Jɔ̌n 3:31 - Mundani

³¹ Wòt wu tà dzəè ne ègwet la, è tsea waa waa. Èwe tà dzəa ngɔ̀ŋ ŋaa la, wu wòt ngɔ̀ŋ, mè me làꞋà wuê mènəè ngɔ̀ŋ, ka wòt tà dzə a ègwet la, lâ ngu a ègwet waa waa.

Jɔ̌n 3:31 ပူးပေါင်းရင်းမြစ်များ

Matìù 28:18

Yesò kɨ̀Ꞌɨ̂ a ngèt yɔb shu abua yɔb nê, “Mbɔ̧ɔ̧mà ŋa mètàŋ nàa ègwet nè sitsǎꞋ la ègème abua am.

Jɔ̌n 1:15

Jɔ̌n lɔ̀Ꞌ shuê ànəa ye ye, mè nko ane tò la. Tà li ŋȩ nê, “Eyaa tòà wu e ndi ngua shuà, àfɨꞋa e ndi nê, ‘Wòt nkɨ̀Ꞌa akwene yaã la è tsè am, nkàà nê tà li ndzaŋe wu ka bɔɔ li e bi am la’.”

Jɔ̌n 1:27

Tà wu wòt wu nkɨ̀Ꞌa akwene yaã la. E mbakà lem nkùꞋ wòt tàa yàa mèliꞋ gubte tò la.”

Jɔ̌n 1:30

Eyaa wu tòà wu e ndi shu nê, wòt kǒ nàà kɨꞋɨ akwene yaã tà tsè am la, nkàà nê bɔ li me bi am tà yaŋe wu la.

Jɔ̌n 3:30

Ale, tà bɔ ndɨ tàa me ghǎ mbì mbì, maa me kua kwèn kwèn la.”

Jɔ̌n 6:33

Èghɨjɨ baa Mbɔ̧ɔ̧mà nàa ŋǎ la, wu tòà wu tà chu a ègwet me ŋa mèmpème abua bòt ngɔ̀ŋ la.”

Jɔ̌n 6:51

E ngu èghɨjɨ bu àa ŋǎ mèmpème e chu a ègwet la. Wòt tà jɨ èghɨjɨ baa la lia kà wu tsi epfə. Èghɨjɨ baa wu mbɨ̧̀ ènyit yaã màa ŋa mbɨ̀Ꞌɨ̀ bòt ngɔ̀ŋ àa bɔ mèmpème la.”

Jɔ̌n 8:23

Yesò shu abua yɔb nê, “Bɨ dzəa sitsǎꞋ, è wu am, ko e ndzəa a ègwet. Bɨ ndzəa ngɔ̀ŋ ŋaa, è me wu am, e nka dzəa ngɔ̀ŋ ŋaa.

ÀfaꞋa 10:36

Bɨ koê ntu̧ yu tà lè tsaa abua bòt Izəèlȩê la. Ntu̧ Ntsɔ̧̀ mbɔŋ nàà shua ndɨ baa bɔ àlàŋkè nè Mbɔ̧ɔ̧mà mbɨ̀Ꞌɨ̀ ba zì mèntɨ̧ɨ̧ ma ane Yesò Klistò wu, tà wu Fɔ̧̀ àtsəa bòt bàgème a sitsǎꞋ ŋàa la.

Lûm 9:5

Bɔ mè dzəè àndǎ̧ Abàlàghâm bɔ̂ Asàk nè Jàkɔ̂b. Wu àndǎ̧ bɔ̀ li mbi a Fɔ̧̀ wu Mbɔ̧ɔ̧mà yɔꞋ ntsà mbɨ̀Ꞌɨ̀ wɔ̀bȩ̂ la. Tà wu Mbɔ̧ɔ̧mà wu tà wu a ègwet àghɨa àgème la. MèngùꞋte wu ane èlen to ane àlia nè àlia. Àmèn.

Ebùlù 9:1

È màà ngu wuê mènkàꞋa kèkweelè mbì mu ko è li mbɔ̀ balu̧ bɔ̀ɔ nɨa ka ntsàꞋta Mbɔ̧ɔ̧mà la, me mbɔ̂ àdziꞋ a sitsǎꞋ bɔ̀ɔ ntsàꞋta Mbɔ̧ɔ̧mà abot la.

1 Pità 3:22

Yesò ghǎ a ègwet, tè ngu àbâ àbualu̧ a Mbɔ̧ɔ̧mà tà tseke la, nè bɔntu̧ Mbɔ̧ɔ̧mà nè ghàa ghàa a ègwet a bɔ àtɔŋ nè mètàŋ la a wu a èten tò.

1 Jɔ̌n 4:5

Bɔ wu bòt ngɔ̀ŋ yaa, ale mènəè bɔ làꞋà la wu mènəè bòt ngɔ̀ŋ, bòt ngɔ̀ŋ e mè me zə awɔb.

Ètsə 19:16

Bɔ shɨ èlen ko a ègwet ndǐ tò nè ègwet ètaã tò nê, “Fɔ̧̀ bèfɔ̧̀, nè Tǎt bètàt.”