Jɔ̌n 5:44 - Mundani

⁴⁴ Bɨ̀a nkɔ̀ŋkà wòt wɨ̧ naa me wùꞋtè wanyɨ vi, ka bɨ̀ ka wua nyɔ̀Ꞌtà nkɨ̌ è ghɨ̌ èghɨ ndàꞋa Mbɔ̧ɔ̧mà nàa wùꞋtè àwɨ̧ la.

Jɔ̌n 5:44 ပူးပေါင်းရင်းမြစ်များ

Matìù 23:5

“Bɔ̀ɔ ngɨ̀ bɔ̀ me ghɨ àghɨ àgème, bɔ wua nkɨ̀a wuê mbɨ̀Ꞌɨ̀ bòt aa me ye awɔb. Ye ndɨ è bɔb ne bakɔ̂b bu bɔ̀ɔ ndzìà èngǎ̧ Mbɔ̧ɔ̧mà nkùùla a mèsi mɔb la, bèa fàŋka la. Mè ndzì ndɨ bandǐ bu bɔ̀ɔ maꞋa àmî bɔb ntsàꞋte a Mbɔ̧ɔ̧mà la bèa sààtà la.

Lûk 19:17

“Ŋut wu shu abua wafàꞋ ngaa nê, ‘À ghɨ ntsɔ̧̀, à wu wafàꞋ ntsɔ̧̀! Ndɨ̀ wu à baãaãte àdziꞋ èkab wàa ntsɔ̧̀ la, maa tsia awê àtsəa èpfəè nɨ̧ èghem.’

Jɔ̌n 12:43

Bɔ me ghɨ ale ngu ndɨ bɔ̀ɔ nkɨà mèngùꞋte è dzə abua wɔ̀bȩ̂ la tè ntsè è me è dzə abua Mbɔ̧ɔ̧mà la.

Jɔ̌n 17:3

Mèmpème kàlìà maa wu nê, bòt è ko awê, àwɔ̀ wu à wu ndàꞋà Mbɔ̧ɔ̧mà tà wu yû̧ la, mè nkoa Yesò Klistò wu à tsàà la.

Jɔ̌n 3:20

Wòt ègème tàa ngɨa kàbɔ̀ŋ la nàà mpààbà èkaꞋà, tà kà wua nkɔ̀ŋkà ekɨꞋɨ a èbem èkaꞋà, mbɨ̀Ꞌɨ̀ ka bɔ gha ghɨ̌ ndzè mènəè kàbɔ̀ŋ tò.

Jɔ̌n 5:41

“Maa kà kɨ mèngùꞋte è dzə abua bɔbȩ la,

Jɔ̌n 8:43

Bɨ ghɨ̀ na bɨ̀ ka ko ànəa e shua la à? Wu nê bɨa kà mbê nkɨ ezə èngǎ̧ am.

Lûm 2:10

Ka Mbɔ̧ɔ̧mà bɔ̂ ngu wùꞋte, e kukte, e mě ŋa àlàŋkà èntɨ̧ɨ̧ abua waa waa tàa ngɨ̀a ntsɔ̧̀ la, ebùꞋu ane Bèjuê bu bɔ li mbɨ̀ ndzə èngǎ̧ Mbɔ̧ɔ̧mà la, eghǎ wu ane bòt kà wu Bèjuê.

Lûm 2:29

Wòt tà wu ngule wòt Juê la wu wu tàa ale ane èntɨ̧ɨ̧ vi la. E lâ naŋe wòt mbɨ̀Ꞌɨ̀ tàa tsiꞋi wòt Mbɔ̧ɔ̧mà, mě ngu ànəa èntɨ̧ɨ̧. Wu Fo Mbɔ̧ɔ̧mà ka tàa nàŋa wòt a èlɨ̀ waa la, è ntsě a màngɨa mbɨ̀Ꞌɨ̀ mbɨ̧ nàa shua la. Wɔ̀bȩ̂ màà mbakà wuꞋte èwuu wòt waa, ko Mbɔ̧ɔ̧mà naa wùꞋtè atò.

Lûm 2:7

È me wu bòt bu bɔ̀ɔ nkùùla mèntɨ̧ɨ̧ mɔb ngɨ̀à mènəè ntsɔ̧̀, nkɨà ènɨ̧, nkɨà kènùke, mè me kɨ e li tseke ane àlia nè àlia la, ko Mbɔ̧ɔ̧mà nàa ŋa awɔb mèmpème kàlìà.

1 Kɔlìn 4:5

È wu ale, bɨ̀ ka ndzìꞋ mbàŋè wòt kà àfɨ̀Ꞌ a zìꞋ nkùꞋ. Tè Yesò Klistò naa kɨꞋɨ kaa me bàŋe bòt. Taa li ghɨ̌ èghɨ ndò̧ bu bòt àa ngɨa a èbem ndzěm la aa pùùla ayaã, e ghɨ̌ bòt aa ye èghɨ waa waa nàa nkwaꞋta a èntɨ̧ɨ̧ vi la. ÀfɨꞋa mbɔŋ Mbɔ̧ɔ̧mà naa ŋa a waa waa mèngùꞋte è kuꞋu ane tò la.

2 Kɔlìn 10:18

Wòt me shu zìambɔŋ nê ye wu àghɨa ko, ko tà ntsě àghɨ. Wu wòt Mbɔ̧ɔ̧mà shu nê tà wu àghɨ la, ka tà lâ ngu àghɨ la.

Filìpȩ 2:3

Wòt ka me ghɨ̌ àghɨ nkɨà nê bɔ̀ me ye wuê avi kò shua nè ye ghe leꞋ. Ka waa waa nɨ avi a si a mbì bɔnyɨ bi, mè me nɨ awɔb mbɨ̀Ꞌɨ̀ bòt bɔ tsè àvi la.

1 Tèsàlonikà 2:6

Ba li bà ka wua nyɔ̀Ꞌtà nkɨà bòt aa me kukte awa ka wuê bɨ̀a kò bòt ko tsa leꞋ, è wu àghɨa bàa mbɨ̀Ꞌɨ̀ bɔntu̧ Yesò Klistò e wu ko e ghɨ̀ la.

1 Tɔ̀màtià 1:17

TsiꞋ bòt è wùꞋte a Mbɔ̧ɔ̧mà wu tà wu Fɔ̧̀ mè ngu wòt tàa mbà̧aã ngɔ̀ŋ àfɨ̀Ꞌ àgème la. Tà wu ndàꞋ Mbɔ̧ɔ̧mà wu tàa ka pfə, bɔ ka meè ngua dzea tò la. TsiꞋ mèngùꞋte wu abua tò ane àlia nè àlia. Àmèn.

Ebùlù 3:12

Bɔnyɨ bɔ̧, bɨ̀ me ko awɨ̧ mbɨ̀Ꞌɨ̀ ka wòt kǒ wu ane yɨ̧ nè èntɨ̧ɨ̧ kàbɔ̀ŋ, tè ntù̧u̧ a Mbɔ̧ɔ̧mà yû̧, tà kà tsi ngua nkuŋa tò.

Jimsì 2:1

Bɔnyɨ bɔ̧, ndɨ̀ wu bɨ zì mèntɨ̧ɨ̧ mɨ̧ ane Yesò Klistò Lefɨ̀Ꞌ wa wu ènɨ̧ tò e ghe la, bɨ̀ ka me baãaãte bòt ndȩ̀à mèsi.

1 Pità 1:7

NgoꞋte mbɔŋ te ye awɨ̧ anè, mbɨ̀Ꞌɨ̀ bɔɔ ye nê bɨ zì mèntɨ̧ɨ̧ mɨ̧ ane Yesò nkûŋ nkûŋ. Ka è màà ngu wuê goêl wu è wù àghɨa betsiꞋa a bɨ la, ko bɔ̀ɔ ngɨ̀ bɔ to̧ a èbem èwet, ngɨ̀ mèkɔb mu adù̧ la dzəè. Mèntɨ̧ɨ̧ mɨ̧ mu bɨ zi ane Yesò la, è taꞋa tsèa goêl. Ale, ngoꞋtsə te bɔ ndɨ tèa nyìꞋì àwɨ̧ mbɨ̀Ꞌɨ̀ bɨa paa ezì mèntɨ̧ɨ̧ mɨ̧ ane Yesò la. A wu ale, ko Mbɔ̧ɔ̧mà naa li ewùꞋtè àwɨ̧, e mèe lɔ̀kè èlen lɨ̧ a ègwet ane àli yu Yesò Klistò nàa li kɨꞋɨ la.

Jûd 1:25

Maà shù̧ù̧ta nê Yesò Klistò Lefɨ̀Ꞌ wa ghɨa bòt è ŋa mèngùꞋte abua tò wu tà wu ndàꞋ Mbɔ̧ɔ̧mà mè ngu Mpemnà wa la. Ètɨ̧̂ ègème, nè mètàŋ ègème e wu abua tò. Kèfɔ̧̀ wu we tò, e bùꞋù tê àfɨꞋa mbì, mè mbèle àfɨ̀Ꞌ yaa, mè ngu ewu ane àlia nè àlia. Àmèn.