Jɔ̌n 21:15 - Mundani

¹⁵ Mbɨ̀Ꞌɨ̀ bɔ jɨ èghɨjɨ bu tè ndɔ̀Ꞌ la, Yesò bììte Simùn Pità nê, “Simùn waã Jɔ̌n, tè à kɔ̀ŋke am tè ntsè bòt ba à?” Pità shu abua tò nê, “Oò a Tè, à ko nê, maà nkɔ̀ŋkà awê.” Yesò shu abua tò nê, “Me jɨɨ bɔɔnjɨ̀ bɔ̧.”

Jɔ̌n 21:15 ပူးပေါင်းရင်းမြစ်များ

Matìù 10:37

“Wòt tà kɔ̀ŋkè tǎt vi nè nyɨ̌ vi tè ntsè am la, bakà kuꞋu ewe tàa wu wɔ̧ la. Wòt tà kɔ̀ŋkè wambâ̧ vi kò waàvi vi leꞋ tè ntsè am la ka meè kùꞋu ewe tàa wu wɔ̧ la.

Matìù 16:17

Yesò bê nê “Ntsɔ̧̀ wu àwɔ̀ Simùn Ba-Jɔnà. Ngu nê ànəê yaa à ka dzəa abua wɔ̀bȩ̂, a dzəa abua Tǎt am wu a ègwet la.

Matìù 18:10

“Bɨ̀ ko mbɨ̀Ꞌɨ̀ bɨ me waa waã kǒ ane bɔtechɨɨle bàa, tsiꞋ è shua wɨ̧ nê, bɔntu̧ Mbɔ̧ɔ̧mà bɔb aa ntsèka nta mènəè mɔb a mbì Tǎt am a ègwet àfɨ̀Ꞌ àgème.

Matìù 26:33

Pità shu abua Yesò nê, “Bɔ màà ndùùlà wê bàgème, ko e nka lùùlà a.”

Matìù 26:35

Pità nê, “È màà ntsìꞋi wuê àyea màa pfə ba nè la, ko e nka tu̧ laꞋ nê e mbakà ko àwê a!” Bɔkatè ko bu e mè shu wuê a èlɨ mbɔŋ.

Ntu̧ Ntsɔ̧̀ MAK 14:29

Pità shu abua Yesò nê, “Bɔ màà ndùùlà wê bàgème, ko e nka lùùlà a.”

Lûk 12:32

“Bɨ̀ ka mbɔ̌, bɨ̀a wu bɨ̀ wu mbɨ̀Ꞌɨ̀ àlaã njɨ̀tsə kà ye mètàŋ mɔb la, nkàà nê aà mbɔ̀ a tǎt wɨ̧ a màngɨa bɨa tsiꞋi bèfɔ̧̀ mbɨ̀Ꞌɨ̀ tòà.

Lûk 22:32

Ka mâ tsàꞋte a Mbɔ̧ɔ̧mà àtsəa yê àwɔ̀ Simùn mbɨ̀Ꞌɨ̀ ka à tsì èntɨ̧ɨ̧ wê ane yaã. Ka aa me kua akwèn nkɨ̀Ꞌa abua am à zì mèntɨ̧ɨ̧ bɔnyɨ bè.”

Jɔ̌n 1:42

Tà nɨa Simùn nkɨ̀Ꞌɨ̂ abua Yesò. Yesò lɔ̀kè àvi ndzě atò nê, “Bɔɔ ntɔ awê ane Simùn waã Jɔ̌n. Èlen lê aa tsiꞋi Sefàs.” (Sefàs wua shua nê Pità. Lə Pità è wu èwu.)

Jɔ̌n 13:37

Pità nê, “Tê, mâ ghɨ̀ na ka è nka wu ko ekùŋè àwê àfɨ̀Ꞌ yaa? Maa ŋa àtsə am ane ànəa yê.”

Jɔ̌n 16:27

nkàà nê Tǎt am yaŋe wua nkɔ̀ŋkà àwɨ̧, ndɨ̀ wu bɨ̀a mbɔŋ ekɔ̀ŋkè am, mè mbɨ̧̀ɨ̧̀ne nê e ndzəa abua tò la.

Jɔ̌n 21:12

ÀfɨꞋa mbɔŋ Yesò shu abua yɔb nê, “Bɨ̀ kɨꞋɨ ntsàb.” Tà làꞋ ale, wòt kǒ ka wu ane bɔkatè tò bu tà baãaã èntɨ̧ɨ̧ vi tè mbììte atò nê, tà wu wàà leꞋ la. Bɔɔ ntù̧a kà bììte ale ngu ndɨ̀ wu bɔ ko nê wu Tè Yesò la.

Jɔ̌n 21:7

ÀfɨꞋa mbɔŋ, wakatè wu Yesò taꞋa wua nkɔ̀ŋkà tò la shu abua Pità nê, “Wu Tè Yesò!” Mbɨ̀Ꞌɨ̀ Simùn Pità è zə nê wu Tè Yesò la, tà vi ndǐ ègwet zi tà ghɨ̂ me fàꞋa ale ntsì nɔŋe a si la, nkwaã mbɔ̂ nkȩ nteme a èbem *èdzî wu.

Jɔ̌n 8:42

Yesò mè shu abua yɔb nê, “Mbɔ̧ɔ̧mà ghɨ̀ ale ndâ ngu tǎt wɨ̧, ko bɨa nkɔ̀ŋkè am, nkàà nê e dzəè abua tò ka nkɨ̀Ꞌɨ̂, è nka kɨꞋɨ àtsə am mmɔ̌ mbɔŋ, tòà ka tà tsàà am la.

ÀfaꞋa 20:28

Bɨ̀ me lɨ̀ŋkè àwɨ̧ bɨ̀ambɔŋ nè bòt bu Fo Kèfə è zì àwɔb a tèkitebu tɨ̧ la ntsɔ̧̀. Bɨ̀ me lɨ̀ŋke a chɔsì Mbɔ̧ɔ̧mà mbɨ̀Ꞌɨ̀ mbaabà nàa mbààba njɨ̀ ti la. Waã Mbɔ̧ɔ̧mà li mpfə ka ngɨ̀ bòt mbɔŋ e tsiꞋi èbe Mbɔ̧ɔ̧mà.

ÀfaꞋa 20:29

Mâ ko nê, maa me ghɨ̀ tê sà àwɨ̧, bòt ko mbɨ̀Ꞌɨ̀ ngwitenyà̧ e nyi a kètsìà wɨ̧ ka bɔ̀ ka wu sa wòt ane yɨ̧.

Lûm 14:1

Bɨ̀ baãaã wòt tà bakà zìꞋì nkwèèle ane mènəè Mbɔ̧ɔ̧mà la ntsɔ̧̀, bɨ̀ ka me buꞋu ètsə bɨ̧ ane àghɨa tà wu ghɨ̌, ko baka ghɨ̀ la leꞋ.

Lûm 15:1

Bàa wu bàa nkwèèla ane mèntɨ̧ɨ̧ ma mu bàa zi ane Yesò la, bàà me tɨŋe bɔnyɨ ba ane èdziꞋi bɔ̀ɔ njùa adù̧ la. Bàà ka me ghɨ̀ wuê àghɨa àa mbɔ̀ àwa la.

1 Kɔlìn 8:11

Èyǐ wè waa e ghɨ̂ à tsòkè wanyɨ wè wòt Mbɔ̧ɔ̧mà, Yesò Klistò li mpfə ambo tò la.

Gàlashìà 5:6

Ndɨ̀ wu bà wu bòt Yesò Klistò la, ba bakà tsi mbɔ̌ ndɨ bàa me lȩ̂ nê bɔ naŋe wòt kò bɔ bakà nàŋe atò leꞋ la. Àghɨa bɔ kɨa la wu èntɨ̧ɨ̧ wu wòt zi ane Yesò Klistò la, e wu bɔ̀ɔ ndzèa ane èkɔŋ wu ŋut bɔ ane bɔbȩ la.

Efesɔ̀s 4:14

Ba tsiꞋi anè ko bà ka tsi ewu mbɨ̀Ꞌɨ̀ bɔtechɨɨle, bòt mèfà̧ àa nɨa kèghebte fɨ̀ta wɔb mpàà wɔb mbɨ̀Ꞌɨ̀ àfeme maꞋa àbâ abà, ngɨ̀à èbeko ane yɨ̧ e bɨ̧̀ɨ̧̀nà mènəè fɨ̀te la a.

Efesɔ̀s 6:24

Maà ntsàꞋtà nê, Tǎt wa Mbɔ̧ɔ̧mà nyɨꞋte a ntsɔ̧̀ vi ane bòt bàgème bɔ̀ɔ nkɔ̀ŋkà Yesò Klistò Lefɨ̀Ꞌ wa nè èkɔŋ kà wu lìa la.

Ebùlù 13:20

TsiꞋ Mbɔ̧ɔ̧mà àlàŋkè wu, tà li njù̧ù̧ma Yesò Lefɨ̀Ꞌ, TaꞋà Mbaabà njɨ̀tsə la, è tsě ane àlo̧ a mènkàꞋa kèkweelè mu kà wu èli lìa la,

Ebùlù 4:13

Àghɨa ko a ntsě betsiꞋa a lò̧ò̧tè a mbì Mbɔ̧ɔ̧mà la. Tàà ndzea àghɨ àgème a ngɔ̀ŋ ŋaa mbɨ̀Ꞌɨ̀ àa la, è mè ngu abua tò bàa li làꞋà ànəê àghɨ àgème bàa ngɨ̀à la.

1 Pità 1:8

Bɨ bakà ye atò, mbɔ̂ me kɔ̀ŋkè atò, mè ndzì mèntɨ̧ɨ̧ mɨ̧ ane tò kà ye atò. Mèntɨ̧ɨ̧ mɨ̧ è lu̧u̧ àfɨ̀Ꞌ yaa nè mèngùꞋte è ghe tê fɨ̀Ꞌ kà wu la,

1 Pità 2:2

Bɨ̀ la me nkɨ ngule èghɨjɨ bu Fo Mbɔ̧ɔ̧mà nàà ŋǎ la, wuê mbɨ̀Ꞌɨ̀ bɔkefi àa ngɨ̀ bɔ me kɨ èbɨ̧ bènyɨ̌ bɔb la, mbɨ̀Ꞌɨ̀ me tsə ane mèmpème mu Mbɔ̧ɔ̧mà ŋa abua yɨ̧ la.

1 Pità 2:25

Bɨ li ndzaãaã ngua ndèma mbɨ̀Ꞌɨ̀ njɨ̀te tèa ngà tèbaꞋ tèbaꞋ la, ka nè àfɨ̀Ꞌ yaa bɨ kua akwèn tè nkɨ̀Ꞌɨ̂ abua mbaabà njɨ̀ wu è wu wòt tàa mbààba awɨ̧ la.

1 Jɔ̌n 4:19

Baa nkɔ̀ŋkà Mbɔ̧ɔ̧mà nè bɔnyɨ ba, nkàà nê Mbɔ̧ɔ̧mà li mbɨ̀ nkɔ̀ŋkè àwa.

1 Jɔ̌n 5:1

Waa waa tà bɨ̧ɨ̧nè nê Yesò wu Fɔ̧̀ wu Mbɔ̧ɔ̧mà yɔꞋ ntsà la, wu waã Mbɔ̧ɔ̧mà. Waa waa tàa nkɔ̀ŋkà Tǎt la, nàà nkɔ̀ŋkà Waã tò mɨ̧̂.

Ètsə 2:23

Maa liime bòt bu bɔ̀ɔ nkuŋa tò la. Àyaa aa ghɨ̌ bèchɔsì bu bàgème aa ko nê mâ ko mèmɨ̀ɨ̀te bòt bàgème nè àghɨa àa mèntɨ̧ɨ̧ mɔb la. Maa ŋa waa waa àghɨa a kùꞋù ane àfàꞋ tàa ngɨ̀à la.