Jɔ̌n 7:35 - Mundani

³⁵ ÀfɨꞋa mbɔŋ Bèjuê bu e bùꞋ me biite a kètsìà wɔb nê, “Mbê waa kɨ ghà neŋǎ kà ba wu eye atò à? Tè tà kɨ ghǎ àlaꞋ a bòt Glɨ̂k, àdziꞋa bòt baa ko àa ntsèka la, mbɨ̀Ꞌɨ̀ me nyɨꞋte awɔb?

Jɔ̌n 7:35 ပူးပေါင်းရင်းမြစ်များ

Matìù 12:21

ÈlaꞋ ègème aa li ezi ntɨ̀ yɔb ane èlen tò.”

Lûk 2:32

Taa ale nguê mbɨ̀Ꞌɨ̀ èkaꞋà àa nyɨꞋte alu̧ wê abua bòt kà wu Bèjuê la. Taa li ghɨ̌ bòt aa kɨꞋɨ ekukte bòt bê bu, è wu bòt Izəèlȩê la.”

Jɔ̌n 12:20

Bòt Glɨ̂k ko e li ngu àyɔb ayɔɔ bòt bu bɔ kɔꞋ ngà a Jèlusalèm àdziꞋa èpǎ̧ wu ewùꞋte a Mbɔ̧ɔ̧mà la.

Jɔ̌n 7:1

Mbɨ̀Ꞌɨ̀ mènəè maa ègème tsè la, Yesò me ghȩȩne àdziꞋ èdziꞋ a èbem àlaꞋ a Galìlî. Tà ghɨ̀ ale tà kà gha a Jùdià nkàà nê bɔɔjuŋ Bèjuê bu abot la e li ngua nkɨà èlu̧ ebùŋe atò.

Jɔ̌n 8:22

Tà làꞋ ale, bɔɔjuŋ Bèjuê bu e laꞋa kètsìà wɔb nê, “Tàa nê nko nê ye tsiꞋa nkɨ ebùŋè àvi, na tà tsiꞋa shua nê betsiꞋa bà ka kɨꞋɨ̀ àdziꞋa ye gha la à?”

ÀfaꞋa 11:18

ÀfɨꞋa bɔ zə èngǎ̧ waa la, bɔ̀ ka tsi feele a Pità. Bɔ bùꞋ ntsiꞋi me wùꞋte a Mbɔ̧ɔ̧mà shua nê, “Ale Mbɔ̧ɔ̧mà ghɨ̀ ndɨ bòt kà wu Bèjuê àa waꞋa mènəè kàbɔ̀ŋ mɔb ebɔ mèmpème mɨ̧̂ la.”

ÀfaꞋa 11:20

Ka bòt ko, bɔ dzəa Sȩplùs nè Silenè la, e gha a Antìɔ̀k me tsɔ̀te Ntu̧ Ntsɔ̧̀ Yesò Lefɨ̀Ꞌ abua bòt kà wu Bèjuê mɨ̧̂.

ÀfaꞋa 14:1

Pɔ̂l bɔ̂ Bànabasì e li nga a Èkonìòm ale, mènəè bê nguê mbɨ̀Ꞌɨ̀ è li ntse a Antìɔ̀k la. Bɔ li nyi a èbem lob Mbɔ̧ɔ̧mà ndàꞋ èngǎ̧ e kweelè tè Bèjuê nyaŋ nè bòt kà wu Bèjuê e zì mèntɨ̧ɨ̧ mɔb ane Yesò.

ÀfaꞋa 17:4

ÀbəèꞋ àko ane yɔb a bɨ̧ɨ̧nè ànəa Pɔ̂l shua la tè fɔ̀te awɔb bɔ̂ Sȩlàs. Èngǎ̧ wu e ghɨ̀ tè bòt Glɨ̂k nyaŋ bɔ̀ɔ ngùꞋtà Mbɔ̧ɔ̧mà la nè bèzi kekweelè ko e fɔte ane Pɔ̂l ba mɨ̧̂.

ÀfaꞋa 18:4

È ghɨ̀ è wu àliapfəèa àgème tà gha a lob Mbɔ̧ɔ̧mà me mù mènəè tò, nê ye kɨ e ghɨ̌ Bèjuê nè bòt kà wu Bèjuê aa zì mèntɨ̧ɨ̧ mɔb ane Yesò.

ÀfaꞋa 21:21

Bòt ko e shu awa nê, àà ngȩ̀ȩ̀nà shua abua Bèjuê bu bèa ntsèka ayɔɔ bòt kà wu Bèjuê la nê, bɔ̀ ka tsi nkùŋè mbɨ̧te Musì, bɔ̀ ka tsi nàŋe bɔ̧ bɔb, bɔ̀ ka tsi nkùŋè mènəè ndɨ̧ Bèjuê.

ÀfaꞋa 22:21

“Yesò shu abua am nê, ‘Dù, nkàà nê maa nga etsàà awê a endɨ̌ abua bòt kà wu Bèjuê.’ ”

Lûm 1:16

Maà kà bɔ àtsəa kɔꞋɔ a ane Ntu̧ Ntsɔ̧̀ Mbɔ̧ɔ̧mà, nkàà nê, wu mètàŋ Mbɔ̧ɔ̧mà màa nɨa ntsɔ̀tà Ntu̧ Ntsɔ̧̀ yu nàa ngɨ̀à waa waa tà zi èntɨ̧ɨ̧ vi ane Yesò la peme la, ebùꞋu ane Bèjuê bu èngǎ̧ mbɔŋ e li mbɨ̀ abua yɔb la, eghǎ wu ane bòt kà wu Bèjuê.

Efesɔ̀s 3:8

Mâ batè nkuà nè kwèn tè ntse a tandiakwèn ane bòt Mbɔ̧ɔ̧mà, ka Mbɔ̧ɔ̧mà li nkɔ̀ŋkè am, ŋà am àfàꞋ yaa nê, è me tsɔ̀te Ntu̧ Ntsɔ̧̀ abua bòt kà wu Bèjuê shua awɔb ànəa èwuu èghɨ ntsɔ̧̀ bu Yesò Klistò nàa ŋǎ la.

Kɔ̀losìà 1:27

Mbɔ̧ɔ̧mà kɔ̀ŋkè nê yea tùꞋu ànəa ndò̧ zi yu abua yɔb mbɨ̀Ꞌɨ̀ nɨ enyɨꞋte ndɨ yea mbà̧aã bòt èlaꞋ ègème ntsɔ̧̀, ngɨ̀à bɔ bɔ èghɨ ntsɔ̧̀ bu ègème àa ndzəa ane ntsèm yaa la. Ntsèm mbɔŋ wu nê, Yesò Klistò wu a mèntɨ̧ɨ̧ mɨ̧. Àyaa a wua shua nê, bɨà li ewu ne Mbɔ̧ɔ̧mà a èbem ènɨ̧ tò.

1 Tɔ̀màtià 2:7

Eyaa wu lə Mbɔ̧ɔ̧mà li ndzì am ane wantu̧ vi nê, è me tsɔ̀te ntu̧ yaa abua bòt kà wu Bèjuê la. Tà li nê, è nyɨꞋte èngǎ̧ vi wu è wû nkûŋ la abua bòt, mbɨ̀Ꞌɨ̀ bɔɔ la ebɨ̧ɨ̧ne. È nka laꞋà mèfà̧. E shua nkûŋ.

2 Tɔ̀màtià 1:11

Mbɔ̧ɔ̧mà è lȩ̀ am ane wantu̧ vi nê è nyɨꞋte mè ntsɔ̀tè Ntu̧ Ntsɔ̧̀ yu abua bɔbȩ.

Jimsì 1:1

Letà Jimsì wafàꞋ Mbɔ̧ɔ̧mà bɔ̂ Yesò Klistò Lefɨ̀Ꞌ, Abua bòt Mbɔ̧ɔ̧mà bu bɔ taatè me tseke a èdziꞋ èdziꞋ a ngɔ̀ŋ ŋaa la. Maà ntsàꞋtà àwɨ̧.

1 Pità 1:1

Letà Pità, wantu̧ Yesò Klistò, Abua bòt Mbɔ̧ɔ̧mà bu bɔ taa awɔb bɔ sàbtè ntsìꞋa ntsèkâ mbɨ̀Ꞌɨ̀ bègɨ̧̀ a Pontùs, nè Gàlashìà, nè Kàpàdosìà bɔ̂ Esìà nè Bìtinìà la.