Jɔ̌n 5:34 - Mundani

³⁴ ka è kà lem ngu nê, mâ bɔ ndɨ màa lɨ̀Ꞌ am ane ànəa wɔ̀bȩ̂ shu ane yaã la. E ndàꞋà mènəè maa anè wuê mbɨ̀Ꞌɨ̀ bɨa bɨ̧ɨ̧ne epeme.

Jɔ̌n 5:34 ပူးပေါင်းရင်းမြစ်များ

Lûk 13:34

“Bòt Jèlusalèm, bòt Jèlusalèm leꞋ, èghǎ ghɨ̂ ka àfɨ̀Ꞌ àgème Mbɔ̧ɔ̧mà tsàà bèndàꞋàtɔŋ bi abua yɨ̧ la, bɨ me temte awɔb ane àti mbùŋè àwɔb à? Mâ laꞋnê e nkɨ efete awɨ̧ ngò̧ nyaŋ ebaabe awɨ̧ mbɨ̀Ꞌɨ̀ nyɨ̌nkɔ̀Ꞌ nàa ngɨ̀ efete bɔ̧ bi a èten tèbààbè ti la, ka bɨ̀ ka bɨ̧ɨ̧nè.

Lûk 19:10

Aa ale nkàà nê, Waã Wòt kɨꞋa ekɨ bòt bu bɔ nyɔ la, etsì àwɔb a èbem kàbɔ̀ŋ wɔb.”

Lûk 24:47

Mè nê, bòt e bɔ̂ ndɨ bɔ̀ɔ bùꞋu a Jèlusalèm e tsɔ̀te abua bòt èlaꞋ ègème, ane èlen tò, nê bòt è kubte mènəè kàbɔ̀ŋ mɔb, mbɨ̀Ꞌɨ̀ Mbɔ̧ɔ̧mà naa waꞋa bèkàbɔ̀ŋ bɔb la.

Jɔ̌n 20:31

Ka bɔ shɨa maa mbɨ̀Ꞌɨ̀ bɨa bɨ̧ɨ̧ne nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, mè ndɔ̀Ꞌ ngu Waã Mbɔ̧ɔ̧mà. Bɨ bɨ̧ɨ̧nà ndzìà èntɨ̧ɨ̧ wɨ̧ ane Yesò ko taa ghɨ̌ bɨa bɔ mèmpème.

Jɔ̌n 5:32

Wòt kǒ nàà və tà tɨ̧ɨ̧ akwene yaã ane ànəê yaa la. E mè nko nê, ànəa tà koê mè me shu ane yaã la wu nkûŋ.

Jɔ̌n 5:41

“Maa kà kɨ mèngùꞋte è dzə abua bɔbȩ la,

Jɔ̌n 8:54

Yesò bɨ̀ɨ̀lè nê “E ngu anè me ŋeꞋe am mmɔ̌ mbɔŋ a ègwet, ko wu àku. Wòt tàa ŋeꞋe am la wu Tǎt am wu bɨ̀a shua nê wu Mbɔ̧ɔ̧mà wɨ̧ la.

Lûm 10:1

Bɔnyɨ bɔ̧, àghɨa èntɨ̧ɨ̧ am àa nkɨà la, nè àtsàꞋtè am abua Mbɔ̧ɔ̧mà wu nê bòt bɔ̧ bòt Izəèlȩê e wu bɔ mèmpème.

Lûm 10:21

Mbɔ̂ ngà ane ànəa bòt Izəèlȩê nê, “Maà shù̧ù̧ta bòt bɔ̧ àlia àgème nê bɔ̀ kɨꞋɨ bàà ghɨ̌ àlàŋkè, ka bɔ wu bòt àtsəa kekweelè, bɔ̀ ka wua nkɨ e zə èngǎ̧ am.”

Lûm 12:21

Ka mbɨ̧̀ɨ̧̀ne kàbɔ̀ŋ màꞋà awê a si, ka tsiꞋi ntsɔ̧̀ wu àa ngɨ̀à la màꞋa kàbɔ̀ŋ a si.

Lûm 3:3

Ka àbəèꞋ àyɔb ako a li à ka ghɨ̂ mbɨ̀Ꞌɨ̀ Mbɔ̧ɔ̧mà shu la. Tè betsiꞋa Mbɔ̧ɔ̧mà gha ane èlɨ̀ ngaa, è nkùbte àghɨa tà li nkàꞋ nê ye ghɨ̌ ane yɔb la a?

1 Kɔlìn 9:22

Màa ngɨ̀ è ngu ba bòt bɔ̀ɔ njùa ane ànəa Mbɔ̧ɔ̧mà la, e ntsiꞋi me tseke mbɨ̀Ꞌɨ̀ wekǒ ane yɔb mbɨ̀Ꞌɨ̀ è ngu ghɨ̌ bɔɔ zì mèntɨ̧ɨ̧ mɔb ane Yesò. E ndi ntsìꞋi àghɨ àgème abua wòt ègème, mbɨ̀Ꞌɨ̀ è ngu nɨ balu̧ bàgème betsiꞋa e nko nɨŋ la e ghɨ̌ bòt ko aa peme.

1 Tɔ̀màtià 4:16

Me nèèta mbààba awê mè mbààba èngà̧ wu àa nyɨ̀Ꞌta la. Me ghɨ̀ wuê èghɨ bàa nkàà nê, à ghɨ̀ ale, ko aa tɨŋe awê nè bòt bu bɔ̀ɔ njùtâ awê la, bɨa bɔ ngule mèmpème.

1 Jɔ̌n 5:9

Bɔbȩ àa ngɨ̀ bɔ̀ shu ànəa bɔ ye la, ba bɨ̧ɨ̧nè nê wu nkûŋ. È me wu a Mbɔ̧ɔ̧mà ko tàa ngɨ̀ tà shu ànəê, è wu nkûŋ tè ntsè àyea wɔ̀bȩ̂. Eyaa wu ànəa Mbɔ̧ɔ̧mà zìambɔŋ shu ane Waã vi la.