Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jɔ̌n 9:16 - Mundani

16 Bèfalèsiì ko è nê, “Wòt wu tà ghɨ̀ àghɨ yàa la ka dzəa abua Mbɔ̧ɔ̧mà, nkàà nê tàa mpààtà mbɨ̧te àliapfəèa ya.” Ka èbeko e nê, “BetsiꞋa wòt tà wu wòt kàbɔ̀ŋ la ghɨ̀ èwuu ènəê kà ye fɨ̀Ꞌ bàa?” Bɔ làꞋ ale ntsìꞋi a mètsəê a mètsəê.

အခန်းကိုကြည့်ပါ။ ကော်ပီ




Jɔ̌n 9:16
18 ပူးပေါင်းရင်းမြစ်များ  

Wòt ko wu a èbèm və àbu atò a pfə la. Bòt ko e mè ngu abot me kɨ nyɨꞋte nê Yesò è ghɨa kàbɔ̀ŋ. Ale, bɔ biite atò nê, “Màmbəa wòt àliapfəèa Bèjuê aya wu màmpaata mbɨ̧?”


Bèfalèsiì e ye ale shu abua Yesò nê, “Ye àghɨa bɔkatè bê e ghɨ̀à, è wu àghɨa bɔ̀ɔ ka ghɨ àliapfəèa Bèjuê la.”


Wòt tà wu àtsəa lob Mbɔ̧ɔ̧mà yu la bùꞋ me tsoo nê, Yesò bə wòt àliapfəèa Bèjuê. Wòt wu ghɨ̀ ale, shu abua bòt bu bàgème abot la nê, “Ba bɔ èli bentùa ba bɔ̂ ndɨ bàa ghɨ̌ àfàꞋ la, bɨ̀ kɨꞋɨ ane èli ngaa bɔ̀ bə awɨ̧, bɨ̀ ka nkɨ̀Ꞌɨ̂ ane àliapfəè.”


Mbɨ̀Ꞌɨ̀ Yesò làꞋa mèngà̧ maa la, Bèjuê e mè ntsìꞋi a mètsəê tsa tsa,


Bɨ̀ bɨ̧ɨ̧ne nê, e ngu àghɨ yeamɔꞋ nè Tǎt am, tǎt am mè ngu àghɨ yeamɔꞋ nè nà̧. Bɨ màà mbakà wu ebɨ̧ɨ̧ne, bɨ bɨ̧ɨ̧ne nkàà mènəè maa è ngua ngɨ̀à la.


Mâ ghɨ̀ ale, è nka ghɨ èghɨ kà wòt tsa li mè ghɨ̌ a kètsìà wɔb, ko bɔ bakà ko laꞋ nê, bɔ wu bòt mènəè kàbɔ̀ŋ, ka nè àfɨ̀Ꞌ yaa, bɔ ye èghɨ mbɔŋ, mbɔ̂ me pààbè awa ba Tǎt am.


Yesò lɔ̀Ꞌ ngɨ̀ ànəê yaa a Kanà, a èbem àlaꞋ a Galìlî è wû ànəa mbì a kà ye fɨ̀Ꞌ tà li ngɨ̀ bòt e ye ènɨ̧ tò la. Bɔkatè tò e ye ale, ndzì èntɨ̧ɨ̧ wɔb ane tò.


È wu ètsəꞋ ane àli ako tà gha àdziꞋa Yesò naa tsèka la shu abua atò nê, “Labȩ̀, ba ko nê à wu nyɨꞋtà Mbɔ̧ɔ̧mà tsàà la, nkàà nê Mbɔ̧ɔ̧mà bakà wu nè wòt, tà kà ko ngɨ̀ tèwuute ènəê kà ye fɨ̀Ꞌ taa àa ngɨ̀à la.”


Ale bɔɔjuŋ Bèjuê e shu abua mbê wu bɔ bə atò la nê, “Laane wu àliapfəè, mbɨ̧ ta te bakà bɨ̧̀ɨ̧̀ne laꞋnê, ŋeꞋa matà wê ane èwuu àli yàa.”


“Ka èghɨ màa ngɨ̀à la aà nyɨ̀Ꞌta wòt è ngu wùà la, tè ntsè àghɨa a li nyɨ̀Ꞌte ane ànəa Jɔ̌n li shu ane yaã la, nkàà nê e ngu anè ngɨ̀à èghɨ bu Tǎt am li nê è mpaa ngɨ̀ la. Wu bùà bu èa nyɨ̀Ꞌta nê tòà ka tà tsàà am la.


Tà làꞋ ale Bèjuê bu e bùꞋ me yɔ̌ a kètsìà wɔb shua nê, “Mbê waa ghɨ̀ na ka nê yea ŋa mbɨ̧̀ ènyit zi abua ya baa kwele à?”


Ènɔ̧̂ bòt bu abot la e ghɨ̀ ale ntaꞋa làꞋa adù̧ èlen tò. Bòt ko e ghɨ̀ ale me shu nê tà wu wòt ntsɔ̧̀. Ka èbeko e me shu nê, “ChaꞋ, tàà ntsòkà ètsə bòt.”


Tè bɨ wu naŋe waã ane àliapfəè, bɨ̀a mbɔ̀a mbɨ̀Ꞌɨ̀ ka bɨ pààtè mbɨ̧ Musì la, mmɔ̌ mbɔŋ è ngɨa wòt pem nenkèm ane àlia mbɔŋ bɨ wua ntsòa ane yaã ne ghàà?


Bòt bu e me kààne ànəa Yesò ale tè ntsìꞋi a mètsəê a mètsəê.


Bɔ ghɨ̀ ale mè ntɔ wòt wu àghɨ a tò a li ndzaã ndem la, shu abua tò nê, “WùꞋte a Mbɔ̧ɔ̧mà, ba ko nê mbê waa tà bə awê la wu wòt kàbɔ̀ŋ.”


Ènɔ̧̂ bòt bu àpfəèà nɨ̧ yu la e ghàbtè èbà bebe, bòt ko e tɨ̧ɨ̧ akwene Bèjuê, èbeko e tɨ̧ɨ̧ akwene bɔntu̧ Yesò bu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ