Jɔ̌n 19:6 - Mundani

⁶ Mbɨ̀Ꞌɨ̀ bètǎt bèntsìà mèpɨ̧̀ Mbɔ̧ɔ̧mà bu nè bèmbaabà lob nɨ̧ Mbɔ̧ɔ̧mà e ye atò la, bɔ ŋȩ nê, “Wu̧u̧te atò a mbɨ̧̀ mbasa, wu̧u̧te atò a mbɨ̧̀ mbasa!” Pȩlèt shu abua yɔb nê, “Bɨ̀ nɨa tò bɨ̀ambɔŋ ngù̧ù̧te a mbɨ̧̀ mbasa, e mbakà ye ànəa kàbɔ̀ŋ ko tà ghɨ̀ tê è wu àyea bɔ̀ɔ bùŋe atò la.”

Jɔ̌n 19:6 ပူးပေါင်းရင်းမြစ်များ

Matìù 26:58

Pità me nyaꞋa nkùŋà wɔb akwèn tè ngà ndzə àsà̧aã àtsəa bèntsìà mèpɨ̧̀ Mbɔ̧ɔ̧mà, ntsèke a si bɔ̂ bèshujà bu mbààba àpfəa mbɔŋ la, mbɨ̀Ꞌɨ̀ eye ndɨ ànəa mbɔŋ àa lìà la.

Matìù 27:22

Pȩlèt mè nê bɨ̀a nkɨà nê è ngɨ̌ ghà ane Yesò wàa bɔ̀ɔ ntɔ atò ane Klistò la à? Bòt bàgème e nê, “Wu̧u̧te, wu̧u̧te atò a mbɨ̧̀ Mbasa.”

Matìù 27:24

Mbɨ̀Ꞌɨ̀ Pȩlèt ye ndɨ ye nyɔ̀Ꞌtè kekaŋ, mè ndze ndɨ ye ghà nè mbì ko bòt bu aa bùꞋu ndèm la, tà nɨ mèleb me shùù èbu bi a mbì lɔb shua nê, “Bɨ bùŋe a mbê waa ko àbu am a ntsě a dù̧.”

Lûk 23:4

Pȩlèt shu abua bètǎt bèntsìà mèpɨ̧̀ Mbɔ̧ɔ̧mà bu nè ènɔ̧̂ bòt bu abot la nê, “E bakà ye àghɨa tà ghɨ̀ tê è wu àyea bɔ̀ɔ bùŋe atò la.”

Jɔ̌n 18:3

Judàs kɨ̀Ꞌɨ̂ abot nè àlaã bèshujà, bɔ̂ bèmbaabà lob nɨ̧ Mbɔ̧ɔ̧mà, bètǎt bèntsìà mèpɨ̧̀ Mbɔ̧ɔ̧mà nè Bèfalèsiì e tsàà wɔb la. Bɔɔ nkɨ̀Ꞌa ale mbèà mèkàꞋà bɔ̂ mbȩ̀tsə bɔ tò̧ la, nè èghɨ èbet.

Jɔ̌n 18:31

Pȩlèt nê, “Bɨ̀ nɨ atò bɨa mbɔŋ ngà saꞋa tò ane ndɨ mbɨ̧ tɨ̧ te nyɨꞋte la.” Bɔɔjuŋ Bèjuê bu e shu abua tò nê, “Bɨa bòt Luêm e bakà ŋa awa mètàŋ nê bà saꞋa wòt mbuŋe atò.”

Jɔ̌n 18:38

Pȩlèt bììte atò nê, “Nkûŋ wu ghàà?” Tà biite ale mè ndzəè nga àbȩ nkwene ane Bèjuê bu, shu abua yɔb nê “E mbakà yea ànəa kàbɔ̀ŋ ko tà ghɨ̀ la.

Jɔ̌n 19:15

Bɔ ŋȩ nê, “Bɔ̀ Bùŋe atò! Bɔ bùŋe atò! Bɔ wu̧u̧te atò a mbɨ̧̀ mbasa.” Pȩlèt bììte awɔb nê, “Bɨa nkɨà nê, è ngu̧u̧te Fɔ̧̀ wɨ̧ a mbɨ̧̀ mbasa à?” Bètǎt bèntsìà mèpɨ̧̀ Mbɔ̧ɔ̧mà bu e nê, “Ba bakà bɔ fɔ̧̀ tsǎ ka nè Sisà.”

Jɔ̌n 19:4

Pȩlèt mè ndzəè nga àbȩ shu abua bòt bu nê, “Bɨ̀ zə, e ntsiꞋa nɨa tò nkɨ̀Ꞌa àbȩ e tsia a mbì lɨ̧, mbɨ̀Ꞌɨ̀ bɨa ko nê, e mbakà ye ànəa kàbɔ̀ŋ ko tà ghɨ̀ la.”

ÀfaꞋa 2:23

Mbɔ̧ɔ̧mà zìambɔŋ li ndzaŋe làŋke mè nko ndɨ bòt kàbɔ̀ŋ aa li ŋa Yesò abua yɨ̧ la. Bɨ li ngɨ̀ bòt kàbɔ̀ŋ e wu̧u̧te atò a mbɨ̧̀ mbasa, mbùŋè.

ÀfaꞋa 7:52

Ngule ndàꞋàtɔŋ Mbɔ̧ɔ̧mà kǒ nàà və bètǎt nyaꞋ bɨ̧ e li bɔ̀ ka wua nkɨà àtsəa tò enɨ la à? Bɔ li mbùŋè bòt bu Mbɔ̧ɔ̧mà li ntsàà nê bɔ̀ kɨꞋɨ ntsɔ̀tè ànəa mènkɨ̀Ꞌɨ̂ WafaꞋ vi wu tàa ndzəa vi ntsɔ̧̀ la. Bɨ me wu àfɨ̀Ꞌ yaa ko nê bɨ jɨ mènàŋ tò mbùŋe atò.