Jɔ̌n 5:23 - Mundani

²³ mbɨ̀Ꞌɨ̀ bòt bàgème aa me ŋa kènuke abua Waã mbɨ̀Ꞌɨ̀ bɔ̀ɔ ŋa abua Tǎt la. Wòt bakà wua ŋa kènuke abua Waã, tà ko nê yea kà ŋa abua tǎt wu tà tsàà tò la.

Jɔ̌n 5:23 ပူးပေါင်းရင်းမြစ်များ

Matìù 10:37

“Wòt tà kɔ̀ŋkè tǎt vi nè nyɨ̌ vi tè ntsè am la, bakà kuꞋu ewe tàa wu wɔ̧ la. Wòt tà kɔ̀ŋkè wambâ̧ vi kò waàvi vi leꞋ tè ntsè am la ka meè kùꞋu ewe tàa wu wɔ̧ la.

Matìù 11:27

“Tǎt am è ŋa èghɨ ègème abua am. Wòt kǒ tà lâ ko waã, kà wu tǎt tò la tsě; wòt kǒ tà meè ndâ ko a tǎt waã kà wu waã mbɔŋ la ka wu, nè bòt waã wu kɔ̀ŋkè nê bɔ̀ ko atò la.

Matìù 12:21

ÈlaꞋ ègème aa li ezi ntɨ̀ yɔb ane èlen tò.”

Matìù 15:8

‘Bòt baa aà ngùꞋtè am wuê ane èkuube ètsəê bɔb, ka mèntɨ̧ɨ̧ mɔb ka wu ane yaã.

Matìù 28:19

È wu ale, bɨ̀ ghǎ ngɨ̀ bòt èlaꞋ ègème è tsiꞋi bɔkatè bɔ̧, ngɨ̀ bɔ zì àwɔb a èdzî ane èlen Mbɔ̧ɔ̧mà, nè èlen Waã, nè èlen Fo Kèfə,

Lûk 10:16

Yesò shu abua bɔkatè bi nê, “Wòt me zə awɨ̧, tà wua ndzəa am, we tà teme kwèn zi ŋǎ abua yɨ̧ la, wua ntèma kwèn zi ŋǎ abua am, wòt tà teme kwèn zi ŋǎ abua am la, wua ntèma kwèn zi ŋǎ abua wòt wu tà tsàà am la.”

Jɔ̌n 14:1

Yesò mè shu abua bɔkatè bi nê, “Mbɨ̀Ꞌɨ̀ ànəa a me saa wɨ̧ a èntɨ̧ɨ̧ wɨ̧. Bɨ̀ zǐ èntɨ̧ɨ̧ wɨ̧ ane Mbɔ̧ɔ̧mà, mè ndzì èntɨ̧ɨ̧ wɨ̧ ane yaã.

Jɔ̌n 16:14

Taa kɨꞋɨ elɔ̀kè èlen laã a ègwet, nkàà nê taa zə ànəa mâ shu la e shu awɨ̧.

Jɔ̌n 17:10

Bòt bu bàgème bɔ̀ wu èbɔ̧ la, wu èbê, è bu è wù bê la mè ngu èbɔ̧. Wu bɔ̀ɔ waa ka bɔ̀ɔ nyɨ̀Ꞌta àghɨa ènɨ̧ am è wu yùà la.

Lûm 1:7

Tà shɨ abua bòt Mbɔ̧ɔ̧mà bu bàgème a Luêm, Mbɔ̧ɔ̧mà nàa nkɔ̀ŋkà àwɔb mè ntɔ awɔb ane bòt bi la. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ nê bɔ̀ nyɨꞋte a ntsɔ̧̀ wɔb abua yɨ̧, ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

Lûm 15:12

Àsayà mè nê, “Wòt bɔ̀ɔ bi atò àndǎ̧ Jesì la nàa li kɨꞋɨ, wu wòt tàa li me baãaã bòt kà wu Bèjuê la. Bɔ̀ɔ lâ me chɨ̀Ꞌɨ̀ tàa ghɨ̌ bɔ̀ɔ peme.”

Lûm 6:22

Ka àfɨ̀Ꞌ yaa Mbɔ̧ɔ̧mà tsì àwɨ̧ a èbem kàbɔ̀ŋ, bɨ tsiꞋi èbùꞋ tò la, àbȩ̀ yɨ̧ wu àghɨ yu a ghɨ̂ bɨ tsiꞋa ngɨ̀à wuê èghɨ bu àa mbɔ̀ Mbɔ̧ɔ̧mà, àa ghɨ̌ bɨa li bɔ mèmpème kàlìà la.

Lûm 8:9

Ka bɨa kà ghɨ mbɨꞋɨ̀ mbɨ̧te ènyit tɨ̧ tèa shua la, bɨa ngɨ̀à wuê mbɨ̀Ꞌɨ̀ Fo Mbɔ̧ɔ̧mà nàa shua la, na Fo Mbɔ̧ɔ̧mà me tseke ane yɨ̧ la. Wòt bakà bɔ Fo Yesò Klistò ane zi, ko tà ntsě wòt tò.

1 Kɔlìn 1:3

Maà shù̧ù̧ta nê Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ è nyɨꞋte a ntsɔ̧̀ wɔb abua yɨ̧ ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

1 Kɔlìn 10:31

Ale, ghàa ghàa wòt nàa ngɨ̀à la, kò wu àghɨa tà jɨa la, kò àyea tà nua la leꞋ, tà me ghɨ̀ àghɨa bòt àa ye me kukta Mbɔ̧ɔ̧mà la.

1 Kɔlìn 16:22

Wòt bakà wua nkɔ̀ŋkà Lefɨ̀Ꞌ, ndɔ̀ nɔ̀ŋke àtsəa tò. Lefɨ̀Ꞌ wa, kɨꞋɨ!

1 Kɔlìn 6:19

Bɨ bakà ko nê mbɨ̧̀ ènyit yɨ̧ wu lob Fo Kèfə yu è dzə abua Mbɔ̧ɔ̧mà la à? Bɨ ntsě àtsəa yɨ̧.

2 Kɔlìn 1:9

Ba li mbê mɨ̀ɨ̀tè nê àyaa ne àlia a kuêꞋ. Lə ngoꞋ yaa li ngu mbɨ̀Ꞌɨ̀ ba ko nê, ba bakà bɔ ndɨ bàa lɨ̀Ꞌà wa ane ya bàambɔŋ la, ba bɔ ndɨ bàa lɨ̀Ꞌà wa wuê ane Mbɔ̧ɔ̧mà wu tàa njù̧ù̧ma bòt bɔ pfəꞋte la.

2 Kɔlìn 13:14

Maà ntsàꞋtà nê Lefɨ̀Ꞌ Yesò Klistò nyɨꞋte a ntsɔ̧̀ vi abua yɨ̧, bɨ̀ mě ndzè èkɔŋ Mbɔ̧ɔ̧mà, Fo Kèfə e ghɨa bɨ̀ wu ane ètsəê wemɔꞋ bɨ̀agème.

2 Kɔlìn 5:14

Èkɔŋ wu Yesò Klistò bɔ ane ya la àà ŋwètà wa ba ghɨ̀à àghɨa baa ngɨ̀à la. Mbɨ̀Ꞌɨ̀ ba ye àfɨ̀Ꞌ yaa nê wòt wemɔ̀Ꞌ li mpfə ane ànəa bòt bàgème la, a tsiꞋi nê waa waa li mpfə.

2 Kɔlìn 5:19

Ànəa ba shua la wu nê Mbɔ̧ɔ̧mà li nɨ èvə Yesò Klistò nɨŋ ngɨ̀ àlàŋkè bɔ̂ bɔbȩ bàgème. Tà li tà kà tsi ngua mpà̧à̧ bèkàbɔ̀ŋ bɔb nɔ̀ŋà àtsəa yɔb, mbɔ̂ ndzì èngǎ̧ vi a tèkitebu ta nê ba me laꞋa shua nê bòt èkɨꞋɨ ngɨ̀ àlàŋkè nè Mbɔ̧ɔ̧mà.

Efesɔ̀s 6:24

Maà ntsàꞋtà nê, Tǎt wa Mbɔ̧ɔ̧mà nyɨꞋte a ntsɔ̧̀ vi ane bòt bàgème bɔ̀ɔ nkɔ̀ŋkà Yesò Klistò Lefɨ̀Ꞌ wa nè èkɔŋ kà wu lìa la.

2 Tɔ̀màtià 1:12

Eyaa wu lə yu e ndzèa ngoꞋ yaa la. Ka betsiꞋa è nka bɔ àtsəa kɔꞋɔ ane ànəa ko nkàà nê mâ ko wòt wu mâ zì ntɨ̀ yaã ane tò la. Mâ ko mɨ̧̂ nê, betsiꞋa tà baabe Ntu̧ Ntsɔ̧̀ yu tà ŋa abua am la tè ngà ngu ane àli yu tàa li e mě kɨꞋɨ la.

Ebùlù 1:6

AfɨꞋa Mbɔ̧ɔ̧mà li ngua nkɨ tsàà Waã mbì vi a sitsǎꞋ la, tà mè nê, “Bɔntu̧ Mbɔ̧ɔ̧mà bàgème e bɔ ndɨ bɔ̀ɔ me wùꞋte atò la.”

2 Pità 1:1

Letà Simùn Pità, wɔ̀fàꞋ nè wantu̧ Yesò Klistò, Abua bòt bu bɔ̀ɔ nkùŋà alu̧ Mbɔ̧ɔ̧mà, è wù alu̧ bàa bɔntu̧ àà nkùŋà la. Wu Yesò Klistò ka tà ghɨ̂ bɨ me kùŋè ale la, nkàà nê tàà ngɨ̀à mènəè wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu Mbɔ̧ɔ̧mà bɔ̂ Yesò Klistò Mpemnà wa.

2 Pità 3:18

È me wu awɨ̧ ko bɨ̀ tsiꞋ èkɔŋ wɨ̧ ane Yesò Klistò Lefɨ̀Ꞌ wu tà wu Mpemnà wa la è me tsə, bɨ̀ mèe me ko atò nɨa ngà nè mbì. TsiꞋ mèngùꞋte wu abua Yesò Klistò ebùꞋu àfɨ̀Ꞌ yaa egha wu ane àlia nè àlia. Àmèn.

1 Jɔ̌n 2:23

Wòt tù̧a Waã Mbɔ̧ɔ̧mà, a wu nê tà tu̧ a Tǎt tò Mbɔ̧ɔ̧mà mɨ̧̂. Ka wòt tà bɨ̧ɨ̧ne ànəa Waã Mbɔ̧ɔ̧mà la, è bɨ̧ɨ̧ne a Tǎt tò Mbɔ̧ɔ̧mà mɨ̧̂.

2 Jɔ̌n 1:9

Bɨ̀ ko nê, waa waa tàa ka ghɨ mbɨꞋɨ̀ èngǎ̧ Yesò Klistò e shu la, me làꞋa nkwèꞋnà àghɨ la, bakà ko a Mbɔ̧ɔ̧mà. Waa waa tàa ngɨ̀à mbɨ̀Ꞌɨ̀ èngǎ̧ mbɔŋ e shu la, è koê a Tǎt wa Mbɔ̧ɔ̧mà bɔ̂ Waã vi.