Jɔ̌n 20:19 - Mundani

¹⁹ È tseke te me wu àfɨꞋa nyèmtèsi ane àlia mbɔŋ, è wu àlia mbì ane nkàb la, bɔkatè Yesò e wua lob bɔ bù̧ù̧tè ngàbtè mètsələèꞋ ntsèke a èbèm, bɔ̀ɔ mbɔ̀a Bèjuê la. Yesò pùùlà è ntɨ̧ a mbì lɔb nê, “Àlàŋkè à wu ne nɨ̧̀.”

Jɔ̌n 20:19 ပူးပေါင်းရင်းမြစ်များ

Matìù 10:13

È wu nê, bɔ sèè àwɨ̧, bɨ tsiꞋ àlàŋkè àyɨ̧ a wu nè nɔ̀b. Ka bɔ̀ bakà sèe awɨ̧, bɨ̀ nɨ àlàŋkè àyɨ̧.

Matìù 18:20

Bɨ̀ ko nê bòt babe, kò batat leꞋ e bu̧u̧te àdziꞋ ane èlen laã, ko maa wu a kètsìà wɔb.”

Ntu̧ Ntsɔ̧̀ MAK 16:14

A li ngà me lìa, Yesò puula a mbì bɔkatè bi bu bɔ̀ le tsiꞋi èghem ntsɔ̀b wemɔ̀Ꞌ la àfɨꞋa bɔ̀ le wua njɨ̀a èghɨjɨ la. Tà li ŋȩ̀te awɔb ndɨ̀ wu bɔ li bɔ̀ ka wua mbɨ̧̀ɨ̧̀na nê betsiꞋa tà yu̧u̧mè la, mè nè ndɨ̀ bɔ li bɔ̀ kà bɨ̧ɨ̧nè ànəa bòt bu bɔ li ndzèa atò àfɨꞋa tà yu̧u̧me la.

Jɔ̌n 14:27

Mâ sa àlàŋkè abua yɨ̧, mâ ŋa àlàŋkè am abua yɨ̧, ka è nka ŋa mbɨ̀Ꞌɨ̀ bòt ngɔ̀ŋ àa ŋǎ la. Mbɨ̀Ꞌɨ̀ mèntɨ̧ɨ̧ mɨ̧ me bente, bɨ̀ ka mbɔa.

Jɔ̌n 16:22

Wu wuê ndɨ bɨ̀ wu ane tèsȩ àfɨ̀Ꞌ yaa la. Ka maa me ghɨ̀ tê mè ndzè àwɨ̧, mèntɨ̧ɨ̧ mɨ̧ lu̧ ne mèngùꞋte. Eyaa èwuu mèngùꞋte mu betsiꞋa wòt kà ko ntsì mùà a mèntɨ̧ɨ̧ mɨ̧ la.

Jɔ̌n 16:33

“E shu awɨ̧ mènəè maa ègème mbɨ̀Ꞌɨ̀ bɨa bɔ àlàŋkè a mèntɨ̧ɨ̧ mɨ̧ ndɨ̀ wu ba nɨ̧̀ ba è tsiꞋi àghɨ yeamɔꞋ la. Ngɔ̀ŋ naa ghɨ̌ bɨa ye ngoꞋ kèkweelè. Ka mèntɨ̧ɨ̧ mɨ̧ ka mbèntê nkàà nê mâ nù tè ntsòkè mètàŋ ngɔ̀ŋ yaa.”

Jɔ̌n 20:21

Yesò mè shu abua yɔb nê, “Àlàŋkè à wu nè nɨ̧̀. Mbɨ̀Ꞌɨ̀ Tǎt am li ntsàà am a ngɔ̀ŋ la, wuê wu a èlɨ mbɔŋ mâ tsàà wɨ̧ àfɨ̀Ꞌ yaa la.”

Jɔ̌n 20:26

Nkàb è tem, bɔkatè Yesò bu e mè mbù̧ù̧te a èbem lob, Tɔmasì wu bɔ̂ tò ba mɨ̧̂. Bɔ tseke ale mbɔ̂ ngàbtè mètsələèꞋ, ka Yesò bɔ mpùùla ntɨ̧ a kètsìà yɔb nê, “Àlàŋkè a wu ne nɨ̧̀.”

Jɔ̌n 21:1

Àfɨ̀Ꞌ a me wu, Yesò mè mpuula a mbì bɔkatè bi ko a ngèt èdzî Tìbelìàs. Ye ndɨ tà li mpùùlà la.

Jɔ̌n 21:14

Eyaa li ngu ngò̧ tetat, Yesò pùùla a mbì bɔkatè bi mbɨ̀Ꞌɨ̀ tà yu̧u̧me la.

Jɔ̌n 7:13

Bòt bu aa ndàꞋà ale ka wòt kà laꞋ tè bòt aa zə, nkàà nê bɔɔ mbɔ̀ɔ bɔɔjuŋ Bèjuê.

ÀfaꞋa 1:3

Mbɨ̀Ꞌɨ̀ bɔ ghɨ̧̀ɨ̧̀ne a Yesò tè tà pfə mè njù̧ù̧mê la, tà nèètè nyɨ̀Ꞌte avi abua bɔntu̧ bi bu ane ndɨ bɔ̀ɔ ko nkûŋ nkûŋ nê Tà yù̧ù̧mè la. Tà li ntaꞋa pùùla a mbì lɔb ane èlibȩ èghem yekwì, ndaꞋa abua yɔb ndɨ Mbɔ̧ɔ̧mà nàa mbà̧aã kèfɔ̧̀ vi la.

Lûm 15:33

Maà ntsàꞋtà nê Mbɔ̧ɔ̧mà wu tàa ngɨ̀à bòt e bɔ àlàŋkè èntɨ̧ɨ̧ la wu nɨ̧̀ bɨ̀agème. Àmèn.

1 Kɔlìn 15:5

Tà li mpuula a mbì Pità, mè mpuula a mbì bɔntu̧ bu ntsɔ̀b babe la.

Efesɔ̀s 2:14

Yesò Klistò è ghɨ̂ àlàŋkè a kètsìà Bèjuê nè bòt kà wu Bèjuê ndɨ̀ wu bɔ̀ tsiꞋi àndà̧ yeamɔꞋ la. Èvə lu tà li mpfə a mbɨ̧̀ mbasa la e li ntsì mbù̧ yu è li ngu a kètsìà wɔb mbɨ̀Ꞌɨ̀ àkaã a ghàbtà wɔb la.

Efesɔ̀s 6:23

Maà ntsàꞋtà nê, Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ è ghɨa bɔnyɨ ba è me tseke ane àlàŋkè, nkɔ̀ŋkà wɔb bɔ̀ɔ mbɔŋ, mè ndzìà mèntɨ̧ɨ̧ mɔb ane Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ.

Filìpȩ 1:2

Baa shù̧ù̧ta Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ nê bɔ̀ me nyɨꞋte a ntsɔ̧̀ wɔb abua yɨ̧ mè ngɨ̀ bɨ̀ bɔ àlàŋkè.

2 Tèsàlonikà 3:16

Baa ntsàꞋtà nê, Tǎt wa Yesò zìambɔŋ, wu tàa ngɨ̀à bòt e bɔ àlàŋkè la, ghɨa bɨ̀ bɔ àlàŋkè a mèntɨ̧ɨ̧ mɨ̧ ane balu̧ bàgème àfɨ̀Ꞌ àgeme. Baa ntsàꞋtà nê, Tè Yesò wu ne nɨ̧̀ bɨ̀agème.

Ebùlù 7:2

Abàlàghâm li ngàbtè èghɨ ègème tà nɨa èbet wu la ane èdzìꞋ èghem, ŋǎ àdziꞋ yeamɔꞋ abua tò. Lə mbì èlen Mèkizedèk wu, “Fɔ̧̀ tàa ngɨa àghɨa Mbɔ̧ɔ̧mà nàa nkɨa la” mè nga ane èlɨ̀ wu tà lè wu fɔ̧̀ Salèm la, lə èlen tò mè ngu “Fɔ̧̀ tàa ngɨa àlàŋkè la.”

3 Jɔ̌n 1:14

Maà nkwàꞋtà wuê nê, è bele yàŋe kɨꞋɨ eye awê, baa mù mènəè mbɔŋ ane ètsəê.

Ètsə 1:4

Àkatè yaa shɨa Jɔ̌n: Abua bèchɔsì bu basà̧à̧mbe àlaꞋ a Esìà la. Maà shù̧ù̧ta nê Mbɔ̧ɔ̧mà nyɨꞋte a ntsɔ̧̀ vi abua yɨ̧, ngɨ̀ àlàŋkè à wua mèntɨ̧ɨ̧ mɨ̧. Wu tòà wu tàa və, tà li ndzaŋe wu, mè ngu li ekɨꞋɨ la. Ntsɔ̧̀ waa nè àlàŋkè yaa a mè ndzəa abua fote Mbɔ̧ɔ̧mà tu tesà̧à̧mbe te tɨ̧ɨ̧te a mbì àtɨ̧a kèfɔ̧̀ a tò la.