Jɔ̌n 18:30 - Mundani

³⁰ Bɔ bɨ̀ɨ̀lè nê, “Tà ghɨ̀ ale, tà kà ghɨ ànəa kàbɔ̀ŋ, ko ba bakà nɨ atò nɨ ekɨꞋɨ abua yê.”

Jɔ̌n 18:30 ပူးပေါင်းရင်းမြစ်များ

Ntu̧ Ntsɔ̧̀ MAK 10:33

“Bɨ̀ zə, ba wua nkɔ̀Ꞌɔ ngà a Jèlusalèm, àdziꞋa bɔ̀ɔ baãaã Waã Wòt, ezǐ atò a tèkitebu bètǎt bèntsìà mèpɨ̧̀ Mbɔ̧ɔ̧mà nè bènyɨꞋtà mbɨ̧te Musì, bɔɔ saꞋa tò e ghɨ̌ bɔɔ bùŋe atò la.

Ntu̧ Ntsɔ̧̀ MAK 15:3

Bètǎt bèntsìà mèpɨ̧̀ Mbɔ̧ɔ̧mà e zì mènəè ànyaꞋne àtsəa Yesò.

Lûk 24:7

nê, bɔ li mbɔ̌ ndɨ bɔ̀ɔ zì Waã Wòt a tèkitebu bòt kàbɔ̀ŋ, bɔɔ wu̧u̧te atò a mbɨ̧̀ mbasa, ka naa me wu ane èlibȩ betat taa yu̧u̧me la.”

Jɔ̌n 18:29

Ale, gɔvanɔ̀ Pȩlèt gha àbȩ mbììte awɔb nê, “Ànəa kàbɔ̀ŋ mbê waa ghɨ̀ la wu ghà à?”

Jɔ̌n 18:31

Pȩlèt nê, “Bɨ̀ nɨ atò bɨa mbɔŋ ngà saꞋa tò ane ndɨ mbɨ̧ tɨ̧ te nyɨꞋte la.” Bɔɔjuŋ Bèjuê bu e shu abua tò nê, “Bɨa bòt Luêm e bakà ŋa awa mètàŋ nê bà saꞋa wòt mbuŋe atò.”

Jɔ̌n 19:12

ÀfɨꞋa Pȩlèt e zə èngà̧ waa la, tà me nyɔ̀Ꞌta nkɨà èlu̧ esǎ Yesò, ka Bèjuê bu e me ŋȩ wuê ŋȩ shua nê, “À sa mbê waa, à ko nê, ye ntsě shu̧ Empelɔ̀ Luêm. Wòt nàa ngɨ̀ tà shu mbɨ̀Ꞌɨ̀ tòa anè nê, ye wu fɔ̧̀, tà ko nê, ye tsiꞋi wɔ̀mbù̧ Empelɔ̀ Luêm.”

ÀfaꞋa 3:13

Mbɔ̧ɔ̧mà wu bètǎt nyaꞋ ba Abàlàghâm bɔ̂ Asàk, nè Jàkɔ̂b e li ngua ntsàꞋtà la, è nyɨꞋtè awa ndɨ Waã vi Yesò li nchɨɨme nguê la. Ka bɨ li ŋǎ atò abua bòt bɔ̀ɔ mbà̧aã àlaꞋ ayɨ̧ la nê bɔ̀ buŋa. Bɨ li ndzì mènəè àtsəa Yesò a mbì Pȩlèt fɔ̀ɔ̀le afɨꞋa tà tu̧ nê bɔ̀ ka mbùŋè a Yesò la.

2 Tɔ̀màtià 2:9

Wu ànəa yùà ka a ghɨ̂ e me ye ngoꞋ tè bɔ kuule am mbɨ̀Ꞌɨ̀ wòt tà ghɨ ànəa kàbɔ̀ŋ la. Bɔ batè nkùùlè am ale, ka bɔ̀ ka kuulè Ntu̧ Ntsɔ̧̀ yu.

1 Pità 4:15

Ka wòt ane yɨ̧ ka ndzě ngoꞋ nkàà a kàbɔ̀ŋ tàa ngɨ̀à la, è wû màmbuŋa bòt, nè ètsɔŋ, kò màŋeꞋe avi echɨ̧ɨ̧ a èbem mènəè bòt tsa leꞋ la.