Jɔ̌n 18:4 - Mundani

⁴ Yesò li nko àghɨa nga e ghɨ̌ ane zi la, ndɔ̀Ꞌ a si nkɨ̀Ꞌɨ̂ a mbì, mbììte awɔb nê, “Bɨ̀ kɨa wà à?”

Jɔ̌n 18:4 ပူးပေါင်းရင်းမြစ်များ

Matìù 16:21

E buꞋu àfɨꞋa mbɔŋ e ghà nè mbì, Yesò bùꞋ me shu bɔkatè bi ndɨ yèa ghǎ a Jèlusalèm e tàꞋa ye ngoꞋ a tèkitebu bɔɔjuŋ nè bètǎt bèntsìà mèpɨ̧̀ Mbɔ̧ɔ̧mà ndɔ̀Ꞌ nè bènyɨꞋtà mbɨ̧te Musì la. Nè, bɔɔ̀ li ebùŋè àvi ka naa me wu ane èlibȩ betat yea yu̧u̧me.

Matìù 26:2

“Bɨ̀ ko nê, è tsìꞋi èlibȩ bebe, èpǎ̧ Màntsea a ègwet e kɨꞋɨ̀, è wù àlia bɔ̀ɔ baãaã Waã Wòt ezǐ a tèkitebu bòt, bɔ̀ɔ wu̧u̧te atò a mbɨ̧̀ mbasa la.”

Matìù 26:21

Mbɨ̀Ꞌɨ̀ bɔ̀ɔ njɨ̀a la, tà nê, “TsiꞋ è shua wɨ̧ ane nkûŋ nê, wòt kǒ ane yɨ̧ nàa fɨ̧̀ɨ̧̀nè am.”

Matìù 26:31

Yesò shu abua bɔkatè bi nê, “Bɨa lùùla am bàgème kwaꞋa nyèmtèsi wàa, nkàà nê Àkata Mbɔ̧ɔ̧mà a shu nê, ‘Mbɔ̧ɔ̧mà naa bùŋe a mbaabà njɨ̀, njɨ̀ tu tea taate’,

Lûk 24:44

ÀfɨꞋa mbɔŋ tà shu abua yɔb nê, “Eyaa wu mènəè mu e ndi ngua shuà wɨ̧ àfɨꞋa e ndi mbèle ba nɨ̧̀ ba la, nê, àghɨ àgème bɔ shɨ ane yaã a èbem àkatè mbɨ̧te Musì, nè mènəè bèndàꞋàtɔŋ Mbɔ̧ɔ̧mà, nè è mu a èbem Àkata Mèkù̧ la, a bɔ ndɨ àa te la.”

Jɔ̌n 13:1

È li ntsìꞋi àli yeamɔꞋ, àlia èpǎ̧ Màntsea a ègwet a kùꞋ, Yesò ko nê, àfɨꞋa ye bɔ ndɨ yèa sǎ sitsǎꞋ yàa e ghǎ ekwene ane tǎt vi la a tsiꞋa nkùꞋà. Mbɨ̀Ꞌɨ̀ tà yaŋe wua nkɔ̀ŋkà bòt bu è wu bi a ngɔ̀ŋ ŋaa la, tà pàa nyɨ̀Ꞌte èkɔŋ vi ane yɔb tè ngà ndìà.

Jɔ̌n 13:11

Yesò nàà ndàꞋ ale ngu ndɨ tà ko wòt wu nga efɨ̧̀ɨ̧̀nè àvi la. Eyaa wu àghɨa a li ngɨ̀ ka tà nê, “È ntsě wòt ègème ane yɔb ènyit tò e lɔ̀Ꞌɔ̀ la.”

Jɔ̌n 18:5

Bɔ bɨ̀ɨ̀lè nê, “Yesò wòt Nazàlet.” Yesò shu abua yɔb nê, “E ngu tòa.” Bɔɔ ngɨ̀ ale Judàs wu tà fɨ̧̀ɨ̧̀ne a Yesò la wua abot bɔ̂ bèshujà bu tà tɨ̧ɨ̧ la.

Jɔ̌n 18:7

Tà mè mbììte awɔb nê, “Bɨ laꞋnê bɨ kɨa wà leè?” Bɔ bɨ̀ɨ̀lè nê, “Yesò wòt Nazàlet.”

Jɔ̌n 19:28

Yesò è ko nê ànəa àgème a mî, e nɨ ghɨ̌ ànəa Àkata Mbɔ̧ɔ̧mà a shu la aa te, tà nê “Àtɔŋ am a yu̧.”

Jɔ̌n 6:64

Ka àbəèꞋ àyɨ̧ ako à ka lem mbɨ̧ɨ̧ne mèngǎ̧ mbɔŋ.” (Yesò nàà ndàꞋà ale ngu ndɨ tà yaŋe ko bòt kà wu ebɨ̧ɨ̧ne èngǎ̧ vi kwàꞋ ane àlia mbìa tà buêꞋ me laꞋa wùà la, mè nko wòt wu tàa ghɨ̌ efɨ̧̀ɨ̧̀nè àvi la.)

ÀfaꞋa 2:28

À nyɨꞋte am alu̧ màa ghȩ̀ȩ̀ne tè ye ngule mèmpème kàlìà la. Ndɨ̀ wu à wu ba nè la, aa ghɨ̌ maa bɔ taꞋa mèngùꞋte.’

1 Pità 4:1

Ba ko nê Yesò Klistò li ntsìꞋi wɔ̀bȩ̂, ndzě ngoꞋ. Ale, bɨ̀ bɔ èwuu mèmɨ̀ɨ̀te mbɔŋ ntàŋka awɨ̧ eye ngoꞋ mbɨ̀Ꞌɨ̀ tà li ndze la. Bɨ̀ ghɨ̀ ale, nkàà nê wòt tà bɨ̧ɨ̧ne eye ngoꞋ la, bakà tsi mbɔ̀ àghɨa ko tàa ghɨ̀ nê kàbɔ̀ŋ la.