Jɔ̌n 3:11 - Mundani

¹¹ TsiꞋ è shu awê ane nkûŋ nê, ba wua ndàꞋà àghɨa ba ye la, mè ngua shua àghɨa ba ko la, ka wòt kà wu ane yɨ̧ tàa nkɨ ebɨ̧ɨ̧ne ànəa ba shua la.

Jɔ̌n 3:11 ပူးပေါင်းရင်းမြစ်များ

Matìù 11:27

“Tǎt am è ŋa èghɨ ègème abua am. Wòt kǒ tà lâ ko waã, kà wu tǎt tò la tsě; wòt kǒ tà meè ndâ ko a tǎt waã kà wu waã mbɔŋ la ka wu, nè bòt waã wu kɔ̀ŋkè nê bɔ̀ ko atò la.

Matìù 23:37

“Àfɨ̀Ꞌ àko a tseke tè me wu, Yesò bùꞋ me ŋȩa shua nê, ‘Bòt Jèlusalèm, bòt Jèlusalèm leꞋ! Bɨà mbùŋà bèndàꞋàtɔŋ Mbɔ̧ɔ̧mà ndɔ̀Ꞌ ŋèꞋnà bɔntu̧ Mbɔ̧ɔ̧mà tà tsàà abua yɨ̧ la, ane àti. Mâ nyɔ̀Ꞌtè a ngo̧ a ngò̧ nê e nkɨ enɨ èbu bɔ̧ efete awɨ̧ mbɨ̀Ꞌɨ̀ nkɔ̀Ꞌ nàa ngɨ̀ tà fète bɔ̧ bi ndzì a èten tèbààbè ti la, ka bɨ̀ ka bɨ̧ɨ̧ne!’

Lûk 10:22

“Tǎt am è ŋa èghɨ ègème abua am. Wòt kǒ tà lâ ko àghɨa waã wu yùà kà wu tǎt tò la è ntsě; wòt kǒ tà meè ndâ ko a tǎt waã kà wuê waã mbɔŋ la ka wuê, nè bòt waã wu è kɔ̀ŋkè nê bɔ̀ ko atò la.”

Jɔ̌n 1:11

Tà kɨꞋɨ abua bòt àlaꞋ yu è wù àyea tò la, bɔ̀ ka sèè atò.

Jɔ̌n 1:18

Wòt kǒ tà li mè yea Mbɔ̧ɔ̧mà la ntsě. Wu ndàꞋà tòà wu tà wu àzi Mbɔ̧ɔ̧mà mè ngu a ngèt Mbɔ̧ɔ̧mà la ka tà ghɨ̂ bòt e ko atò la.

Jɔ̌n 12:49

Aa ale nkàà nê è nka laꞋà mènəè è dzəâ àtsəa am la; Tǎt am wu tà tsàà am la ka tà shu am ànəa màa me làꞋa ntsɔ̀tà la.

Jɔ̌n 14:24

Wòt tàa ka kɔ̀ŋkè am la, nàà kà ghɨ àghɨa màa shua la, mbɔ̂ mèngà̧ maa bɨ zəa la ka dzə àtsə am, wu me Tǎt am wu tà tsàà am la.

Jɔ̌n 3:12

E shua wɨ̧ mènəè nàa ntsea a sitsǎꞋ la anè, bɨ bakà bɨ̧̀ɨ̧̀ne, bɨ ghɨ̀ na ka nko mbɨ̧̀ɨ̧̀ne wuê è me nàa ntsea a ègwet la à?

Jɔ̌n 3:13

Wòt kǒ tà li te mè kɔꞋ nga a ègwet mbɨ̀Ꞌɨ̀ e ko la ntsě, wu wuê ndàꞋà Waã Wòt wu tà lè chu a ègwet və la ka tà ko la.

Jɔ̌n 3:3

Yesò bɨ̀ɨ̀lè nê, “TsiꞋ è shu awê ane nkûŋ nê, bɔ bakà bi wòt a membǐ fi, tà kà nyi a kèfɔ̧̀ Mbɔ̧ɔ̧mà.”

Jɔ̌n 3:5

Yesò bɨ̀ɨ̀lè nê, “TsiꞋ è shu awê ane nkûŋ nê, bɔ bakà mè mbǐ wòt ane mèleb, Fo Mbɔ̧ɔ̧mà naa mě bi atò, tà kà nyi a kèfɔ̧̀ Mbɔ̧ɔ̧mà.

Jɔ̌n 5:43

Mâ kɨꞋɨ ane èlen Tǎt am, bɨ̀ ka wua nkɨ eyute ànəa e shua la, ka wòt kǒ tsa ghɨ̀ ale nkɨ̀Ꞌɨ̂ ane èlen li zìambɔŋ ko bɨ bɨ̧ɨ̧ne ànəa ŋut shua la.

Jɔ̌n 7:16

Yesò bɨ̀ɨ̀lè èngǎ̧ wɔb nê “Mènəè maa nyɨ̀Ꞌta la ntsě mɔ̧, wu me Mbɔ̧ɔ̧mà wu tà tsàà am la.

Jɔ̌n 8:14

Yesò bɨ̀ɨ̀lè nê, “E màà ngua nta wu ànəê am, kà ye nkɔꞋàkwèn am, ko ànəa e shua la wu nkûŋ, nkàà nê mâ ko àdziꞋa e ndzəèà la, mè nko àdziꞋa e ngà la, ka bɨ̀ambɔŋ e bakà ko àdziꞋa è ndzəèà la, bɨ̀ ka ko àyea e ngà la.

Jɔ̌n 8:26

Mènəè taꞋa wu betsiꞋa e shu ane yɨ̧ mè saꞋà wɨ̧ adù̧ la. Ka maa shu bòt ngɔ̀ŋ yaa wuê àghɨa mâ zə abua wòt wu tà tsàà am la, mbɔ̂ tàà ndàꞋà wuê nkûŋ.”

Jɔ̌n 8:38

E ndàꞋà mènəè Tǎt am è nyɨꞋte am la, è me wu awɨ̧ ko bɨ wua ngɨ̀à àghɨa bɨ zə abua wɨ̧ ne tǎt la.”

ÀfaꞋa 22:18

ndze a Yesò, tà shua abua am nê, ‘Taŋke ndzə a Jèlusalèm ŋaa kwàla, na bòt abàꞋ ŋaa è ka bɨ̧ɨ̧ne ezə ndɨ à shua nê ye ye mè nko mènəè ane yaã la a.’

2 Kɔlìn 4:4

Bòt ngaa e tu̧u̧ bɨ̧ɨ̧ne nkàà nê, Satàn wu tà wu mbɔ̧ɔ̧mà ngɔ̀ŋ yaa la, è kɔke mbàꞋ a mèntɨ̧ɨ̧ mɔb. Tà kabte àghɨ ayɔb mbɨ̀Ꞌɨ̀ ka bɔ ye èkaꞋà wu è wu Ntu̧ Ntsɔ̧̀ yu nàa ndàꞋà ànəa ènɨ̧ Yesò Klistò wu tà wù mbɨ̀Ꞌɨ̀ Mbɔ̧ɔ̧mà la.

Ètsə 1:5

Ntsɔ̧̀ waa nè àlàŋkè yaa a mè dzə abua Yesò Klistò wu tàa ndàꞋà wuê nkûŋ, ndɔ̀Ꞌ ngu wòt mbì Mbɔ̧ɔ̧mà li mbɨ̀ njù̧ù̧me atò, tà mè ngu àtsəa bèfɔ̧̀ bàgème a ngɔ̀ŋ ŋaa la. Yesò è kɔ̀ŋkè àwa nɨ̀ àlo̧ azi è shùù a kàbɔ̀ŋ wa, mbɨ̀Ꞌɨ̀ e ghɨ baa peme.

Ètsə 3:14

“ ‘Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Làoêdisìà la nê: ‘Eyaa wu mèngǎ̧ wòt wu bɔ̀ɔ ntɔ atò nê Àmèn, mè ngu wòt nkûŋ, mèngǎ̧ tò è kùꞋu me bòt àa bɨ̧ɨ̧ne la. Mbɔ̧ɔ̧mà li ngɨ̀ àghɨ àgème a bùꞋ ane tò.