Jɔ̌n 17:26 - Mundani

²⁶ Mâ ghɨ̌ bɔ ko wòt à wu wùà la, mè ngu ghɨ̌ bɔɔ me koa nɨa ngà nè mbì, mbɨ̀Ꞌɨ̀ bɔɔ me kɔ̀ŋkà am wuê a èlɨ̀ wu àa nkɔ̀ŋkà am la, e mě ghɨ̌ maa tsiꞋi àghɨ yeamɔꞋ nè nɔ̀b.”

Jɔ̌n 17:26 ပူးပေါင်းရင်းမြစ်များ

Jɔ̌n 14:20

Naa li ngu ane àlia mbɔŋ bɨ ko nê, e ngu àghɨ yeamɔꞋ nè Tǎt am, bɨ wu àghɨ yeamɔꞋ nè nà̧, e mè ngu àghɨ yeamɔꞋ nè nɨ̧.

Jɔ̌n 14:23

Yesò bɨ̀ɨ̀lè nê, “Wòt me kɔ̀ŋkè am, ko taa me ghɨ̌ àghɨa mâ shu nê tà me ghɨ̀ la, Tǎt am mè ngu me kɔ̀ŋkè atò, ba Tǎt am e mè ngu ekɨꞋɨ tseke ba tò ba.

Jɔ̌n 15:15

È nka tsi tɔ awɨ̧ ane bɔ̧ àfàꞋ bɔ̧a, nkàà nê wafàꞋ nàà kà ko ntsèmte tǎt àfàꞋ vi, ka mâ tsiꞋa ntɔ awɨ̧ ane bèshu̧ bɔ̧ nkàà nê, mâ shua wɨ̧ ànəa àgème mâ zə abua Tǎt am la.

Jɔ̌n 15:4

Bɨ̀ wu àghɨ yeamɔꞋ nè nà̧, è mě ngu àghɨ yeamɔꞋ nè nɨ̧̀ mɨ̧̂. Ndɨ̀ wu betsiꞋa èntaãaã àyɨt è ka koê nkɔ̀ɔ̀le tètaãaãtsə zia ndziꞋne kà wu a mbɨ̧̀ àyɨt la, wu ndɨ betsiꞋa bɨ̀ambɔŋ è ka ko ngɨ̀ àghɨ kà wu àghɨ yeamɔꞋ nè nà̧ la.

Jɔ̌n 15:9

“Mbɨ̀Ꞌɨ̀ Tǎt am nàa nkɔ̀ŋkà am la, wu, wuê a èlɨ mbɔŋ màa nkɔ̀ŋkà àwɨ̧ la mɨ̧̂. Bɨ̀ zìa wɨ̧ ane yaã, mbɨ̀Ꞌɨ̀ maa me kɔ̀ŋkè àwɨ̧.

Jɔ̌n 17:23

Ndɨ̀ wu è ngu àghɨ yeamɔꞋ nè nɔ̀b, à mè ngu àghɨ yeamɔꞋ nè nà̧ la, tsiꞋ bɔ̀ paa ngu àghɨ yeamɔꞋ, mbɨ̀Ꞌɨ̀ e ghɨ̌ bòt ngɔ̀ŋ aa ko nê, àwɔ̀ ka à tsàà am la, e mě ko nê àà nkɔ̀ŋkà àwɔb, mbɨ̀Ꞌɨ̀ àa nkɔ̀ŋkà am la.

Jɔ̌n 17:6

“Mâ ghɨ̂ bòt bu à làà wɔb ayɔɔ bòt ngɔ̀ŋ ŋǎ abua am la e ko awê. Bɔ li ngu bòt bê, ka à ŋà wɔb abua am, bɔ zə èngǎ̧ wè, mbê mè mbɨ̧ɨ̧nê nè èntɨ̧ɨ̧ wɔb wemɔꞋ.

Jɔ̌n 17:8

Mâ shu awɔb mènəè mu à li ndzi a tèkitebu taã la, bɔ zə mùà nɔŋe a mèntɨ̧ɨ̧ mɔb, mè nko ane nkûŋ nê, e ndzə abua yê, mè mbɨ̧̀ɨ̧̀ne nê, àwɔ̀ ka à tsàà am la.

Jɔ̌n 6:56

Wòt tà kwele nyà̧ ènyit yaã ndɔ̀Ꞌ nù àlo̧ am la wua ndzìà vi ane yaã, e mè ngua ndzì am ane tò mɨ̧̂.

Jɔ̌n 8:50

mbɔ̂ e nka wua nkɨà nê bòt è me ŋeꞋe am a ègwet, wòt nàà və àyea mbɔŋ à wu a tèkitebu tò la. Wu tòà ka tà ko ndɨ tàa mbàŋè mènəè mɔ̧ la.

Lûm 8:10

Ka Yesò Klistò wu a èntɨ̧ɨ̧ wòt, ko tàa wu yû̧, nkàà nê Mbɔ̧ɔ̧mà nɨa to mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la. Àghɨa àa pfə la wu wuê mbɨ̧̀ ènyit tò, nkàà kàbɔ̀ŋ wu tàà ngɨ̀à la.

1 Kɔlìn 1:30

Wu Mbɔ̧ɔ̧mà ka tà ghɨ̂ ba tsiꞋi àghɨ yeamɔꞋ nè Yesò Klistò la. Yesò Klistò wu mbɨ̀Ꞌɨ̀ èyǐ Mbɔ̧ɔ̧mà abua ya. Tà ghɨ̂ ba tsiꞋi bòt mènəè ntsɔ̧̀ e mbì Mbɔ̧ɔ̧mà, mè ntsìꞋi bòt bɔ ŋa wɔb abua Mbɔ̧ɔ̧mà la. Wu tòa tà tsì àwa a èbem kàbɔ̀ŋ la mɨ̧̂.

1 Kɔlìn 12:12

BetsiꞋa bɔ fɨ̀Ꞌnè èwuu mèghàb maa ane mbɨ̧̀ ènyit è bɔ èdziꞋ ènyit nyaŋ la. È batè mbɔ̀ èdziꞋi ènyit nyaŋ ale, mbɔ̂ mbèle wuê mbɨ̧̀ ènyit yemɔ̀Ꞌ, wu wuê ndɨ mbɨ̧̀ ènyit Yesò Klistò nàa la.

Gàlashìà 2:20

Bɔ li ngù̧ù̧te a Yesò Klistò a mbɨ̧̀ mbasa ale nko nê bɔ wu̧u̧te am mɨ̧̂. Mâ tseke anè è nka tsi ngu mmɔ̌, è tsìꞋi Yesò Klistò ntsèka ane yaã la. Mèntsèke màa e ntsèka àfɨ̀Ꞌ yaa la, e ntsiꞋa ntsèka nkàà èntɨ̧ɨ̧ wu mâ zi ane Waã Mbɔ̧ɔ̧mà wu tà li nkɔ̀ŋkè am kwat tè mpfə ambo yaã la.

Efesɔ̀s 1:6

Bà wùꞋte a Mbɔ̧ɔ̧mà ane taꞋà ntsɔ̧̀ tò waa tà tsě ane waã èkɔŋ vi nyɨ̀Ꞌte abua ya àku la.

Efesɔ̀s 3:17

E mè me tsàꞋte nê bɨ̀ ghɨa Yesò Klistò me tseke a mèntɨ̧ɨ̧ mɨ̧, ndɨ̀ wu bɨ̀a ndzìà èntɨ̧ɨ̧ wɨ̧ ane tò la. Maà ntsàꞋtà nê, tsiꞋ è wu èkɔŋ wɨ̧ ka e baãaã àghɨ àgème bɨ̀a ngɨ̀à la,

Efesɔ̀s 5:30

Ba wu èdziꞋi ènyit tò.

Efesɔ̀s 5:32

Bɔ ghaꞋa taꞋà nkûŋ shu a èbem èngà̧ waa, mâ ko nê e wua ndàꞋà ànəa Yesò Klistò bɔ̂ chɔsì.

Kɔ̀losìà 1:27

Mbɔ̧ɔ̧mà kɔ̀ŋkè nê yea tùꞋu ànəa ndò̧ zi yu abua yɔb mbɨ̀Ꞌɨ̀ nɨ enyɨꞋte ndɨ yea mbà̧aã bòt èlaꞋ ègème ntsɔ̧̀, ngɨ̀à bɔ bɔ èghɨ ntsɔ̧̀ bu ègème àa ndzəa ane ntsèm yaa la. Ntsèm mbɔŋ wu nê, Yesò Klistò wu a mèntɨ̧ɨ̧ mɨ̧. Àyaa a wua shua nê, bɨà li ewu ne Mbɔ̧ɔ̧mà a èbem ènɨ̧ tò.

Kɔ̀losìà 2:10

Mbɔ̧ɔ̧mà mè ŋa wɨ̧ ngule mèmpème ndɨ̀ wu bɨ tò ba è tsiꞋi àghɨ yeamɔꞋ la. Tà tsě fo tègème tèa mbà̧aã èlaꞋ mè ntsìta mènəè la.

Kɔ̀losìà 3:11

Mbɔ̧ɔ̧mà ghɨ a èlɨ̀ waa ale, Bèjuê è ka tsi ngu tsa, bòt kà wu Bèjuê aa wu tsa. Bòt bɔ naŋè àwɔb la è ka wu tsa, èbe kà bɔ naŋè àwɔb aa wu tsa. Bòt Sintìà è ka mê ngu tsa, bòt tèbemtebàꞋ aa wu tsa, èbùꞋ è ka wu tsa, bòt kà wu èbùꞋ aa wu tsa. Wòt bɔ yea àfɨ̀Ꞌ yaa la wu ndàꞋ Yesò Klistò, è mè ngu tòà tà wu ane yɨ̧ bɨ̀agème la.

2 Tèsàlonikà 2:16

Maà ntsàꞋta Yesò Klistò Lefɨ̀Ꞌ wa zìambɔŋ bɔ̂ Tǎt wa Mbɔ̧ɔ̧mà ane ànəa yɨ̧. Mbɔ̧ɔ̧mà nàà nkɔ̀ŋkà wa, mè nɨa ntsɔ̧̀ vi ndzìà mèntɨ̧ɨ̧ ma àfɨ̀Ꞌ àgème, ngɨ̀à ba kuula mèntɨ̧ɨ̧ ma nchɨ̀Ꞌà àghɨ yu è wù àyea ntsɔ̧̀ la.

Ebùlù 2:12

Tà laꞋnê, “Mbɔ̧ɔ̧mà, maa nga elàꞋa ànəa yê abua bɔnyɨ bɔ̧. Emě shu ndɨ à ghe la àdzìꞋa bɔ bù̧ù̧te ane èlen lê la.”

1 Jɔ̌n 3:24

Waa waa tàa ngɨ̀à ànəa Mbɔ̧ɔ̧mà shu la tsiꞋi àghɨ yeamɔꞋ bɔ̂ tò; Mbɔ̧ɔ̧mà mè ntsìꞋi àghɨ yeamɔꞋ bɔ̂ ŋut. Àghɨa a ghɨ̀ ka ba nê ba tsiꞋi àghɨ yeamɔꞋ nè Mbɔ̧ɔ̧mà la, wu nè tà zi Fo zi a mèntɨ̧ɨ̧ ma.