Yesò bɨ̀ɨ̀lè nê “ÈkaꞋà e bele nè nɨ̧̀ ane ketem àfɨ̀Ꞌ àko. Bɨ̀ me ghȩȩne àfɨ̀Ꞌ yaa èkaꞋà è bele la, mbɨ̀Ꞌɨ̀ ka ndzěm kwene ane yɨ̧. Wòt nàa ngɨ̀ tà me ghȩ̀ȩ̀ne a èbem ndzěm tà kà ko àdziꞋa ye ghà la.
Àghɨa a ghɨ̂ àyea bòt a bɨ la wu nê, èkaꞋà e kɨꞋɨ a ngɔ̀ŋ, ka bòt e bɔ̂ me kɔ̀ŋkè ndzěm ntsèa èkaꞋà wu, nkàà mènəè kàbɔ̀ŋ bɔ̀ɔ ngɨ̀à la.
Mbɔ̧ɔ̧mà li tà kà sa bɔntu̧ bi bu bɔ li ngɨa kàbɔ̀ŋ la bɔɔ gha àku. Tà li màꞋà wɔb a èbem nkɨ̀Ꞌnè ngoꞋ, àdziꞋa bɔ kuule awɔb ane fȩtsə nɔ̀ŋè a èbem kèbìꞋà me chɨ̀Ꞌɨ̀ Àlia èsaꞋa Mbɔ̧ɔ̧mà la.
Ale, ba me shu nê, ba tsiꞋi àghɨ yeamɔꞋ nè Mbɔ̧ɔ̧mà ka mbɔ̂ me ghɨ̀ mènəè ndzěm, ko ba tsiꞋi bòt mèfà̧, èghɨ bàa ngɨ̀à mè shua la ka wu nkûŋ.
Bɨ̀ ku̧u̧te ànəa bɔntu̧ Mbɔ̧ɔ̧mà bu bɔ li ngwaꞋa àdziꞋa tà tsia awɔb la ntsiꞋi me ghɨ a èlɨ tsa la. Tà kuule awɔb ane fȩte kà wu li loote, nɔ̀ŋè àwɔb a èbem kèbìꞋà me chɨ̀Ꞌɨ̀ àli yu tàa li saꞋa ngɔ̀ŋ yaa la.