Jɔ̌n 5:42 - Mundani

⁴² ka mâ ko àghɨa bɨ̀ wu yùà la. Mâ ko nê, bɨà kà lâ nkɔ̀ŋkè a Mbɔ̧ɔ̧mà.

Jɔ̌n 5:42 ပူးပေါင်းရင်းမြစ်များ

Lûk 16:15

Yesò shu abua yɔb nê, “Wu bɨ̀a bɨ̀a ŋèꞋa wɨ̧ a ègwet a mbì bòt nê mènəè mɨ̧ tɨ̧ɨ̧ ndɨŋndɨ̀ŋ la, ka Mbɔ̧ɔ̧mà bɔ̂ ko mèntɨ̧ɨ̧ mɨ̧. Bɨ̀ ko nê àghɨa bòt àa nɨ̀a nê wu taꞋa àghɨ la, a bakà kùꞋ àghɨ a mbì Mbɔ̧ɔ̧mà.

Jɔ̌n 2:25

Ale, wòt ka tsi mbɔ̌ ndɨ tàa mèe shua tò àghɨa bɔ̀ wu yùà la nkàà nê tà ko àghɨa àa èntɨ̧ɨ̧ wɔ̀bȩ̂ la.

Jɔ̌n 21:17

Yesò mè nkwetê mbììte atò nê, “Simùn waã Jɔ̌n, tè àà nkɔ̀ŋkà am?” Tà biite ale, a saa Pità nkàà nê tàà mbììta ale è wu ngò̧ tetat tà biite atò nê, “tè àa nkɔ̀ŋkè am” la. Tà ghɨ̀ ale mbɔ̂ shu abua Yesò nê, “Tê, à ko ànəa àgème, à ko nê, maà nkɔ̀ŋkà wê.” Yesò shu abua tò nê, “Me jɨɨ njɨ̀ taã.

Jɔ̌n 5:41

“Maa kà kɨ mèngùꞋte è dzə abua bɔbȩ la,

Jɔ̌n 5:43

Mâ kɨꞋɨ ane èlen Tǎt am, bɨ̀ ka wua nkɨ eyute ànəa e shua la, ka wòt kǒ tsa ghɨ̀ ale nkɨ̀Ꞌɨ̂ ane èlen li zìambɔŋ ko bɨ bɨ̧ɨ̧ne ànəa ŋut shua la.

Jɔ̌n 5:44

Bɨ̀a nkɔ̀ŋkà wòt wɨ̧ naa me wùꞋtè wanyɨ vi, ka bɨ̀ ka wua nyɔ̀Ꞌtà nkɨ̌ è ghɨ̌ èghɨ ndàꞋa Mbɔ̧ɔ̧mà nàa wùꞋtè àwɨ̧ la.

Jɔ̌n 8:42

Yesò mè shu abua yɔb nê, “Mbɔ̧ɔ̧mà ghɨ̀ ale ndâ ngu tǎt wɨ̧, ko bɨa nkɔ̀ŋkè am, nkàà nê e dzəè abua tò ka nkɨ̀Ꞌɨ̂, è nka kɨꞋɨ àtsə am mmɔ̌ mbɔŋ, tòà ka tà tsàà am la.

Jɔ̌n 8:47

Wòt tà wu wê Mbɔ̧ɔ̧mà la nàà njùta mèngǎ̧ tò. Lə yu bɨ̀a ka kɨ eyute mèngǎ̧ mbɔŋ la wu nê, bɨ ntsě bòt Mbɔ̧ɔ̧mà.”

Jɔ̌n 8:55

Bɨ te bakà ko atò, ka e mbɔ̂ nko atò. E nê, e mbakà ko atò, ko maa wu wòt mèfà̧ mbɨ̀Ꞌɨ̀ bɨ̀a, ka mâ lâ nko atò, mè me ghɨ̀ àghɨa tà shu la.

Lûm 8:7

Wòt tàa mɨ̀ɨ̀tà wuê ànəa èghɨ mbɨ̧̀ ènyit nàa nkɨà la, wu wɔ̀mbù̧ Mbɔ̧ɔ̧mà. Tàà kà ghɨ̀ àghɨa mbɨ̧ Mbɔ̧ɔ̧mà nàa shua la, ane nkûŋ betsiꞋa tà kà bê nko nɔ̀ŋè yùà.

1 Jɔ̌n 2:15

Ko mbɨ̀Ꞌɨ̀ wòt zì èntɨ̧ɨ̧ vi adù̧ ngɔ̀ŋ yaa kò ane èghɨ è wu a èbem ngɔ̀ŋ ngaa la leꞋ. Wòt zìà èntɨ̧ɨ̧ vi ane èghɨ ngɔ̀ŋ yaa tà ko nê èntɨ̧ɨ̧ vi e te ntsě ane Mbɔ̧ɔ̧mà.

1 Jɔ̌n 3:17

Wòt bɔ èghɨ nyaŋ a ngɔ̀ŋ ŋaa, wanyɨ tò wu ane mbuŋ, tà tu̧ eku tèsȩte tò etɨŋe atò, ŋut ghɨ̀ nà ka mɨ̀ɨ̀tè nê yea nkɔ̀ŋkà Mbɔ̧ɔ̧mà à?

1 Jɔ̌n 4:20

Wòt nê yeà nkɔ̀ŋkà Mbɔ̧ɔ̧mà mbɔ̂ me pààbè wanyɨ vi, ŋut ko nê ye wu wòt mèfà̧. BetsiꞋa wòt ghɨ̀ nà me kɔ̀ŋke a Mbɔ̧ɔ̧mà wu tàa ka ye atò la, mbɔ̂ me pààbè wanyɨ vi wu tàa ndzèa atò la à?

Ètsə 2:23

Maa liime bòt bu bɔ̀ɔ nkuŋa tò la. Àyaa aa ghɨ̌ bèchɔsì bu bàgème aa ko nê mâ ko mèmɨ̀ɨ̀te bòt bàgème nè àghɨa àa mèntɨ̧ɨ̧ mɔb la. Maa ŋa waa waa àghɨa a kùꞋù ane àfàꞋ tàa ngɨ̀à la.