Jɔ̌n 21:22 - Mundani

²² Yesò bɨ̀ɨ̀lè nê, “E nkɔ̀ŋkè nê, tà tseke yû̧ tè e ndi nkɨ̀Ꞌɨ̂, àyê adù̧ wu ghà à? Kùŋè am.”

Jɔ̌n 21:22 ပူးပေါင်းရင်းမြစ်များ

Matìù 16:24

ÀfɨꞋa mbɔŋ Yesò shu abua bɔkatè bi nê “Wòt me kɨ eghȩ̀ȩ̀ne ateka taã, tà sà mènəè mi ègème ŋèꞋe mbasa vi nkùŋè am.

Matìù 24:27

nkàà nê, Waã Wòt naa li kɨꞋɨ mbɨ̀Ꞌɨ̀ èfaŋ àa ngɨ̀ e kaꞋa ègwelebuule ebuꞋu àbâ yaa eghǎ wu àzia la.

Matìù 24:3

Mbɨ̀Ꞌɨ̀ Yesò tseke a ègwet èbȩ Olìf la, bɔkatè tò e kɨꞋɨ shu abua tò a ntsèm nê, “Shu awa àfɨꞋa mènəè maa ègème nàa li ghɨ̀ la, mè nè àghɨa àa nyɨ̀Ꞌtâ nê à bèle yàŋe ekɨꞋɨ, ngɔ̀ŋ mè ngu lìà la.”

Matìù 24:44

È wu ale, bɨ̀ ye nê, bɨ taŋke awɨ̧ ntsɔ̧̀, nkàà nê Waã Wòt naa kɨꞋɨ àfɨꞋa kà bɨ ko nê tàà nkɨ̀Ꞌâ.

Matìù 25:31

“Naa li ngu àfɨꞋa Waã Wòt kɨꞋɨ ane ènɨ̧ tǎt vi, nè bɔntu̧ Mbɔ̧ɔ̧mà bàgème la, tà tseke a ègwet àtɨ̧a Kèfɔ̧̀ Mbɔ̧ɔ̧mà.

Matìù 8:22

Yesò shu abua tò nê, “KɨꞋɨ nkùŋè am, tsiꞋ èpfəꞋte bòt è tu bèmpfəà bɔb.”

Ntu̧ Ntsɔ̧̀ MAK 9:1

Yesò li mè shu abua bɔkatè bi nê, “Ane nkûŋ, bòt aà àdzìꞋ yaa, betsiꞋa bɔ̀ ka pfə kà ye ndɨ kèfɔ̧̀ Mbɔ̧ɔ̧mà è kɨ̀Ꞌa nè mètàŋ la.”

Jɔ̌n 21:19

(Yesò nàà ndàꞋà anè ale, ngua shua èwuu èvə Pità nàa pfə lùà enɨ nyɨꞋte ènɨ̧ Mbɔ̧ɔ̧mà la.) Yesò ghɨ̀ ale, mbɔ̂ shu abua tò nê, “Kùŋe am.”

Jɔ̌n 21:21

Mbɨ̀Ꞌɨ̀ Pità ye atò la, tà bììte a Yesò nê, “Tê àa wu na ane mbê wa à?”

1 Kɔlìn 11:26

Àfɨ̀Ꞌ àgème bɨa njɨ̀a bled waa mè nua ndɔŋ yaa la, bɨ me nɨa shuà ànəa èvə Tè Yesò tè ndɨ tàa li mě kɨꞋɨ la.

1 Kɔlìn 4:5

È wu ale, bɨ̀ ka ndzìꞋ mbàŋè wòt kà àfɨ̀Ꞌ a zìꞋ nkùꞋ. Tè Yesò Klistò naa kɨꞋɨ kaa me bàŋe bòt. Taa li ghɨ̌ èghɨ ndò̧ bu bòt àa ngɨa a èbem ndzěm la aa pùùla ayaã, e ghɨ̌ bòt aa ye èghɨ waa waa nàa nkwaꞋta a èntɨ̧ɨ̧ vi la. ÀfɨꞋa mbɔŋ Mbɔ̧ɔ̧mà naa ŋa a waa waa mèngùꞋte è kuꞋu ane tò la.

1 Tèsàlonikà 2:19

Ane nkûŋ, wu bɨ̀a ka bɨ ghɨ̂ ba bɔ ntɨ̀ nè mèngùꞋte mè mbɔ̀ lə bàa me ghàꞋtè àwa a mbì Yesò Lefɨ̀Ꞌ ane àlia tàa kɨꞋɨ la.

Jimsì 5:7

Bɔnyɨ bɔ̧, bɨ̀ kuule mèntɨ̧ɨ̧ mɨ̧ tè Yesò li nkɨ̀Ꞌɨ̂. Bɨ̀ ye ndɨ wòt tàa faꞋa a mbȩ la nàa ngɨ̀ tà kùùle èntɨ̧ɨ̧ vi nchɨ̀Ꞌ tè èghɨjɨ tò e ghɨ̀ nkwèèlê nkùꞋ a màfuꞋa la. Tàa ngɨ̀ tà chɨ̀Ꞌ tè mbɨ̀ŋ mbì lu, èye kwèn mè ndi ndu.

Jimsì 5:8

Bɨ̀a mbɔŋ è kuule mèntɨ̧ɨ̧ mɨ̧ mɨ̧̂. Bɨ̀ taŋke mèntɨ̧ɨ̧ mɨ̧ nkàà nê, àfɨꞋa Yesò nàa kɨꞋɨ la aà nkùꞋà.

Ètsə 1:7

Bɨ̀ ye, tàa nkɨ̀Ꞌa a èbem mbàꞋ. Waa waa naa li ye atò, fɔɔle nè bòt bu bɔ li sɔɔbe atò la. Bòt èlaꞋ ègème a ngɔ̀ŋ ŋaa aa li dɨ̌ nkàà àghɨa a li ngɨ̀ ane tò la. Ane nkûŋ, eyaa bê ngu ndɨ àa li wu la. Àmèn!

Ètsə 2:25

Ka bɨ baãaã èghɨ bu bɨ ko tê ndɔ̀Ꞌ la ntsɔ̧̀, tè è ngɨa nkɨ̀Ꞌɨ̂.

Ètsə 22:20

Wòt wu tà shu nê èghɨ bàa wu nkûŋ la, è laꞋnê, “Ane nkûŋ, e mbele yàŋe kɨꞋɨ.” Àmèn, Yesò Lefɨ̀Ꞌ, kɨꞋɨ.

Ètsə 22:7

Yesò nê, “Bɨ̀ zə, e mbele yàŋe kɨꞋɨ. Ntsɔ̧̀ wu wòt wu tàa nɔ̀ŋà èghɨ bu bɔ li shu bɔ shɨ a èbem àkatè yaa la.”

Ètsə 3:11

“ ‘E mbele yàŋe kɨꞋɨ, è wu ale bɨ̀ baãaã èghɨ bu bɨ bɔ tê ndɔ̀Ꞌ la ntsɔ̧̀, mbɨ̀Ꞌɨ̀ ka wòt kǒ fàà ènɨ̧ wu Mbɔ̧ɔ̧mà nɔ̀ŋe abua yɨ̧ la.