

“Fo Tǎt wa Mbɔ̧ɔ̧mà wu ane yaã, nkàà nê tà yɔꞋɔ am nê e nga ntsɔ̀tè Ntu̧ Ntsɔ̧̀ abua bòt mbuŋ. Tà tu̧u̧ am nê, è ntsɔ̀ta nê bòt mènəè è kuule awɔb la, è dzəa, mè ngɨ̀ bòt àghɨ àleme è me ye èdziꞋ. Tà tu̧u̧ am nê, è ntsì bòt ngoꞋ a èbem ngoꞋtsə,

Lûk 7:21

ÀfɨꞋa mbɔŋ Yesò bə èwuu èghɔ̧ nyaŋ, mè fəè fote kàbɔ̀ŋ ane bòt, ngɨ̀à bòt àghɨ àleme e yea èdziꞋ.

Jɔ̌n 12:31

Eyaa wu àfɨꞋa Mbɔ̧ɔ̧mà nàa saꞋa ngɔ̀ŋ yaa la. Eyaa mè ngu àfɨꞋa Mbɔ̧ɔ̧mà nàa tsɔꞋɔ wòt wu tà wua àtsəa ngɔ̀ŋ yaa la emàꞋa àbȩ la.

Jɔ̌n 12:46

Mâ kɨꞋɨ a ngɔ̀ŋ ŋaa mbɨ̀Ꞌɨ̀ wòt tàa ngɨ̀à èkaꞋà e beꞋa la, mbɨ̀Ꞌɨ̀ wòt ègème tà zi èntɨ̧ɨ̧ vi ane yaã la ka tsi tseke a èbem ndzěm a.

Jɔ̌n 3:17

Mbɔ̧ɔ̧mà li tà kà wua ntsàà Waã vi a ngɔ̀ŋ ŋaa nê tà kɨꞋɨ ndzì ndɔ̀ àtsəa bòt. Tà li ngua ntsaa atò mbɨ̀Ꞌɨ̀ taa ghɨ̌ bòt aa bɔ mèmpème.

Jɔ̌n 3:19

Àghɨa a ghɨ̂ àyea bòt a bɨ la wu nê, èkaꞋà e kɨꞋɨ a ngɔ̀ŋ, ka bòt e bɔ̂ me kɔ̀ŋkè ndzěm ntsèa èkaꞋà wu, nkàà mènəè kàbɔ̀ŋ bɔ̀ɔ ngɨ̀à la.

Jɔ̌n 8:12

Yesò ghɨ̀ ale, mè ndaꞋa abua Bèfalèsiì nê, “E ngu èkaꞋà ngɔ̀ŋ yaa. Wòt tà kùŋè am la, è bɔ èkaꞋà mèmpème, tà ka tsi li ghȩ̀ȩ̀ne a èbem ndzěm a.”

Jɔ̌n 8:15

Bɨa nɨa èyì bɔbȩ ka nɨ̀a sàꞋa bòt. È me wu am ko maa kà lem saꞋa wòt.

Jɔ̌n 9:25

Tà bɨ̀ɨ̀lè nê, “Kò tà wu wòt kàbɔ̀ŋ kò tà ntsě leꞋ, ko e mbakà koê; ndàꞋ ànəa mâ ko la wu nê, àghɨ a am a li ndem ka nè àfɨ̀Ꞌ yaa mâ tsiꞋa ndzea èdziꞋ.”

ÀfaꞋa 26:18

Aa ghǎ eghaꞋa àghɨ ayɔb, e mě ghɨ̌ bɔɔ dzəâ a èbem ndzěm enyi a èbem èkaꞋà. Aa ghɨ̌ bɔɔ dzəâ a tèkitebu Satàn enyi a èbem kèfɔ̧̀ Mbɔ̧ɔ̧mà, mbɨ̀Ꞌɨ̀ bɔ zì mèntɨ̧ɨ̧ mɔb ane yaã, Mbɔ̧ɔ̧mà naa waꞋa a kàbɔ̀ŋ wɔb, bɔɔ me nɨ adziꞋa yɔb ayɔɔ bòt bu Mbɔ̧ɔ̧mà làà ane bi la.’

2 Kɔlìn 2:16

Abua bòt mpfəèꞋta la, àghaa yaa wu àghaa èvə àa bùŋè àwɔb la, è me wu abua bòt bu mpèma la, àghaa mbɔŋ wu àghaa àa ghɨ̌ bɔɔ peme la. Wòt wu tà kùꞋu ane àfàꞋ yaa la wu wàà?

Efesɔ̀s 5:14

nkàà nê, àghɨ àa ngɨ̀ à wu a èbem èkaꞋà àghɨa mbɔŋ a tsiꞋi mbɨ̀Ꞌɨ̀ èkaꞋà mɨ̧̂. Eyaa wu lə bɔ̀ɔ shua nê, “Àwɔ̀ wu ndia la, lɔ̀Ꞌɔ a si a èbem èvə! Ko Yesò Klistò naa ghɨ̌ èkaꞋà aa beꞋe a ègwet lè.”

2 Tèsàlonikà 2:10

Taa kɨꞋɨ enɨ àbɨꞋta èntɨ̧ɨ̧ efɨte bòt bu nga bê eleme la ane balu̧ bàgème. Bɔ gha eleme nkàà nê, bɔ li bɔ̀ ka wua nkɔ̀ŋkà nkûŋ yu nàa ghɨ̌ bɔɔ peme la.

1 Pità 2:9

Ka bɨ wu bòt Mbɔ̧ɔ̧mà làà la, mè ngu bɔɔntɔꞋ Mbɔ̧ɔ̧mà bɔ̀ɔ ngɨ̀à mènəè tò la. Bɨ wu ngule àlaꞋ a Mbɔ̧ɔ̧mà, ale bɨ wu bòt Mbɔ̧ɔ̧mà. Tà tsì àwɨ̧ a èbem ndzěm nɨŋ nkɨ̀Ꞌɨ̂ a èbem èkaꞋà vi wu e ghe la, mbɨ̀Ꞌɨ̀ bɨa me làꞋà ànəa èghɨ bu ègème tàa ngɨ̀à, è wù èghɨ e ghe la.

1 Jɔ̌n 2:11

Ka wòt tàa mpààbà wanyɨ vi la wu a èbem ndzěm mbɔŋ. Ŋut wua ngȩȩna a èbem ndzěm, tà kà ko àdziꞋa ye ghà la, nkàà nê ndzěm mbɔŋ ghɨ̂ tà kà wua ndzea èdziꞋ.