Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jɔ̌n 8:32 - Mundani

32 ko bɨa ko ànəa nkûŋ yu è dzəâ abua Mbɔ̧ɔ̧mà la, naa ghɨ̌ bɨa bakà tsi ngu èbùꞋ.”

အခန်းကိုကြည့်ပါ။ ကော်ပီ




Jɔ̌n 8:32
42 ပူးပေါင်းရင်းမြစ်များ  

Bɨ bɨ̧ɨ̧nè mèngǎ̧ mɔ̧, ka è màà ndèt ntsèa wɨ̧, mè me kùŋè tèka taã, ko mèntɨ̧ɨ̧ mɨ̧ naa yète, nkàà nê mènəè mɔ̧ naa njùa, e mè mbɔ àbɔɔla èntɨ̧ɨ̧.


Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.


È wu nè ànəê mbɨ̧te Mbɔ̧ɔ̧mà ko Mbɔ̧ɔ̧mà li ndzi a tèkitebu Musì ka tà ŋǎ abua bɔbȩ, è me wu èkɔŋ nè nkûŋ, ta tsaa a Yesò Klistò ka tà kɨ̀Ꞌɨ̂ nyɨ̀Ꞌte awa.


Yesò shu abua tò nê, “E ngu alu̧, è ngu nkûŋ, è ngu mèmpème. BetsiꞋa wòt kà gha abua Tǎt am, kà tse abua am.


Fo Mbɔ̧ɔ̧mà yu nàa nyɨ̀Ꞌta nkûŋ la naa me ghɨ̀ tê nkɨ̀Ꞌɨ̂, ngɨ̀ bɨ ko nkûŋ ègème è dzə abua Mbɔ̧ɔ̧mà la, nkàà nê tà kà gha elàꞋa ànəa zi zìambɔŋ. Taa làꞋà wuê ànəa ye zə la, mè shu awɨ̧ mènəè nàa li ghɨ̀ la.


TsiꞋ èngǎ̧ wê wu è wu nkûŋ la è ghɨa awɔb bɔ̀ tsiꞋi mbɨ̀Ꞌɨ̀ àwɔ̀ nkûŋ nkûŋ.


Bɔ shɨ a èbem àkata bèndàꞋàtɔŋ nê ‘Wòt tàa li me nyɨꞋte bòt la wu Mbɔ̧ɔ̧mà’. È wu ale, wòt ègème tà ŋa àtû̧ azi abua Mbɔ̧ɔ̧mà ndzə ànəa èngǎ̧ tò e shua la, naa kɨꞋɨ abua am.


Wòt tàa nkɨ e ghɨ̀ àghɨa Mbɔ̧ɔ̧mà nàa nkɨà la, wu tòà ka tàa ko nê èghɨ bàa e nyɨꞋtà la e dzəa abua Mbɔ̧ɔ̧mà ko abua am leꞋ la.


Ale, Waã Mbɔ̧ɔ̧mà nàŋa ndzà wê sàŋ, à ko nê, à chɨɨme mpem.


Ka àfɨ̀Ꞌ yaa Mbɔ̧ɔ̧mà tsì àwɨ̧ a èbem kàbɔ̀ŋ, bɨ tsiꞋi èbùꞋ tò la, àbȩ̀ yɨ̧ wu àghɨ yu a ghɨ̂ bɨ tsiꞋa ngɨ̀à wuê èghɨ bu àa mbɔ̀ Mbɔ̧ɔ̧mà, àa ghɨ̌ bɨa li bɔ mèmpème kàlìà la.


Fo yu Mbɔ̧ɔ̧mà li ŋa abua yɨ̧ la bakà ghɨ awɨ̧ ane èbùꞋ, e ghɨ̌ bɨa me bɔa, ka tà ŋa awɨ̧ Fo è ghɨ̌ bɨ tsiꞋi bɔ̧ tò la. Eyaa wu lə bàa ngɨ̀ bàà dɨa bà tɔ Mbɔ̧ɔ̧mà, baa nê, “Tè leꞋ! Tǎt wa leꞋ!”


Mbɨ̧ Fo Mbɔ̧ɔ̧mà yu nàa ngɨ̀à wòt bɔ̌ mèntsèke fi, ndɨ̀ wu tà tsìꞋi àghɨ yeamɔꞋ nè Yesò Klistò la, è tsì mbɨ̧ yu a ègwet laã nàa ngɨ̀à e ngɨa kàbɔ̀ŋ, è mè nɨa èvə nkɨ̀Ꞌa adù̧ yaã la.


Bɨ̀ ko nê Mbɔ̧ɔ̧mà me tɔ wòt tà wua àbùꞋ, ko Yesò Klistò yaa tò tè sàŋ. We Mbɔ̧ɔ̧mà me tɔ atò tà kà wu àbùꞋ la è tsìꞋi àbùꞋ a Yesò.


Yesò Klistò li ndzà àwa ntsì a èbem mbɨ̧te Musì, è wu ale bɨ̀ ŋwètè èka bɨ̧ a si ntsɔ̧̀, bɨ̀ ka mbɨ̧̀ɨ̧̀ne àghɨa ko a mè ngɨ̀ bɨ tsiꞋi èbùꞋ.


Bɔnyɨ bɔ̧, Fo Mbɔ̧ɔ̧mà tɔ awɨ̧ nê bɨ̀ ka tsi mbɨ̧̀ɨ̧̀ne èbùꞋ abua mbɨ̧te Musì, wuê nê bɨ̀ ka nɨ àyea mbɔŋ mbɨ̀Ꞌɨ̀ alu̧ a màngɨa àghɨa mbɨ̧te ènyit tɨ̧ tèa nkɨà la, ka bɨ̀ me kɔ̀ŋkè bɔnyɨ bɨ̧ mbɔ̂ ntɨ̀ŋe awɔb.


Bɔɔ̀ ntsèka nkɨ̌ eko mènəè, ka bɔ̀ ka wu me pfə eko nkûŋ.


Ka wòt me zə wuê ngule mbɨ̧ Yesò yu è fete mbɨ̧tsə tègème la, e yu nàa ndzàà wɔ̀bȩ̂ sà la, nkù̧ù̧ta wuê yùà, tà kà zə e bê lèène, mbɔ̂ me ghɨ wuê mbɨ̀Ꞌɨ̀ è shua la, ko Mbɔ̧ɔ̧mà naa li lɔ̀ɔ̀le atò ane àghɨa tàa ngɨ̀à la.


Bɨa me làꞋa mè ngɨ̀à mènəè bɨ ko nê, bɔɔ li nɨ mbɨ̧ yu nàa ndzàà bòt sà la ka enɨ saꞋa awɨ̧.


Bɨ̀ me tseke mbɨꞋɨ̀ bòt Yesò yàà àwɔb la, ka bɨ̀ ka nɨ̀ àyea ngaa mbɨ̀Ꞌɨ̀ alu̧ a màngɨa kàbɔ̀ŋ. Bɨ̀ tsiꞋi ŋa awɨ̧ abua Mbɔ̧ɔ̧mà mbɨ̀Ꞌɨ̀ èbùꞋ tò.


Letà Wajûŋ ayɔɔ bòt Yesò, Abua Mè wu Mbɔ̧ɔ̧mà làà atò la bɔ̂ bɔ̧ bi. Maà ndâ nkɔ̀ŋkà àwɨ̧ ane nkûŋ yu ane ànəa Mbɔ̧ɔ̧mà la. È ntsě wuê ndàꞋà mmɔ̌ màa nkɔ̀ŋkà àwɨ̧ la, waa waa tà ko èngǎ̧ nkûŋ la nàà nkɔ̀ŋkà àwɨ̧ mɨ̧̂.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ