Jɔ̌n 17:6 - Mundani

⁶ “Mâ ghɨ̂ bòt bu à làà wɔb ayɔɔ bòt ngɔ̀ŋ ŋǎ abua am la e ko awê. Bɔ li ngu bòt bê, ka à ŋà wɔb abua am, bɔ zə èngǎ̧ wè, mbê mè mbɨ̧ɨ̧nê nè èntɨ̧ɨ̧ wɔb wemɔꞋ.

Jɔ̌n 17:6 ပူးပေါင်းရင်းမြစ်များ

Jɔ̌n 1:18

Wòt kǒ tà li mè yea Mbɔ̧ɔ̧mà la ntsě. Wu ndàꞋà tòà wu tà wu àzi Mbɔ̧ɔ̧mà mè ngu a ngèt Mbɔ̧ɔ̧mà la ka tà ghɨ̂ bòt e ko atò la.

Jɔ̌n 12:28

Lefɨ̀Ꞌ lɔ̀kè èlen lê ntsaa ègwet.” Tà làꞋ ale, àtɔŋ a tse a ègwet nê, “Mâ lɔ̀kè èlen laã tè ndɔ̀Ꞌ mè mbèle elɔ̀ke.”

Jɔ̌n 15:19

Bɨ ghɨ̀ ale ngu àghɨ yeamɔꞋ nè bòt ngɔ̀ŋ yaa, ko bòt ngɔ̀ŋ mbɔŋ aa me kɔ̀ŋkè àwɨ̧, mbɨ̀Ꞌɨ̀ bòt bɔb. Ka ndɨ̀ wu bɨ ntsě bòt ngɔ̀ŋ yaa, e mbɔ̂ ndàà àwɨ̧ ntsì a kètsìà wɔb la, bɔ tsiꞋa mpààbà àwɨ̧ pààbe.

Jɔ̌n 15:3

Eyaa wu ndɨ èngǎ̧ wu mâ làꞋa abua yɨ̧ la, e nèètè àwɨ̧ tè bɨ bɔ̀ŋ la.

Jɔ̌n 15:7

Bɨ wu àghɨ yeamɔꞋ nè nà̧, mèngǎ̧ mɔ̧ mè ngu a mèntɨ̧ɨ̧ mɨ̧, ko bɨa biite a Tǎt am àghɨ àgème bɨ kɔ̀ŋkè la, taa ŋa.

Jɔ̌n 17:12

Mâ nɨ mètàŋ mu à ŋa abua am la mbààbe awɔb ane àfɨ̀Ꞌ yu maa wu ba tò ba la. Maa bà̧à̧ wɔb ntsɔ̧̀ tè wòt ane yɔb ka nyɔ̂, tè è bəa wòt wu tà bɔ ndɨ tàa nyɔ la, mbɨ̀Ꞌɨ̀ e ghɨ̌ ànəa bɔ shɨ a èbem Àkata Mbɔ̧ɔ̧mà la aa te.

Jɔ̌n 17:14

Mâ shua wɔb èngǎ̧ wê ale, bòt ngɔ̀ŋ e me pààbè àwɔb ndɨ̀ wu bɔ ntsě àghɨ yeamɔꞋ nè bòt ngɔ̀ŋ wuê mbɨ̀Ꞌɨ̀ e ntsě àghɨ yeamɔꞋ nè bòt ngɔ̀ŋ la.

Jɔ̌n 17:16

Bɔ ntsě àghɨ yeamɔꞋ nè bòt ngɔ̀ŋ yaa wuê mbɨ̀Ꞌɨ̀ mmɔ̌ mbɔŋ e ntsě àghɨ yeamɔꞋ nè bòt ngɔ̀ŋ la.

Jɔ̌n 17:2

Ghɨ̀ ale nkàà nê, à ŋa atò mètàŋ a ègwet bòt bàgème, nê tà ŋa mèmpème kàlìà abua bòt bu bàgème à ŋa abua tò la.

Jɔ̌n 17:24

“Lefɨ̀Ꞌ, maà nkɨà nê, bòt baa à ŋa abua am la, è li nkɨ̀Ꞌɨ̂ adzìꞋ yaa e nga la, mbɨ̀Ꞌɨ̀ eye ènɨ̧ am, è wu ènɨ̧ wu à li ŋa abua am, nkàà nê à li nkɔ̀ŋkè am, ka ngɔ̀ŋ naa li ebùꞋu la.

Jɔ̌n 17:26

Mâ ghɨ̌ bɔ ko wòt à wu wùà la, mè ngu ghɨ̌ bɔɔ me koa nɨa ngà nè mbì, mbɨ̀Ꞌɨ̀ bɔɔ me kɔ̀ŋkà am wuê a èlɨ̀ wu àa nkɔ̀ŋkà am la, e mě ghɨ̌ maa tsiꞋi àghɨ yeamɔꞋ nè nɔ̀b.”

Jɔ̌n 17:7

Bɔ ko àfɨ̀Ꞌ yaa nê, ànəê àgème à zi a tèkitebu taã la a dzə abua yê.

Jɔ̌n 18:9

Àyaa a li ntsè anè mbɨ̀Ꞌɨ̀ e ghɨ̌ mèngà̧ mu tà li shu abua Mbɔ̧ɔ̧mà la naa te. Tà li nê, “Ka wuê wòt wemɔ̀Ꞌ ane bòt bu à ŋa abua am la bakà nyɔ̂.”

Jɔ̌n 6:37

Waa waa Tǎt am nàa ŋǎ abua am la naa kɨꞋɨ etsiꞋi wòt am, è nka mèe ngu efəâ wòt kǒ tà kɨꞋɨ abua am la.

Jɔ̌n 6:39

Eyaa wu àghɨa tòà wu tà tsàà am la nàa nkɨà la, nê è nka sàŋ wòt kǒ ane bòt bu yê ŋa abua am la è nyɔ̂, nê è ndi ngɨ̀ wuê ndɨ bɔ̀ɔ yu̧u̧me àlia ngɔ̀ŋ nàa lìà la.

Jɔ̌n 8:51

KwàꞋ ane nkûŋ tsiꞋ è shua wɨ̧ nê, wòt tàa ndzəa èngǎ̧ am ngɨ̀à mbɨ̀Ꞌɨ̀ e shu la ka li epfə a.”

Jɔ̌n 8:52

Bèjuê bu e shu abua tò nê, “Ba lâ nko àfɨ̀Ꞌ yaa nê, à bɔ fo kàbɔ̀ŋ ane yê. Abàlàghâm li mpfə, bèndàꞋàtɔŋ Mbɔ̧ɔ̧mà e pfəꞋtè àyɔb mɨ̧̂, ka à bɔ̂ me shu nê, wòt tàa ngɨ̀à àghɨa à shu la ka li epfə a.

ÀfaꞋa 13:48

AfɨꞋa bòt kà wu Bèjuê e zə ayaa la, mèntɨ̧ɨ̧ mɔb bɔ̀ŋ, bɔ wùꞋtè èngǎ̧ Mbɔ̧ɔ̧mà. AfɨꞋa mbɔŋ, bòt bu Mbɔ̧ɔ̧mà è làà àwɔb nê bɔɔ li ebɔ mèmpème kàlìà la, e zì mèntɨ̧ɨ̧ mɔb ane Yesò.

Lûm 11:2

Mbɔ̧ɔ̧mà bakà waꞋa bòt bi bu tà li mbèle àfɨꞋa tsa ndà la. Bɨ bakà ko ànəa Àkata Mbɔ̧ɔ̧mà a shu ane ànəa Èlȩjà li ndàꞋ ane ànəa kàbɔ̀ŋ bòt Izəèlȩê abua Mbɔ̧ɔ̧mà la à?

2 Kɔlìn 4:6

Mbɔ̧ɔ̧mà wu tà li shu nê “ÈkaꞋà è beꞋe a èbem ndzěm la”, wu tòà tà li ngɨ̀ èkaꞋà vi e beꞋe a mèntɨ̧ɨ̧ ma la. Tà li ngɨ̀ anè mbɨ̀Ꞌɨ̀ baa ye èkaꞋa tò mbèꞋa a èsi Yesò Klistò e ko ndɨ ènɨ̧ Mbɔ̧ɔ̧mà àa la.

Kɔ̀losìà 3:16

Bɨ̀ tsiꞋ èngǎ̧ Yesò Klistò è ghe a mèntɨ̧ɨ̧ mɨ̧. Bɨ̀ me nɨ èyì ègème ndàꞋà èngǎ̧ mbɔŋ abua bɔnyɨ bɨ̧ nkɨ̀ɨ̀ta awɔb. Bɨ̀ me kɔ̧ɔ̧ mètsəkû̧ è dzəâ a èbem àkata Mbɔ̧ɔ̧mà la, nkɔ̧̂ mètsəkû̧ Yesò, mè nkɔ̧̂ mètsəkû̧ Fo Mbɔ̧ɔ̧mà ghɨ̀ la. Bɨa me kɔ̧ɔ̧, bɨ me ŋa mènkɔ̀ŋke abua Mbɔ̧ɔ̧mà a èbem mèntɨ̧ɨ̧ mɨ̧.

2 Tɔ̀màtià 1:13

Baãaã èngǎ̧ nkûŋ waa mâ laꞋa abua yê la, me làꞋa abua bòt ko mɨ̧̂, me zì wuê èntɨ̧ɨ̧ wê ane Mbɔ̧ɔ̧mà, nkɔ̀ŋkà tò mbɨ̀Ꞌɨ̀ ba wu ba tsiꞋi àghɨ yeamɔꞋ nè Yesò Klistò la àa ngɨ̀à la.

Ebùlù 2:12

Tà laꞋnê, “Mbɔ̧ɔ̧mà, maa nga elàꞋa ànəa yê abua bɔnyɨ bɔ̧. Emě shu ndɨ à ghe la àdzìꞋa bɔ bù̧ù̧te ane èlen lê la.”

Ebùlù 3:6

Ka Yesò Klistò Waã Mbɔ̧ɔ̧mà wu àtsəa lob tò, mè me ghɨ̀ wuê àghɨa Mbɔ̧ɔ̧mà laꞋnê tà ghɨ la a èbem lob Mbɔ̧ɔ̧mà. Bàa mbɔŋ e wu lob Mbɔ̧ɔ̧mà na ba nèètà mbà̧aã ànəa àghɨ yu ba chɨ̀Ꞌà la kà ye kèbɔɔ, ngàꞋtà àwa adù̧ la.

1 Pità 1:1

Letà Pità, wantu̧ Yesò Klistò, Abua bòt Mbɔ̧ɔ̧mà bu bɔ taa awɔb bɔ sàbtè ntsìꞋa ntsèkâ mbɨ̀Ꞌɨ̀ bègɨ̧̀ a Pontùs, nè Gàlashìà, nè Kàpàdosìà bɔ̂ Esìà nè Bìtinìà la.

1 Jɔ̌n 5:20

Ba meè nko nê, Waã Mbɔ̧ɔ̧mà è kɨꞋɨ̀ ŋà àwa èyì mbɨ̀Ꞌɨ̀ baa ko atò wu, tà wu nkûŋ la. Baa tsiꞋi àghɨ yeamɔꞋ nè Mbɔ̧ɔ̧mà ngua shua nê ba tsiꞋi àghɨ yeamɔꞋ nè Waã tò Yesò Klistò. Yesò lâ ngu Mbɔ̧ɔ̧mà mè ngu wòt tàa ŋǎ awa mèmpème kàlìà la.

Ètsə 2:13

Mâ ko àdziꞋa bɨ̀a ntsèka la, wu àdziꞋa àtɨ̧a kèfɔ̧̀ Satàn à wu abot la. Mâ koê nê bɨ bakà li mè tu̧ nê bɨ wu bòt bɔ̧. Bɨ li bɨ̀ ka tsi mèntɨ̧ɨ̧ mɨ̧ ane yaã ka wuê àfɨꞋa bɔ li mbùŋa Antipà wu tà li ngua nkuŋe am nè èntɨ̧ɨ̧ vi wemɔꞋ la. Bɔ li mbùŋe atò a kètsìà wɨ̧, àdziꞋa Satàn nàa ntsèka la, nkàà ndɨ tà li ngua ndàꞋa èngǎ̧ am la.

Ètsə 3:10

Mâ shu nê ndɨ̀ wu bɨ kuule mèntɨ̧ɨ̧ mɨ̧ ngɨ̀ mbɨ̀Ꞌɨ̀ mâ shu la, maa baaba awɨ̧ àfɨꞋa màa nɨ ngoꞋ enyɔ̀Ꞌte bòt sitsǎꞋ bàgème la.

Ètsə 3:8

Mâ ko èghɨ bɨ̀a ngɨ̀à la. Bɨ̀ ye, mâ tsɔꞋɔ ètsələèꞋ abua yɨ̧ betsiꞋa wòt kà koê ngàbà la. Mâ ko nê bɨ batè mbɔ wuê adziꞋi mètàŋ ale, ka mbɔ̀ me ghɨ̀ àghɨa mâ shu la, bɨ̀ ka mè ntu̧ èlen laã.