Jɔ̌n 17:11 - Mundani

¹¹ E ngu anè ntsiꞋa sà ngɔ̀ŋ yaa ekɨꞋɨ kwene ane yê, ka bɔ bɔ̂ ngu àyɔb a si nga etèꞋa a ngɔ̀ŋ ŋaa. Lefɨ̀Ꞌ, àwɔ̀ wu à tsè bètǎt bàgème la leꞋ, baabe awɔb wu à ŋa abua am la ane mètàŋ mê, è wu mètàŋ mu à ŋa abua am la, mbɨ̀Ꞌɨ̀ bɔɔ tsiꞋi àghɨ yeamɔꞋ, mbɨ̀Ꞌɨ̀ ba nè è wu àghɨ yeamɔꞋ mɨ̧̂ la.

Jɔ̌n 17:11 ပူးပေါင်းရင်းမြစ်များ

Matìù 10:16

“Bɨ̀ zə ntsɔ̧̀, e ngua ntsàà àwɨ̧ àbȩ mbɨ̀Ꞌɨ̀ njɨ̀tsə ayɔɔ ngwitenyà̧. È wu ale, bɨ me yìa mbɨ̀Ꞌɨ̀ ètsɔꞋ, mè me yu ane mènəè mɨ̧ mbɨ̀Ꞌɨ̀ bèbaba.

Matìù 5:48

È wu ale, mènəè mɨ̧ bɔ ndɨ nàa nèète tɨ̧ɨ̧ ndɨŋndɨ̀ŋ mbɨ̀Ꞌɨ̀ tǎt wɨ̧ a ègwet nàa ndɨŋndɨ̀ŋ la.

Matìù 6:9

“Ye ndɨ bɨ̀a me tsàꞋte a Mbɔ̧ɔ̧mà la: ‘Tǎt wa wu a ègwet la leꞋ, Ghɨa bòt è kukte èlen lê.

Jɔ̌n 13:1

È li ntsìꞋi àli yeamɔꞋ, àlia èpǎ̧ Màntsea a ègwet a kùꞋ, Yesò ko nê, àfɨꞋa ye bɔ ndɨ yèa sǎ sitsǎꞋ yàa e ghǎ ekwene ane tǎt vi la a tsiꞋa nkùꞋà. Mbɨ̀Ꞌɨ̀ tà yaŋe wua nkɔ̀ŋkà bòt bu è wu bi a ngɔ̀ŋ ŋaa la, tà pàa nyɨ̀Ꞌte èkɔŋ vi ane yɔb tè ngà ndìà.

Jɔ̌n 13:3

Yesò me wu azi ale nko nê, tǎt vi zǐ èghɨ ègème a tèkitebu ti, mè nko nê ye dzə abua Mbɔ̧ɔ̧mà, mè me wu anè ngua ntsiꞋa ngwèna abua tò.

Jɔ̌n 14:20

Naa li ngu ane àlia mbɔŋ bɨ ko nê, e ngu àghɨ yeamɔꞋ nè Tǎt am, bɨ wu àghɨ yeamɔꞋ nè nà̧, e mè ngu àghɨ yeamɔꞋ nè nɨ̧.

Jɔ̌n 16:28

E ndi ndzə abua Tǎt am ka nkɨ̀Ꞌɨ̂ a sitsǎꞋ, mè ngu anè ntsìꞋa sà sitsǎꞋ ewène abua tò.”

Jɔ̌n 16:33

“E shu awɨ̧ mènəè maa ègème mbɨ̀Ꞌɨ̀ bɨa bɔ àlàŋkè a mèntɨ̧ɨ̧ mɨ̧ ndɨ̀ wu ba nɨ̧̀ ba è tsiꞋi àghɨ yeamɔꞋ la. Ngɔ̀ŋ naa ghɨ̌ bɨa ye ngoꞋ kèkweelè. Ka mèntɨ̧ɨ̧ mɨ̧ ka mbèntê nkàà nê mâ nù tè ntsòkè mètàŋ ngɔ̀ŋ yaa.”

Jɔ̌n 17:23

Ndɨ̀ wu è ngu àghɨ yeamɔꞋ nè nɔ̀b, à mè ngu àghɨ yeamɔꞋ nè nà̧ la, tsiꞋ bɔ̀ paa ngu àghɨ yeamɔꞋ, mbɨ̀Ꞌɨ̀ e ghɨ̌ bòt ngɔ̀ŋ aa ko nê, àwɔ̀ ka à tsàà am la, e mě ko nê àà nkɔ̀ŋkà àwɔb, mbɨ̀Ꞌɨ̀ àa nkɔ̀ŋkà am la.

Jɔ̌n 17:25

“Lefɨ̀Ꞌ, àwɔ̀ wu mènəè mê tɨ̧ɨ̧ ndɨŋndɨ̀ŋ la, bòt ngɔ̀ŋ e bakà ko awê, ka e mbɔ̂ nko awê, bòt bɔ̧ baa e mè nko nê, àwɔ̀ ka à tsàà am la.

Jɔ̌n 17:6

“Mâ ghɨ̂ bòt bu à làà wɔb ayɔɔ bòt ngɔ̀ŋ ŋǎ abua am la e ko awê. Bɔ li ngu bòt bê, ka à ŋà wɔb abua am, bɔ zə èngǎ̧ wè, mbê mè mbɨ̧ɨ̧nê nè èntɨ̧ɨ̧ wɔb wemɔꞋ.

Jɔ̌n 7:33

Bɔɔ ngɨ̀a ale Yesò shu abua bòt nê, “Maa nyaꞋa wù̧ù̧nè ba nɨ̧̀ ba ane ateme àfɨ̀Ꞌ àko ka wène abua wòt wu tà tsàà am la.

ÀfaꞋa 3:21

Tà bɔ̂ ndɨ tàa tseke ègwet tè Mbɔ̧ɔ̧mà naa gheble èghɨ ègème aa tsiꞋi be fi mbɨ̀Ꞌɨ̀ tà li ngɨ̀ ngule bèndàꞋàtɔŋ tò be làꞋ, tê àfɨꞋa mbì la.

Lûm 12:5

Eyaa wu ndɨ bàa batè ngu nyaŋ ale, ka ngu mbɨ̧̀ ènyit yemɔ̀Ꞌ ndɨ̀ wu bàa tsiꞋi àghɨ yeamɔꞋ nè Yesò Klistò la, mè fɔte nè bɔnyɨ ba mbɨ̀Ꞌɨ̀ èdziꞋ tsa tsa ane mbɨ̧̀ ènyit yemɔ̀Ꞌ la.

Lûm 9:17

Àkata Mbɔ̧ɔ̧mà a li shu abua Felɔ̀ nê, “E ndɨ ŋèꞋe awê a ègwet mbɨ̀Ꞌɨ̀ nɨ àwê nyɨꞋte mètàŋ mɔ̧, e mě ghɨ̌ waa waa a ngɔ̀ŋ naa ko wòt è ngu wùà la.”

1 Kɔlìn 1:10

Bɔnyɨ bɔ̧, e ngua shù̧ù̧ta wɨ̧ ane èlen Yesò Klistò Lefɨ̀Ꞌ wa nê, bɨ̀ wu ane ètsəê wemɔꞋ, mbɨ̀Ꞌɨ̀ àyɔ̀ŋ a wu a kètsìà wɨ̧. Bɨ̀ wu àghɨ yeamɔꞋ ane ndɨ bɨ̀a nkwàꞋtà mènəè la.

Gàlashìà 3:28

BetsiꞋa bɔ̀ ka tsi nê wòt Juê è kubte ane wòt Glɨ̂k, àbùꞋ à ka kubte ane wòt ka wu àbùꞋ, mbâ̧ kà kubte ane àvi, nkàà nê bɨ̀agème e tsiꞋi àghɨ yeamɔꞋ ane Yesò Klistò.

Efesɔ̀s 4:4

Mbɨ̧̀ ènyit nàà yemɔ̀Ꞌ, Fo Mbɔ̧ɔ̧mà mè ngu yemɔ̀Ꞌ, wuê mbɨꞋɨ̀ àghɨ yu Mbɔ̧ɔ̧mà tɔ awa ba me chɨ̀Ꞌà la àa yeamɔꞋ la.

Filìpȩ 2:9

Mbɨ̀Ꞌɨ̀ tà ghɨ̀ ale la, Mbɔ̧ɔ̧mà è lɔke atò ntsàà àdziꞋa a tsě èdziꞋ ègème la, ŋǎ atò èlen e tsè tèlen tègème la.

Ebùlù 1:3

Ndɨ ènɨ̧ tò àa la, bê ngu wuê ndɨ ènɨ̧ Mbɔ̧ɔ̧mà àa la, tà bɔ mbê mè ngu mbɨ̀Ꞌɨ̀ Mbɔ̧ɔ̧mà naa la mɨ̧̂. Tà nɨ èngǎ̧ vi wu àa nkwèèla la ka nɨŋ mbà̧aã ngɔ̀ŋ ya. È li ngu àfɨꞋa tà nɨ àlo̧a zi shùù bòt bu bɔ̀ bakà kuꞋu a mbì Mbɔ̧ɔ̧mà la, tà gha a ègwet ntsèke àbâ àbualu̧ a Mbɔ̧ɔ̧mà Àtsèàngɔ̀ŋ.

Ebùlù 9:24

Yesò Klistò li tà kà nyi àtsəalob ntsèm a Mbɔ̧ɔ̧mà yu wɔ̀bȩ̂ è ghɨ̂, a fəə ngule a yu a ègwet la. Tà li nkɔꞋ ngà a ègwet, àdziꞋa tà wu a mbì Mbɔ̧ɔ̧mà àfɨ̀Ꞌ yaa ambo ya la.

Jimsì 4:4

Bɨ wu mbɨ̀Ꞌɨ̀ bòt mànjɨa àbȩ. Bɨ bakà ko laꞋ nê wòt nàa me kɔ̀ŋkè èghɨ sitsǎꞋ tà tsiꞋi wɔ̀mbù̧ Mbɔ̧ɔ̧mà à? Ale, wòt me kɨ me kɔ̀ŋkè èghɨ sitsǎꞋ tà ko nê ye wu wɔ̀mbù̧ Mbɔ̧ɔ̧mà.

1 Pità 1:5

Èghɨ mbɔŋ e wu abua yɨ̧ wu bɨ̀ zì mèntɨ̧ɨ̧ mɨ̧ ane Yesò Klistò la. Mbɔ̧ɔ̧mà nɨ̀ mètàŋ mi nkàbte awɨ̧ me chɨ̀Ꞌɨ̀ àli yu ngɔ̀ŋ nàa li elìà la. Taa li eŋa wɨ̧ mèmpème màa tà taŋke la.

1 Jɔ̌n 3:12

Bà ka ngu mbɨ̀Ꞌɨ̀ Kên, tà li ngu wòt Satàn wòt kàbɔ̀ŋ, mbùŋè wanyɨ vi Abèl la. Bɨ ko àghɨ yu a li ngɨ̀ ka tà buŋè wanyɨ vi la à? Wu nê, tà li ngua ngɨ̀à mènəè kà kùꞋ, wanyɨ tò me ghɨ̀ mènəè e kùꞋù la.

1 Jɔ̌n 5:19

Ngɔ̀ŋ yaa è batè ngu a tèkitebu Satàn wòt kàbɔ̀ŋ, ka baa koê nê ba wu bɔ̧ Mbɔ̧ɔ̧mà.

Jûd 1:1

Letà Juêd, wɔ̀fàꞋ Yesò Klistò, wanyɨ Jimsì, Abua bòt bu bàgème Tǎt waa Mbɔ̧ɔ̧mà làà àwɔb ane bòt bi me nèèta nkɔ̀ŋkè àwɔb, Yesò Klistò mè me baabe awɔb la.

Jûd 1:24

MèngùꞋte wu abua Mbɔ̧ɔ̧mà. BetsiꞋa tà ko ngɨ̀ tè bɨ̀ ka faãaãtè èka bɨ̧, mè ngɨ̀ ndɨ bɨ̀a tɨ̧ɨ̧ a mbì tò kà ye àghɨa bɔ̀ɔ fèèlè àwɨ̧ adù̧ la, mbɨ̀Ꞌɨ̀ bɨa ye ènɨ̧ tò ebɔ mèngùꞋte.

Ètsə 15:4

Lefɨ̀Ꞌ, wòt wu kà wu bɔa awê, ewùꞋte èlen lê la wu wàà? Wu ndàꞋà àwɔ̀, à wu Mbɔ̧ɔ̧mà la. Bòt ngɔ̀ŋ bàgème àa li kɨꞋɨ wùꞋtè àwê, nkàà nê wòt ègème ye ndɨ mènəè mê nàa ndɨŋndɨ̀ŋ la.”

Ètsə 19:12

Àghɨ a tò a me beꞋe mbɨ̀Ꞌɨ̀ èwet nkòòlâ la, tà mè kwà̧aã ntaãte tèa nyɨ̀Ꞌta mètàŋ tò la nyaŋ àtsə azi. Mè mbɔ̀ èlen ko bɔ shɨ ane tò, wòt kǒ tsa bakà ko ka nè tòà la.

Ètsə 4:8

Àghɨ àgème ane èghɨ yu̧ bu bekwì la, a bɔ tèbaabètsə tentùa mè mbɔ̀ àghɨ ane yɔb a èdziꞋ ègème, àbȩ nè èbèm. Àfɨ̀Ꞌ àgème nèngû̧ bɔ̂ ètsəꞋ bɔ me kɔ̧ mèkù̧ shua nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ tà tse èghɨ ègème, mè mbɔ̀ èntɨ̧ɨ̧ kèfə ntsè àghɨ àgème. Tà li ndzaŋe wu, mè ngu àfɨ̀Ꞌ yaa, mè ngu e li ekɨꞋɨ.”