Jɔ̌n 3:2 - Mundani

² È wu ètsəꞋ ane àli ako tà gha àdziꞋa Yesò naa tsèka la shu abua atò nê, “Labȩ̀, ba ko nê à wu nyɨꞋtà Mbɔ̧ɔ̧mà tsàà la, nkàà nê Mbɔ̧ɔ̧mà bakà wu nè wòt, tà kà ko ngɨ̀ tèwuute ènəê kà ye fɨ̀Ꞌ taa àa ngɨ̀à la.”

Jɔ̌n 3:2 ပူးပေါင်းရင်းမြစ်များ

Matìù 22:16

Ale, bɔ tsà bɔkatè bɔb nè bòt bu bɔ̀ɔ nkuŋa Elɔ̀d la abua Yesò, bɔ kɨꞋɨ̀ mbììte atò nê, “NyɨꞋtà, baa ko nê àà ndàꞋà wuê nkûŋ, mè nyɨ̀Ꞌta mènəè Mbɔ̧ɔ̧mà wuê mbɨ̀Ꞌɨ̀ nàa la, kà wua njùta ànəa bòt àa ndàꞋà la. Nkàà nê àà kà nɨ àghɨa wòt wu yùà la mbɨ̀Ꞌɨ̀ àghɨa ko.

Matìù 23:7

Mè taꞋa wua nkɔ̀ŋkà bòt aa me nèèta ntsàꞋtè àwɔb àsà̧aã èwen e mě me tɔ awɔb ane bènyɨꞋtà.

Matìù 23:8

“Ka è me wu awɨ̧, bɨ̀ ka mbɨ̧̀ɨ̧̀ne bòt e me tɔ awɨ̧ ane bènyɨꞋtà, nkàà nê bɨ̀agème bɨ wu bɔnyɨ, mè mbɔ nyɨꞋtà wuê wemɔ̀Ꞌ.

Ntu̧ Ntsɔ̧̀ MAK 12:14

Bɔ kɨꞋɨ mbììte atò nê, “NyɨꞋtà, baa ko nê àà ndàꞋà wuê nkûŋ, à kà wua njùta ànəa bòt àa ndàꞋà la. Nkàà nê àà kà nɨ àghɨa wòt wu yùà la mbɨ̀Ꞌɨ̀ àghɨa ko. Àà ndâ nyɨ̀Ꞌta ndɨ Mbɔ̧ɔ̧mà nàa nkɨà nê bòt e wu me kùŋè àvi la. Tè mbɨ̧ ta tê bɨ̧ɨ̧nè nê bà me ŋa èkab taksì abua Sisà kò wu nê bà ka ŋa à? Àa mɨ̀ɨ̀tà nàà?”

Jɔ̌n 1:38

Yesò ghèble avi, ndzèà wɔb nkùŋà vi la, mbììte awɔb nê, Bɨ̀ kɨa ghàà? Bɔ bɨ̀ɨ̀lè nê, “Labȩ̀”, (ngua shua nê, nyɨꞋtà) “Àa ntsèka nèŋàà?”

Jɔ̌n 10:38

mbə è ngua ngɨ̀a wuê èghɨ e dzə abua tò la, bɨ bɨ̧ɨ̧ne ànəa e shua la nkàà èghɨ bàa e ngɨa la. Bɨ̀ ghɨ ale mbɨ̀Ꞌɨ̀ eko, aa mèe nyi a ètsə bɨ̧ nê, ba Tǎt am e tsəꞋne te mbê tsìꞋi mbɨ̀Ꞌɨ̀ àghɨ yeamɔꞋ.”

Jɔ̌n 12:37

Yesò batè ngɨ̀ tèwuute ènəê kà ye fɨ̀Ꞌ ayɔɔ bòt baa ale, ka bɔ̀ ka lem ndzì èntɨ̧ɨ̧ wɔb ane tò.

Jɔ̌n 14:10

À bakà bɨ̧ɨ̧ne laꞋnê e ngu àghɨ yeamɔꞋ nè Tǎt am, Tǎt am mè ngu àghɨ yeamɔꞋ nè nà̧? Mèngǎ̧ maa e ndàꞋà abua yɨ̧ la ka dzə àtsə am. Wu Tǎt am wu ba tò è wu àghɨ yeamɔꞋ la ka tàa ngɨ̀à e ngɨ̀à mènəè tò la.

Jɔ̌n 15:24

Mâ ghɨ̀ ale, è nka ghɨ èghɨ kà wòt tsa li mè ghɨ̌ a kètsìà wɔb, ko bɔ bakà ko laꞋ nê, bɔ wu bòt mènəè kàbɔ̀ŋ, ka nè àfɨ̀Ꞌ yaa, bɔ ye èghɨ mbɔŋ, mbɔ̂ me pààbè awa ba Tǎt am.

Jɔ̌n 2:11

Yesò lɔ̀Ꞌ ngɨ̀ ànəê yaa a Kanà, a èbem àlaꞋ a Galìlî è wû ànəa mbì a kà ye fɨ̀Ꞌ tà li ngɨ̀ bòt e ye ènɨ̧ tò la. Bɔkatè tò e ye ale, ndzì èntɨ̧ɨ̧ wɔb ane tò.

Jɔ̌n 20:16

Yesò tɔ atò nê, “Màlià!” Tà gheble avi ntɔ atò ane ndɨ̧ Ebùlù nê, “Labɔnì!” (Ngua shua nê NyɨꞋtà).

Jɔ̌n 3:26

Ale, bɔkatè Jɔ̌n ko e kɨꞋɨ̀ shu abua tò nê, “Labȩ̀, wòt wu bɨ tò e li ngu agua Jodàn la, ye wu à li ndàꞋà ànəa tò la, wu abà nyia. Tà wua ndzìà bòt a èdzî tè bòt nyaŋ e tsiꞋa nkuŋa tò ngà.”

Jɔ̌n 4:31

Bɔkatè Yesò e teꞋa akwèn me shu̧u̧te atò shua nê, “Labȩ̀, lem jɨ àghɨ.”

Jɔ̌n 5:36

“Ka èghɨ màa ngɨ̀à la aà nyɨ̀Ꞌta wòt è ngu wùà la, tè ntsè àghɨa a li nyɨ̀Ꞌte ane ànəa Jɔ̌n li shu ane yaã la, nkàà nê e ngu anè ngɨ̀à èghɨ bu Tǎt am li nê è mpaa ngɨ̀ la. Wu bùà bu èa nyɨ̀Ꞌta nê tòà ka tà tsàà am la.

Jɔ̌n 6:2

TaꞋà, ènɔ̧̂ bòt a me kùŋe atò nkàà tèwuute ènəê kà ye fɨ̀Ꞌ tu bɔ ye tà ghɨ̀ mbəâ bòt àghɔ̧ la.

Jɔ̌n 7:31

Ka bòt nyaŋ ayɔɔ ènɔ̧̂ bòt bu e ghɨ̀ ale ndzì mèntɨ̧ɨ̧ mɔb ane tò tè me làꞋa shua nê, “Tè Fɔ̧̀ wu Mbɔ̧ɔ̧mà li ndzɔꞋ etsàà la naa li kɨꞋɨ e ghɨ̀ tèwuute ènəê kà ye fɨ̀Ꞌ te tsè è taa mbê waa ghɨ̀ la à?”

Jɔ̌n 9:16

Bèfalèsiì ko è nê, “Wòt wu tà ghɨ̀ àghɨ yàa la ka dzəa abua Mbɔ̧ɔ̧mà, nkàà nê tàa mpààtà mbɨ̧te àliapfəèa ya.” Ka èbeko e nê, “BetsiꞋa wòt tà wu wòt kàbɔ̀ŋ la ghɨ̀ èwuu ènəê kà ye fɨ̀Ꞌ bàa?” Bɔ làꞋ ale ntsìꞋi a mètsəê a mètsəê.

ÀfaꞋa 10:38

Bɨ koê ndɨ Mbɔ̧ɔ̧mà ŋa mètàŋ Fo Kèfə abua Yesò wu tà wû wòt Nazàlet la, mè nkoê ndɨ Yesò lè wua ngà̧aã a èdzìꞋ ègème ngɨa a ntsɔ̧̀ ane bòt, mè mbəèa bòt bàgème Satàn lè wua mbà̧à̧ta awɔb la. Tà lè wua ngɨ̀à ale nkàà ndɨ mètàŋ Mbɔ̧ɔ̧mà lè wu ane tò la.

ÀfaꞋa 2:22

Pità ghɨ̀ ale, mè shu abua yɔb nê, “Bòt Izəèlȩê, bɨ̀ yute èngǎ̧ waa. Yesò wòt Nazàlet li ngu wòt Mbɔ̧ɔ̧mà yɔꞋ mè ngɨ̀ bɨ ko atò ane mènəè kà ye fɨ̀Ꞌ mu tà li ngua ngɨ̀à mè ngɨ̀à ngɨŋa mènəè, ngɨ̀à èghɨ àa nyɨ̀Ꞌta mètàŋ Mbɔ̧ɔ̧mà la. Bɨ̀a mbɔŋ bɨ koê mènəè maa nkàà nê bɨ li ngu a si àfɨꞋa mbɔŋ.

Filìpȩ 1:14

Ànəa ko yeamɔꞋ wu nê, tèfȩ tàa è ngu a èbèm la, te ghɨ̂ bɔnyɨ ba nyaŋ e paà nkweele ane ànəa Lefɨ̀Ꞌ, tè ntsìꞋa ndàꞋà èngǎ̧ tò kà bɔ̀ɔ̂.