Jɔ̌n 3:21 - Mundani

²¹ Ka wòt tàa ngɨa mènəè nkûŋ la, nàà nkɨ̀Ꞌa a èbem èkaꞋà mbɨ̀Ꞌɨ̀ bɔɔ tsène eye ntsɔ̧̀ nê tàà ngɨ̀à àghɨa Mbɔ̧ɔ̧mà nàa nkɨà la.

Jɔ̌n 3:21 ပူးပေါင်းရင်းမြစ်များ

Jɔ̌n 1:47

ÀfɨꞋa Yesò yea Nàtanìà nkɨ̀Ꞌa la, tà nê, “Bɨ̀ ye ngule wòt Izəèlȩê, kà ye ànəa fɨte ane zi!”

Jɔ̌n 3:20

Wòt ègème tàa ngɨa kàbɔ̀ŋ la nàà mpààbà èkaꞋà, tà kà wua nkɔ̀ŋkà ekɨꞋɨ a èbem èkaꞋà, mbɨ̀Ꞌɨ̀ ka bɔ gha ghɨ̌ ndzè mènəè kàbɔ̀ŋ tò.

Jɔ̌n 5:39

Bɨà ntɔ Àkata Mbɔ̧ɔ̧mà ànyaꞋne ntsìꞋa nta nê wu yùà ka àa ghɨ̌ bɨa ko ndɨ wòt nàa bɔ mèmpème kàlìà la. Àkate mbɔŋ aa ndàꞋà ànəa wòt è ngu wùà la,

Jɔ̌n 7:17

Wòt tàa nkɨ e ghɨ̀ àghɨa Mbɔ̧ɔ̧mà nàa nkɨà la, wu tòà ka tàa ko nê èghɨ bàa e nyɨꞋtà la e dzəa abua Mbɔ̧ɔ̧mà ko abua am leꞋ la.

1 Kɔlìn 15:10

Ka Mbɔ̧ɔ̧mà nɨa ntsɔ̧̀ vi ngɨ̀ e ngu àghɨa è ngu yùà la, ntsɔ̧̀ tò mbɔŋ li è kà tse àku. Ane nkûŋ, e ndi fàꞋ tè ntsè àwɔb bàgème, mbɔ̂ è li è kà lem ngu mmɔ̌, è li ngu ntsɔ̧̀ Mbɔ̧ɔ̧mà wu ane yaã la.

2 Kɔlìn 1:12

Àghɨa betsiꞋa ba me ghàꞋtè àwa adù̧ la wu nê, mèntɨ̧ɨ̧ ma nàà shua wa nê baa ngɨ̀à mènəè ma a sitsǎꞋ ŋàa fɔɔle a mbì lɨ̧ àfɨ̀Ꞌ àgème mbɨ̀Ꞌɨ̀ bòt Mbɔ̧ɔ̧mà nè nkûŋ. È ntsě èyǐ wɔ̀bȩ̂ ka ba nɨŋ me ghɨ̀ mènəè maa la. Ba ghɨa ane ntsɔ̧̀ Mbɔ̧ɔ̧mà wu tà nyɨꞋte abua ya la.

Gàlashìà 6:8

Aa ale nkàà nê, wòt me ghɨ̀ àghɨa mbɨ̧̀ ènyit tò nàa nkɨà la, ko àbȩ̀ atò naa li wu èvə, è me wu wòt wu tàa ngɨ̀à àghɨa Fo Mbɔ̧ɔ̧mà nàa nkɨà la, àbȩ̀ atò wu mèmpème kàlìà.

Efesɔ̀s 5:9

Wu èkaꞋà waa ka àa ngɨ̀à bòt e ghɨ̀à àghɨ àgème è wù àyea ntsɔ̧̀ la, nè àyea a kùꞋù la, nè àyea è wû nkûŋ la.

Filìpȩ 1:11

A wu anè, ko bɨa tsiꞋa ngɨ̀à wuê mènəè Mbɔ̧ɔ̧mà nàa nkɨà la, ye mu Yesò Klistò nàa ŋǎ bòt bi mètàŋ bɔ ghɨ̀à la. Bɨ me ghɨ̌ ko bòt aa lɔ̀kè èlen Mbɔ̧ɔ̧mà etsàa ègwet e mě ewùꞋte atò.

Filìpȩ 2:13

Bɨ̀ me ghɨ̀ ale, nkàà nê wu Mbɔ̧ɔ̧mà ka tàa ŋa awɨ̧ mètàŋ mè ngɨ̀à bɨ kɔ̀ŋka a màngɨa èghɨ ntsɔ̧̀ bu tàa nkɨà la.

Kɔ̀losìà 1:29

Maa ndâ fàꞋà ànyaꞋne nè mètàŋ mu è ghe Yesò Klistò e ŋǎ abua am la, mbɨ̀Ꞌɨ̀ eye nê mâ ghɨ èghɨ bàagème.

Ebùlù 13:21

ŋà àwɨ̧ àghɨa ntsɔ̧̀ àgème mbɨ̀Ꞌɨ̀ bɨa me ghɨ̀ àghɨa tàa nkɨà la. TsiꞋ tà tsě ane Yesò ngɨ̀ àghɨa àa mbɔ̂ atò la. MèngùꞋte wu abua tò ane àlia nè àlia! Àmèn.

1 Pità 1:22

Àfɨ̀Ꞌ yaa bɨ tsiꞋa ngɨ̀à mbɨ̀Ꞌɨ̀ nkûŋ yu è dzə abua Mbɔ̧ɔ̧mà la nàa shua la, bɨ bɔ mèntɨ̧ɨ̧ kèfə tè ntsìꞋa ndâ nkɔ̀ŋkà bɔnyɨ bɨ̧ bòt Mbɔ̧ɔ̧mà. È wu ale, bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème.

1 Jɔ̌n 1:6

Ale, ba me shu nê, ba tsiꞋi àghɨ yeamɔꞋ nè Mbɔ̧ɔ̧mà ka mbɔ̂ me ghɨ̀ mènəè ndzěm, ko ba tsiꞋi bòt mèfà̧, èghɨ bàa ngɨ̀à mè shua la ka wu nkûŋ.

3 Jɔ̌n 1:11

Ngule shu̧ yaã, à ka me fɨŋe bòt bu bɔ̀ɔ ngɨa kàbɔ̀ŋ la. Me fɨŋe wuê è bu bɔ̀ɔ ngɨa ntsɔ̧̀ la. Waa waa tàa ngɨ̀à ntsɔ̧̀ la wu wòt Mbɔ̧ɔ̧mà, ka wòt tàa ngɨ̀à kàbɔ̀ŋ la, wu wòt kà ko a Mbɔ̧ɔ̧mà.

Ètsə 3:15

Mâ ko èghɨ bɨ̀a ngɨ̀à la, bɨa kà lù̧, bɨ̀ ka wua fia. Ka bɨ wu me lù̧u̧ ko bɨ me fi.