Jɔ̌n 8:48 - Mundani

⁴⁸ Mbɨ̀Ꞌɨ̀ Yesò làꞋ ale la, Bèjuê bu e bɨ̀ɨ̀le nê, “Tè bà ka shua nkûŋ nê, à wu wòt Sàmalìà, mè mbɔ̂ fo kàbɔ̀ŋ ane yê?”

Jɔ̌n 8:48 ပူးပေါင်းရင်းမြစ်များ

Matìù 10:25

Ale, wakatè è tsìꞋa mbɨ̀Ꞌɨ̀ nyɨꞋta vi, tà wùꞋtè àvi. WafàꞋ è tsìꞋa mbɨ̀Ꞌɨ̀ tǎt àfàꞋ vi, tà wùꞋtè àvi mɨ̧̂. Bɔ wu tsì èlen tǎt lob ane Belzebùl, ko bɔɔ tɔ bòt lob tò ane tèlente kàbɔ̀ŋ te tsě.

Matìù 10:5

Yesò li ntsà bɔntu̧ bi bàa ntsɔ̀b babe la àbȩ shu abua yɔb nê, “Bɨ̀ ka ngà àdziꞋa ko a èbem àlaꞋ a bòt kà wu Bèjuê. Bɨ̀ ka ngà ka wuê a èbem àpfəa ko ane èpfəè bòt Sàmalìà.

Matìù 11:18

Jɔ̌n li nkɨ̀Ꞌɨ̂ me tseke ndzìtsə, tà kà meè ngua nua mèlùꞋ, bɔ nê, ‘Tà bɔ fo kàbɔ̀ŋ.’

Matìù 12:24

Ka Bèfalèsiì e zə ale, nê “Wu Belzebùl, fɔ̧̀ fote kàbɔ̀ŋ ka tàa ŋǎ tò mètàŋ tà nɨa fəèà fote kàbɔ̀ŋ ko la.”

Matìù 12:31

È wu ale, tsiꞋ è shu awɨ̧ nê wòt ghɨa kàbɔ̀ŋ kò ntsòkè èlen wòt kǒ leꞋ, ko betsiꞋa Mbɔ̧ɔ̧mà wàꞋa a kàbɔ̀ŋ tò, ka wòt tà tsòkè èlen Fo Mbɔ̧ɔ̧mà la Mbɔ̧ɔ̧mà ka waꞋa kàbɔ̀ŋ ŋut a.

Matìù 15:7

KwàꞋ bɨ̀a wàà bɨ̀a shua nê bɨ wu àghɨa kà wu yùà la! Àsayà li ndàꞋà nkûŋ zi ane yɨ̧ àfɨꞋa tà li nê Mbɔ̧ɔ̧mà laꞋnê:

Jɔ̌n 1:19

È li ngu àfɨ̀Ꞌ àko, bɔɔjuŋ Bèjuê a Jèlusalèm e tsàà bèntsìà mèpɨ̧̀ Mbɔ̧ɔ̧mà, nè bòt àndǎ̧ Levì nê, bɔ̀ kɨꞋɨ mbììte a Jɔ̌n nê tà wu wà leꞋ.

Jɔ̌n 10:20

tè àbəèꞋ àyɔb nyaŋ a nê, “Tà bɔ fo kàbɔ̀ŋ ane zi, mè mbe.” Bɔ ghɨ̀ na ka me yute ànəa tà shua la à?

Jɔ̌n 13:13

Bɨa ntɔ am ane nyɨꞋtà, mè ntɔ am ane tǎt wɨ̧ mbɔ̂ ngua shua nkûŋ, nkàà nê e ye wu àghɨa è ngu yùà la.

Jɔ̌n 4:9

Vi Sàmalìà waa, bììte atò nê “Àwɔ̀ à wu wòt Juê la, à ghɨ̀ na ka me lo̧o̧ mèleb abua am e ngu vi Sàmalìà la à?” (Tàà mbììte ale ngu ndɨ̀ wu Bèjuê bɔ̂ bòt Sàmalìà àa ka fɔte èghɨ mbà̧à̧tê la.)

Jɔ̌n 7:20

Ènɔ̧̂ bòt bu e bɨ̀ɨ̀lè nê “À bɔ fo kàbɔ̀ŋ ane yê! Wǎ nàa nkɨ ebuŋe awê à?”

Jɔ̌n 8:22

Tà làꞋ ale, bɔɔjuŋ Bèjuê bu e laꞋa kètsìà wɔb nê, “Tàa nê nko nê ye tsiꞋa nkɨ ebùŋè àvi, na tà tsiꞋa shua nê betsiꞋa bà ka kɨꞋɨ̀ àdziꞋa ye gha la à?”

Jɔ̌n 8:52

Bèjuê bu e shu abua tò nê, “Ba lâ nko àfɨ̀Ꞌ yaa nê, à bɔ fo kàbɔ̀ŋ ane yê. Abàlàghâm li mpfə, bèndàꞋàtɔŋ Mbɔ̧ɔ̧mà e pfəꞋtè àyɔb mɨ̧̂, ka à bɔ̂ me shu nê, wòt tàa ngɨ̀à àghɨa à shu la ka li epfə a.

Lûm 15:3

Yesò Klistò li tà kà ghɨ̂ wuê àghɨa àa mbɔ̀ àvi la. A wu mbɨ̀Ꞌɨ̀ bɔ shɨ ànəa tò a èbem Àkata Mbɔ̧ɔ̧mà la nê, “Tèntsɔ̧̀ɔ̧̀mè tu bòt e li ntsɔ̧̀ɔ̧̀te àwê adù̧ la tê nɔ̀ŋke a ègwet laã.”

Ebùlù 13:13

Ale, bɨ̀ ghɨa bà dzə a èbem àpfəè nga àbȩ nkwene ane tò, mbɔ̀ àtsəa kɔꞋɔ, mbɨ̀Ꞌɨ̀ tà li mbɔŋ la.

Jimsì 2:19

Bɨ bɨ̧ɨ̧ne nê Mbɔ̧ɔ̧mà nàà wemɔ̀Ꞌ ale nko nê bɨ ghɨ ntsɔ̧̀. Ka wuê fote kàbɔ̀ŋ tè bɨ̧ɨ̧ne ayɔb mɨ̧̂, tè me benta mbɔ̀ɔ.