Jɔ̌n 7:41 - Mundani

⁴¹ Èbeko e nê, “Eyaa wu Fɔ̧̀ wu Mbɔ̧ɔ̧mà li ndzɔꞋ etsàà la.” Ka èbeko e nê “Fɔ̧̀ wu Mbɔ̧ɔ̧mà li ndzɔꞋ etsàà la gha edzə ale wuê nè Galìlî leꞋ?

Jɔ̌n 7:41 ပူးပေါင်းရင်းမြစ်များ

Jɔ̌n 1:41

Ale, tà bê ngà nkɨ wanyɨ vi Simùn shu abua tò nê, “Ba yea Klistò, Fɔ̧̀ wu Mbɔ̧ɔ̧mà li ndzɔꞋ etsàà la.”

Jɔ̌n 1:46

Nàtanìà bììte atò nê. “Tè betsiꞋa ngule àghɨa ntsɔ̧̀ àko a dzə a Nazàlet?” Filìb shu abua tò nê, “KɨꞋɨ ngà ndze àwɔ̀ mbɔŋ.”

Jɔ̌n 1:49

Nàtanìà nê, “NyɨꞋtà, à wu Waã Mbɔ̧ɔ̧mà! À wu Fɔ̧̀ bòt Izəèlȩê!”

Jɔ̌n 4:25

Tà làꞋ ale, àvi wu shu abua tò nê, “Mâ ko nê Fɔ̧̀ wu Mbɔ̧ɔ̧mà li ndzɔꞋ etsàà la, e wu bɔ̀ɔ ntɔ atò nê Klistò la nàà nkɨ̀Ꞌa. Taa kɨꞋɨ e shua wa mènəè ègème.”

Jɔ̌n 4:29

“Bɨ̀ kɨꞋɨ ndzě wòt kǒ tà shua am àghɨ àgème mâ li me ghɨ̀ la. Tè eyaa ntsě Fɔ̧̀ wu Mbɔ̧ɔ̧mà li ndzɔꞋ etsàà la à?”

Jɔ̌n 4:42

Bòt bu e shu abua àvi wu nê “Bà ka zià mèntɨ̧ɨ̧ ma ane tò àfɨ̀Ꞌ yaa nkàà ànəa à yaã shua wa la, ba tsiꞋa ndzìà nkàà nê bàambɔŋ e zə ànəa tà làꞋà la, mè nko nê tà lâ ngu Mpemnà bòt ngɔ̀ŋ yaa.”

Jɔ̌n 6:69

Ba bɨ̧ɨ̧ne mè nko nê, à wu ngule wòt wu Mbɔ̧ɔ̧mà tsàà la.”

Jɔ̌n 7:27

Fɔ̧̀ wu Mbɔ̧ɔ̧mà li ndzɔꞋ etsàà la naa li nkɨ̀Ꞌɨ̂ wòt kà ko àdziꞋa tà dzəè la, è me wua mbê waa ko ba koê àdziꞋa tà dzəè la.”

Jɔ̌n 7:31

Ka bòt nyaŋ ayɔɔ ènɔ̧̂ bòt bu e ghɨ̀ ale ndzì mèntɨ̧ɨ̧ mɔb ane tò tè me làꞋa shua nê, “Tè Fɔ̧̀ wu Mbɔ̧ɔ̧mà li ndzɔꞋ etsàà la naa li kɨꞋɨ e ghɨ̀ tèwuute ènəê kà ye fɨ̀Ꞌ te tsè è taa mbê waa ghɨ̀ la à?”

Jɔ̌n 7:52

Tà làꞋ ale, bɔ biite atò nê, “À dzəèa yê a Galìlî mɨ̧̂? Tɔ èngǎ̧ Mbɔ̧ɔ̧mà ndzè na àa zə nê, betsiꞋa ndàꞋàtɔŋ Mbɔ̧ɔ̧mà kǒ ka dzəa Galìlî la.” [